મહાભારત · અધ્યાય 3.275

પ્રાપ્તમપ્રતિમં દુઃખં રામેણ ભરતર્ષભ ।
રક્ષસા જાનકી તસ્ય હૃતા ભાર્યા બલીયસા ॥

આશ્રમાદ્રાક્ષસેન્દ્રેણ રાવણેન દુરાત્મના ।
માયામાસ્થાય તરસા હત્વા ગૃધ્રં જટાયુષમ્ ॥

પ્રત્યાજહાર તાં રામઃ સુગ્રીવબલમાશ્રિતઃ ।
બદ્ધ્વા સેતું સમુદ્રસ્ય દગ્ધ્વા લઙ્કાં શિતૈઃ શરૈઃ ॥
યુધિષ્ઠિર ઉવાચ ।

કસ્મિન્નામઃ કુલે જાતઃ કિંવીર્યઃ કિમ્પરાક્રમઃ ।
રાવણઃ કસ્ય પુત્રો વા કિં વૈરં તસ્ તેન હ ॥

એતન્મે ભગવન્સર્વં સમ્યગાખ્યાતુમર્હસિ । ત્વયા પ્રત્યક્ષોદૃષ્ટં યથાસર્વમશેષતઃ ।
શ્રોતુમિચ્છામિ ચરિતં રામસ્યાક્લિષ્ટકર્મણઃ ॥
માર્કણ્ડેય ઉવાચ ।

અજોનામાભવદ્રાજા મહાનિક્ષ્વાકુવંશજઃ ।
તસ્ પુત્રો દશરથઃશશ્વત્સ્વાધ્યાયવાઞ્છુચિઃ ॥

અભવંસ્તસ્ય ચત્વારઃ પુત્રા ધર્માર્થકોવિદાઃ ।
રામલક્ષ્મણશત્રુઘ્ના ભરતશ્ચ મહાબલઃ ॥

રામસ્ય માતા કૌસલ્યા કૈકેયી ભરતસ્ય તુ ।
સુતૌ લક્ષ્મણશત્રુઘ્નૌ સુમિત્રાયાઃ પરન્તપૌ ॥

વિદેહરાજો જનકઃ સીતા તસ્યાત્મજા વિમો ।
યાં ચકાર સ્વયં ત્વષ્ટા રામસ્ય મહિષીં પ્રિયામ્ ॥

એતદ્રામસ્ય તે જન્મ સીતાયાશ્ચ પ્રકીર્તિતમ્ ।
રાવણસ્યાપિ તે જન્મ વ્યાખ્યાસ્યામિ રજનેશ્વર ॥

પિતામહો રાવણસ્ય સાક્ષાદ્દેવઃ પ્રજાપતિઃ ।
સ્વયમ્ભૂઃ સર્વલોકાનાં પ્રભુઃ સ્રષ્ટા મહાતપાઃ ॥

પુલસ્ત્યો નામ તસ્યાસીન્માનસો દયિતઃ સુતઃ ।
તસ્ય વૈશ્રવણો નામ ગવિ પુત્રોઽભવત્પ્રભુઃ ॥

પિતરં સ સમુત્સૃજ્ય પિતામહમુપસ્થિતઃ ।
તસ્ય કોપાત્પિતા રાજન્સસર્જાત્માનમાત્મના ॥

સ જજ્ઞે વિશ્રવા નામ તસ્યાત્માર્ધેન વૈ દ્વિજઃ ।
પ્રતીકારાય સક્રોધસ્તતો વૈશ્રવણસ્ય વૈ ॥

પિતામહસ્તુપ્રીતાત્મા દદૌ વૈશ્રવણસ્ હ ।
અમરત્વં ધનેશત્વં લોકપાલત્વમેવ ચ ॥

ઈશાનન તથા સખ્યં પુત્રં ચ નલકૂવરમ્ ।
રાજધાનીનિવેસં ચ લઙ્કાંરક્ષોગણાન્વિતામ્ ॥

વિમાનં પુષ્પકં નામ કામગં ચ દદૌ પ્રભુઃ । યક્ષાણામાધિપત્યઞ્ચ રાજરાજત્વમેવ ચ ॥