Mahabharata · Chapter 3.282

tatastāṃ bhartṛśokārtāṃ dīnāṃ malinavāsasam /
maṇiśeṣābhyalankārāṃ rudatīṃ ca pativratām //

rākṣasībhirupāsyantīṃ samāsīnāṃ śilātale /
rāvaṇaḥkāmabāṇārto dadarśopasasarpa ca //

devadānavagandharvayakṣakimpuruṣairyudhi /
ajitośokavanikāṃ yayau kandarpapīḍitaḥ //

divyāmbaradharaḥ śrīmansumṛṣṭamaṇikuṇḍalaḥ /
vicitramālyamukuṭo vasanta iva mūrtimān //

na kalpavṛkṣasadṛśoyatnādapi vibhūṣitaḥ /
śmaśānacaityadrumavadbhūṣito'pi bhayankaraḥ //

sa tasyāstanumadhyāyāḥ samīpe rajanīcaraḥ /
dadṛśe rohiṇīmetya śanaiścara iva graihaḥ //

sa tāmāmantrya suśroṇīṃ puṣpaketuśarāhataḥ /
idamityabravīdvākyaṃ trastāṃ rauhīmivābalām //

sīte paryāptametāvatkṛtobharturanugrahaḥ /
prasādaṃ kuru tanvaṅgi kriyatāṃ parikarma te //

bhajasvamāṃ varārohe mahārhābharaṇāmbarā /
bhavame sarvanārīṇāmuttamā varavarṇinī //

santi me devaknyāśca gandharvāṇaāṃ ca yoṣitaḥ / santi dānavanyāś daityānāṃ cāpi yoṣitaḥ /
tāsāmadyaviśālākṣi sarvāsāṃ me bhavottamā //

caturdaśa piśācīnāṃ koṭyo me vacane sthitāḥ /
dvistāvatpuruṣādānāṃ rakṣasāṃ bhīmakarmaṇām //

tato me triguṇā yakṣā ye madvacanakāriṇaḥ /
kecideva dhanādhyakṣaṃ bhrātaraṃ me samāśritāḥ //

gandarvāpsaraso bhadre māmāpānagataṃ sadā /
upatiṣṭhanti vāmoru yathaiva bhrātaraṃ mama //

putro'hamapi viprarṣeḥ sākṣādviśravaso muneḥ /
pañcamo lokapālānāmiti me prathitaṃ yaśaḥ //

divyāni bhakṣyabhojyāni pānāni vividhāni ca /
yathaiva tridaśeśasyatathaiva mama bhāmini //

kṣīyatāṃ duṣkṛtaṃ karma vanavāsakṛtaṃ tava /
bhāryā me bhavasuśroṇi yathā maṇḍodarītathā //

ityuktā tena vaidehī parivṛtya subhānanā /
tṛṇamanatarataḥ kṛtvātamuvāca niśācaram //

aśivenātivāmorūrajasraṃ netravāriṇā /
stanāvapatitau bālā saṃhatāvabhivarṣatī //

vyavasthāpyakathañcitsā viṣādādatimohitā /
uvāca vākyaṃ taṃ kṣudraṃ vaidehī patidevatā //

asakṛdvadato vākyamīdṛśaṃ rākṣaseśvara / viṣādayuktametatte mayā śrutamabhāgyayā /
tadbhadramukha bhadraṃ te mānasaṃ vinivartyatām //

paradārā'smyalabhyā ca satataṃ ca pativratā /
na caivaupayikī bhārya mānuṣī tava rākṣasa //

vivaśāṃ dharṣayitvaca kāṃ tvaṃ prītimavāpsyasi /
na ca pālayase dharmaṃ lokapālasamaḥ katham //

bhrātaraṃ rājarājaṃ taṃ maheśvarasasvaṃ prabhum /
dhaneśvaraṃ vyapadiśankathaṃ tviha na lajjase //

ityuktvā prārudatsītā kampayantī payodharau /
śirodharāṃ ca tanvaṅgī musvaṃ pracchādyavāsasā //

tasya rudatyā bhāmityā dīrghā veṇī susayatā /
dadṛśe svasitā snigdhā kālī vyālīva mūrdhani //

śrutvā tadrāvaṇo vākyaṃ sītayoktaṃ suniṣuram /
pratyākhyāto'pidurmedhāḥ punarevābravīdvacaḥ //

kāmamaṅgani me sīte dunotu makaradhvajaḥ /
natvāmakāmāṃ suśroṇīṃ samepye cāruhāsinīṃ //

kinnu śakyaṃ mayā kartuṃ yattvamadyāpimānuṣam /
āhārabhūtamasmākaṃ rāmamevānurudhyase //

ityuktvā tāmanindyāṅgīṃ sa rākṣasamaheśvaraḥ /
tatraivāntarhito bhūtvā jagāmābhimatāṃ diśam //

rākṣasībhiḥ parivṛtāvaidehī śokakaśintā / sevyamānā trijaṭayā tatraiva nyavasattadā //