Mahabharata · Chapter 3.276

pulastyas tu yaḥ krodhādardhadeho'bhavanmuniḥ / viśravānāma sakrodhaṃ pitaraṃ rākṣaseśvaraḥ /

bubudhe taṃ tu sakrodhaṃ pitaraṃ rākṣaseśvaraḥ /
kuberastatprasādārthaṃ yatate sma sadā nṛpa //

sa rājarājo laṅkāyāṃ nyavasannaravāhanaḥ /
rākṣasīḥ pradadau tisraḥ piturvai paricārikāḥ //

tāḥ sadā taṃ mahātmānaṃ santoṣayitumudyatāḥ /
ṛṣiṃ bharataśārdūla nṛtyagītaviśāradāḥ //

puṣpotkaṭā ca rākā ca mālinī ca viśāmpate /
anyonyaspardhayārājañśreyaskāmāḥ sumadhyamāḥ //

sa tāsāṃ bhagavāṃstuṣṭo mahātmā pradadau varān /
lokapālopamānputrānakaikasyā yathepsitān //

puṣpotkaṭāyāṃ jajñāte dvau putrau rākṣaseśvarau /
kumbhakarṇadaśagrīvau balenāpratimau bhuvi //

mālina janayāmāsa putramekaṃ vibhīṣaṇam /
rākāryā mithunaṃ jajñe kharaḥ śūrpaṇakhā tathā //

vibhīṣaṇastu rūpeṇa sarvebhyo'bhyadhiko'bhavat /
sa babhūva mahābhāgo dharmagoptā kriyāratiḥ //

daśagrīvastu sarveṣāṃ śreṣṭho rākṣasapuṅgavaḥ /
mahotsāho mahāvīryo mahāsatvaparākramaḥ //

kumbhakarṇao balenāsītsarvebhyo'bhyadhiko yudhi /
māyāvī raṇaśauṇḍaścaraudraśca rajanīcaraḥ //

kharo dhanuṣi vikrānto brahmadviṭ piśitāśanaḥ /
siddhavighnakarī cāpi raudrī śūrpaṇakhā tadā //

sarve vedavidaḥ śūrāḥ sarvesucaritavratāḥ /
ūṣuḥ pitrā saha ratā gandhamādanaparvate //

tato vaiśravaṇaṃ tatra dadṛśurnaravāhanam /
pitrā sārdhaṃ samāsīnamṛddhyā paramayā yutam //

jātāmarṣāstataste tu tapase dhṛtaniścayāḥ /
brahmāṇaṃ toṣayāmāsurghoreṇa tapasā tadā //

atiṣṭhadekapādena sahasraṃ parivatsarān /
vāyubhakṣo daśagrīvaḥ pañcāgniḥ susamāhitaḥ //

adhaḥśāyī kumbhakarṇo yatāhāro yatavrataḥ /
vibhīṣaṇaḥ śīrṇaparṇamekamabhyavahārayan //

upavāsaratirdhīmānsadā japyaparāyaṇaḥ /
tameva kālamātiṣṭhattīvraṃ tapa udāradhīḥ //

svaraḥ śūrpaṇakhā caiva teṣāṃ vai tapyatāṃ tapaḥ /
paricaryāṃ ca rakṣāṃ ca cakraturhaṣṭamānasau //

pūrṇe varṣasahasretu śiraśchittvā daśānanaḥ /
juhotyagnau durādharṣastenātuṣyajjagatprabhuḥ //

tato brahmā svayaṃ gatvā tapasastānnyavārayat /
pralobhyavaradānena sarvānevapṛthakpṛthak //
brāhmovāca /

prīto'smi vo nivartadhvaṃ varānvṛṇuta putrakāḥ /
yadyadiṣṭamṛte tvekamamaratvaṃ tathā'stu tat //

yadyadagnau hutaṃ sarvaṃ śiraste mahadīpsayā /
tathaiva tāni te dehe bhaviṣyanti yathepsayā //

vairūpyaṃ ca na te dehe kāmarūpadharastathā /
bhaviṣyasi raṇe'rīṇāṃ vijetā na ca saṃśayaḥ //
rāvaṇa uvāca /

gandharvadevāsurato yakṣarākṣasatastathā /
sarpakinnarabhūtebhyo na me bhūyātparābhavaḥ //
brahmovāca /

ya ete kīrtitāḥ sarve na tebhyosti bhayaṃ ratava /
ṛte manuṣyādbhadraṃ te tathā tadvihitaṃ mayā //
mārkaṇḍeya uvāca /

evamukto daśagrīvastuṣṭaḥ samabhavattadā /
avamene hi durbuddhirmanuṣyānpuruṣādakaḥ //

kumbhakarṇamathovāca tathaiva prapitāmahaḥ / varaṃ vṛṇīṣva bhadraṃ te prītosmīti punaḥpunaḥ /
sa vavre mahatīṃ nidrāṃ tamasā grastacetanaḥ //

tathābhaviṣyatītyuktvā vibhīṣaṇamuvāca ha /
varaṃ vṛṇīṣva putra tvaṃ prīto'smīti punaḥpunaḥ //
vibhīṣaṇa uvāca /

paramāpadgatasyāpi nādharme me matirbhavet /
aśikṣitaṃ ca bhagavanbrahmāstraṃ pratibhātu me //
brahmovāca /

yasmādrākṣasayonau te jātasyāmitrakarśana /
nādharme dhīyate buddhiramaratvaṃ dadāni te //
mārkaṇḍeya uvāca /

rākṣasastu varaṃlabdhvā daśagrīvo viśāmpate /
laṅkāyāścyāvayāmāsa yudhi jitvā dhaneśvaram //

hitvāsa bhagavām̐llaṅkāmāviśadgandhamādanam /
gandharvayakṣānugato rakṣaḥkimpuruṣaiḥ saha //

vimānaṃ puṣpakaṃ tasya jahārākramya rāvaṇaḥ /
śaśāpa taṃ vaiśravaṇo na tvāmetadvahiṣyati //

yastu tvāṃ samare hantā tamevaitadvahiṣyati /
avamatya guruṃ māṃ ca kṣipraṃ tvannabhaviṣyasi //

vibhīṣaṇastu dharmātmā satāṃ mārgamanusmaran /
anvagacchanmahārāja śriyā paramayā yutaḥ //

tasmai sa bhagavāṃstuṣṭo bhrātā bhrātre dhaneśvaraḥ /
saināpatyaṃ dadau dhīmānyakṣarākṣasasenayoḥ //

rākṣasāḥ puruṣādāśca piśācāśca mahābalāḥ /
sarve sametya rājānamabhyaṣiñcandaśānanam //

daśagrīvaścadaityānāṃ dānavānāṃ balotkaṭaḥ /
ākramya ratnānyaharatkāmarūpī vihangama //

rāvayāmāsa lokānyattasmādrāvaṇa ucyate / daśagrīvaḥ kāmabalo devānāṃ bhayamādadhat //