Mahabharata · Chapter 3.248

śatrubhirjitabaddhas pāṇḍavaiśca mahātmabhiḥ /
mokṣitasya yudhā paścānmāninaḥ sudurātmanaḥ //

katthanasyāvaliptasya garvitas ca nityaśaḥ /
sadā ca pauruṣaudāryaiḥ pāṇḍavānavamanyataḥ //

duryodhanas pāpasya nityāhankāravādinaḥ /
praveśo hāstinapure duṣkaraḥ pratibhāti me //

tasya lajjānavitasyaiva śokavyākulacetasaḥ /
praveśaṃ vistareṇa ratvaṃ vaiśampāyana kīrtaya //
vaiśampāyana uvāca /

dharmarājanisṛṣstu dhārtarāṣṭraḥ suyodhanaḥ /
lajjayā'dhomukhaḥ sīdannupāsarpatsuduḥkhitaḥ //

svapuraṃ prayayau rājā caturaṅgabalānugaḥ /
śokodahatayā buddhyā cintayānaḥ parābhavam //

vimucya pathi yānāni deśe suyavasodake / sanniviṣṭaḥ śubhe ramye bhūmibhāge yathepsitam /
hastyaśvarathapādātaṃ yathāsthānaṃ nyaveśayat //

athopaviṣṭaṃ rājānaṃ paryaṅke jvalanaprabhe / upaplutaṃ yathā somaṃ rāhuṇā rātrisankṣaye /
upāgamyābravītkarṇo duryodhanamidaṃ tadā //

diṣṭyā jīvasi gāndhāre diṣṭhyā naḥ sangamaḥ punaḥ /
diṣṭyā tvayā jitāścaiva gandharvāḥ kāmarūpiṇaḥ //

diṣṭyā samagrānpaśyāmi bhrātṝste kurunandana /
vijigīṣūnraṇe yuktānnirjitārīnmahārathān //

ahaṃ tvabhidrutaḥ sarvairgandharvaiḥ paśyatasva / nāśaknuvaṃ sthāpayituṃ dīryamāṇāṃ ca vāhinīm /
śarakṣatāṅgaśca bhṛśaṃ vyapayāto'bhipīḍitaḥ //

idaṃ tvatyadbhutaṃ manye yadyuṣmāniha bhārata / ariṣṭānakṣasāṃścāpi sadārabalavāhanān /
vimuktānsamprapaśyāmi yuddhāttasmādamānuṣāt //

naitasya kartā loke'sminpumānvidyati bhārata /
yatkṛtaṃ te mahārāja saha bhrātṛbhirāhave //

evamuktastu karṇena rājā duryodhanastadā /
uvācāvākśirā rājanbāṣpagadgadayā girā //