Mahabharata · Chapter 3.275

prāptamapratimaṃ duḥkhaṃ rāmeṇa bharatarṣabha /
rakṣasā jānakī tasya hṛtā bhāryā balīyasā //

āśramādrākṣasendreṇa rāvaṇena durātmanā /
māyāmāsthāya tarasā hatvā gṛdhraṃ jaṭāyuṣam //

pratyājahāra tāṃ rāmaḥ sugrīvabalamāśritaḥ /
baddhvā setuṃ samudrasya dagdhvā laṅkāṃ śitaiḥ śaraiḥ //
yudhiṣṭhira uvāca /

kasminnāmaḥ kule jātaḥ kiṃvīryaḥ kimparākramaḥ /
rāvaṇaḥ kasya putro vā kiṃ vairaṃ tas tena ha //

etanme bhagavansarvaṃ samyagākhyātumarhasi / tvayā pratyakṣodṛṣṭaṃ yathāsarvamaśeṣataḥ /
śrotumicchāmi caritaṃ rāmasyākliṣṭakarmaṇaḥ //
mārkaṇḍeya uvāca /

ajonāmābhavadrājā mahānikṣvākuvaṃśajaḥ /
tas putro daśarathaḥśaśvatsvādhyāyavāñchuciḥ //

abhavaṃstasya catvāraḥ putrā dharmārthakovidāḥ /
rāmalakṣmaṇaśatrughnā bharataśca mahābalaḥ //

rāmasya mātā kausalyā kaikeyī bharatasya tu /
sutau lakṣmaṇaśatrughnau sumitrāyāḥ parantapau //

videharājo janakaḥ sītā tasyātmajā vimo /
yāṃ cakāra svayaṃ tvaṣṭā rāmasya mahiṣīṃ priyām //

etadrāmasya te janma sītāyāśca prakīrtitam /
rāvaṇasyāpi te janma vyākhyāsyāmi rajaneśvara //

pitāmaho rāvaṇasya sākṣāddevaḥ prajāpatiḥ /
svayambhūḥ sarvalokānāṃ prabhuḥ sraṣṭā mahātapāḥ //

pulastyo nāma tasyāsīnmānaso dayitaḥ sutaḥ /
tasya vaiśravaṇo nāma gavi putro'bhavatprabhuḥ //

pitaraṃ sa samutsṛjya pitāmahamupasthitaḥ /
tasya kopātpitā rājansasarjātmānamātmanā //

sa jajñe viśravā nāma tasyātmārdhena vai dvijaḥ /
pratīkārāya sakrodhastato vaiśravaṇasya vai //

pitāmahastuprītātmā dadau vaiśravaṇas ha /
amaratvaṃ dhaneśatvaṃ lokapālatvameva ca //

īśānana tathā sakhyaṃ putraṃ ca nalakūvaram /
rājadhānīnivesaṃ ca laṅkāṃrakṣogaṇānvitām //

vimānaṃ puṣpakaṃ nāma kāmagaṃ ca dadau prabhuḥ / yakṣāṇāmādhipatyañca rājarājatvameva ca //