Mahabharata · Chapter 3.285

prabhūtānnodaketasminbahumūlaphale vane /
senāṃ niveśya kākutstho vidhivatparyarakṣata //

rāvaṇaḥ saṃvidhaṃ cakre laṅkāyāṃ śāstranirmitām /
prakṛtyaivadurādharṣā dṛḍhaprākāratoraṇā //

agādhatoyāḥ parikhā mīnanakrasamākulāḥ /
babhūvuḥ sapta durdharṣāḥ svādiraiḥ śaṅkubhiścitāḥ //

karṇāṭayantrā durdharṣā babhūvuḥ sahuḍopalāḥ /
sāśīviṣaghaṭāyodhāḥ sasarjarasapāṃsavaḥ //

musalālātanārācatomarāsiparaśvathaiḥ /
anvitāścaśataghnībhiḥ samadhūcchiṣṭamudgarāḥ //

puradvāreṣu sarveṣu gulmāḥ sthāvarajaṅgamāḥ /
babhūvuḥ pattibahulāḥ prabhūtagajavājinaḥ //

aṅgadastvatha laṅkāyāṃ dvāradeśamupāgataḥ /
vidito rarākṣasendrasya praviveśagatavyathaḥ //

madhye rākṣasakoṭīnāṃ bahvīnāṃ sumahābalaḥ /
śuśubhe meghamālābhirāditya iva saṃvṛtaḥ //

sasamāsādya paulastyamamātyairabhisaṃvṛtam /
rāmasandeśamāmantrya vāgmī vaktuṃ pracakrame //

āha tvāṃ rāghavo rājankosalendro mahāyaśāḥ / prāptakālamidaṃ vākyaṃ tadādatsva sudurmate /

akṛtātmānamāsādya rājānamanaye ratam /
vinaśyantyanayāviṣṭā deśāśca nagarāṇi ca //

tvayaikenāparāddhaṃ me sītāmāharatā balāt /
vadhāyānaparāddhānāmanyeṣāṃ tadbhaviṣyati //

ye tvayā baladarpābhyāmāviṣṭena vanecarāḥ /
ṛṣayohiṃsitāḥ pūrvandevāścāpyavamānitāḥ //

rājarṣayaśca nihatā rudatyaścāhṛtāḥ striyaḥ /
tadidaṃ samanuprāptaṃ phalantasyānayasya te //

hantāsmi tvāṃ sahāmātyairyudhyasva puruṣo bhava /
paśya me dhanuṣo vīryaṃ mānuṣas niśācara //

mucyatāṃ jānakī sītā na me mokṣyamasi karhicit /
arākṣasamimaṃ lokankartā'smi niśitaiḥ śaraiḥ //

ititas bruvāṇas dūtas paruṣaṃ vacaḥ /
śrutvā na mamṛṣe rājā rāvaṇaḥ krodhamūrcchitaḥ //

haṅgitajñāstato bhartuścatvāro rajanīcarāḥ /
caturṣvaṅgeṣu jagṛhuḥ śārdūlamiva pakṣiṇaḥ //

tāṃstathāṅgeṣu saṃsaktānaṅgado rajanīcarān /
ādāyaiva khamutpatya prāsādatalamāviśat //

vegenotpatatastasya petuste rajanīcarāḥ /
bhuvi sambhinnahṛdayāḥ prahāravarapīḍitāḥ //

saṃsaktoharmyaśikharāttasmātpunaravāpatat /
laṅghayitvā puraṃ laṅkāṃ suvelasya samīpataḥ //

kosalendramathāgamya sarvamāvedya vānaraḥ /
viśaśrāma sa tejasvī rāghaveṇābhinanditaḥ //

tataḥ sarvābhisāreṇa harīṇāṃ vātaraṃhasām /
bhedayāmāsa laṅkāyāḥ grākāraṃ raghunandanaḥ //

vibhīṣaṇarkṣādhipatī puraskṛtyātha lakṣmaṇaḥ /
dakṣiṇaṃ nagaradvāramavāmṛdgāddurāsadam //

karabhāruṇagātrāṇāṃ harīṇāṃ yuddhaśālinām /
koṭīśatasahasreṇa laṅkāmabhyapatattadā //

pralambabāhūrukarajaṅghāntaravilambinām /
ṛkṣāṇaāṃ dhūmravarṇānāṃ tisraḥ koṭhyo vyavasthitāḥ //

utpatadbhiḥ patadbhiśca nipatadbhiśca vānaraiḥ /
nādṛśyata tadā sūryo rajasā nāśitaprabhaḥ //

śāliprasūnasadṛśaiḥ śirīpakusumaprabhaiḥ /
taruṇādityasadṛśaiḥ śaṇagauraiśca vainaraiḥ //

prākāraṃ dadṛśuste tu samantātkapilīkṛtam /
rākṣasā vismitā rājansastrīvṛddhāḥ samantataḥ //

bibhiduste maṇistambhānkarṇāṭṭaśikharāṇi ca /
bhagnonmathitaśṛṅgāṇi yantrāṇi ca vicikṣipuḥ //

parigṛhya śataghnīśca sacakrāḥ saguḍopalāḥ /
cikṣipurbhujavegena laṅkāmadhyemahāsvanāḥ //

prākārasthāścaye kecinniśācaragaṇāstathā /
pradudruvuste śataśaḥ kapibhiḥ samabhidrutāḥ //

tatastu rājavacanādrākṣasāḥ kāmarūpiṇaḥ /
niryayurvikṛtākārāḥ sahasraśatasaṅghaśaḥ //

śakhavarṣāṇi varṣanto drāvayitvā vanaukasaḥ /
prākāraṃ śobhayantaste paraṃ vismayamāsthitāḥ //

sa māparāśisadṛśairbabhūva kṣaṇādācaraiḥ /
kṛto nirvānaro bhūyaḥ prākāro bhīmadarśanaiḥ //

petuḥ śalavibhinnāṅgā bahavo vānararpabhāḥ /
stambhatoraṇabhagnāścapetustatraniśācarāḥ //

keśākeśyabhavadyuddhaṃ rakṣasāṃ vānaraiḥ saha /
nakhairdantaiśca vīrāṇāṃ khādatāṃ vai parasparam //

niṣṭananto hyubhayatastatra vānararākṣasāḥ /
hatānipatitā bhūmau na muñcanti parasparam //

rāmastu śarajālānivavarṣa jalado yathā /
tānilaṅkāṃ samāsādya jaghrustānrajanīcarān //

saumitrirapi nārācairdṛḍhadhanvā jitaklamaḥ /
ādiśyādiśya durgasthānpātayāmāsa rākṣasān //

tataḥ pratyavahāro'bhūtsainyānāṃ rādhavājñayā / kṛte vimarde laṅkāyāṃ labdhalakṣyojayottaraḥ //