Mahabharata · Chapter 3.247

tato'rjunaścitrasenaṃ prahasannidamabravīt /
madhye gandharvasainyānāṃ maheṣvāso mahādyutiḥ //

kiṃ te vyavasitaṃ vīra kauravāṇāṃ vinigrahe /
kimarthaṃ ca sadāro'yaṃ nigṛhītaḥ suyodhanaḥ //
citrasena uvāca /

vidito'yamabhiprāyastatrasthena durātmanaḥ /
indreṇa dhārtarāṣṭrasya sakarṇasya dhanañjaya //

vanasthānbhavato jñātvā kliśyamānānanarhavat /
samastho viṣamasthāṃstāndrakṣyāmītyanavasthitān //

ime'vahasituṃ prāptā draupadīṃ ca yaśasvinīm /
jñātvā cikīrṣitaṃ caiṣāṃ māmuvāca sureśvaraḥ //

gaccha duryodhanaṃ baddhvā sahāmātyamihānaya /
dhanañjayaśca te rakṣyaḥ rasaha bhrātṛbhirāhave //

sa ca priyaḥ sakhā tubhyaṃ śiṣyaś tava pāṇḍavaḥ /
vacanāddevarājas tato'smīhāgato drutam //

ayaṃ durātmā baddhaśca gamiṣyāmi surālayam /
neṣyāmyenaṃ kadurātmānaṃ pākaśāsanaśāsanāt //
arjuna uvāca /

utsṛjyatāṃ citrasena bhrātā'smākaṃ suyodhanaḥ /
dharmarājasya sandeśānmama cedicchasi priyam //
citrasena uvāca /

pāpo'yaṃ nityasanduṣṭo na vimokṣaṇamarhati /
pralabdhā dharmarājasya kṛṣṇāyāśca dhanañjaya //

nedaṃ cikīrṣitaṃ tas kuntīputro yudhiṣṭhiraḥ /
jānāti dharmarājo hi śrutvā kuru yathecchasi //
vaiśampāyana uvāca /

te sarva eva rājanamabhijagmuryudhiṣṭhiram /
abhigamya ca tatsarvaṃ śaśaṃsustasya ceṣṭitam //

ajātaśatrustacchrutvā gandharvasya vacastadā /
mokṣayāmāsa tānsarvāngandharvānpraśaśaṃsa ca //

citrasenastadā vākyamuvāca prauḍhayā girā /
muñcadhvaṃsānujāmātyaṃ sadāraṃ ca suyodhanam //

gandharvāstu vacaḥ śrutvā citrasenasya vai drutam /
rājānaṃ mocayāmāsurbaddhaṃ nigaḍabandhanaiḥ //

sadāraṃ sānugāmātyaṃ bālajālamayena ye /
luchantaścāpi te sarve yudhiṣṭhirasamīpataḥ //

patitā lajjitāścaiva tasthuścādhomukhāstadā /
yudhiṣṭhiropi dayayā tānsamīkṣya tathāgatān //

diṣṭyā bhavadbhirbalibhiḥ śaktaiḥ sarvairna hiṃsitaḥ /
durvṛtto dhārtarāṣṭro'yaṃ sāmātyajñātibāndhavaḥ //

upakāro masāṃstāta kṛto'yaṃ mama khecara /
kulaṃ na paribhūtaṃ me mokṣeṇāsya durātmanaḥ //

ājñāpayadhvamiṣṭāni prītaṃ māṃ darśanena vaḥ /
prāpya sarvānabhiprāyāṃstato vrajata mā ciram //

anujñātāstu gandharvāḥ pāṇḍuputreṇa dhīmatā /
sahāpsarobhiḥ saṃhṛṣṭāścitrasenamukhā yayuḥ //

devalokaṃ tato gatvā gandharvaiḥ sahitastadā /
nyavedayacca tatsarvaṃ citrasenaḥ śatakratoḥ //

devarāḍapi gandharvānmṛtāṃstānsamajīvayat /
divyenāmṛtavarṣeṇa ye hatāḥ kauravairyudhi //

jñātīṃstānavamucyātha rājadārāṃśca sarvaśaḥ /
kṛtvā ca raduṣkaraṃ karma prītiyuktāśca pāṇḍavāḥ //

sastrīkumāraiḥ kurubhiḥ pūjyamānā mahārathāḥ /
babhrājire mahātmānaḥ kratumadhye yathā'gnayaḥ //

tato duryodhanaṃ muktaṃ bhrātṛbhiḥ sahitastadā /
yudhiṣṭhirastu praṇayādidaṃ vacanamabravīt //

ramā sma tāta punaḥ kārṣīrīdṛśaṃ sāhasaṃ kvacit /
na hi sāhasakartāraḥ sukhameghanti bhārata //

svastimānsahitaḥ sarvairbrātṛbhiḥ kurunandana /
gṛhānvraja yathākāmaṃ vaimanasyaṃ ca mā kṛthāḥ //
vaiśampāyana uvāca /

pāṇḍavenābhyanujñāno rājā duryodhanastadā / abhivādya dharmaputraṃ gatendriya ivāturaḥ /
vidīryamāṇo vrīḍāvāñjagāma nagaraṃ prati //

tasmingate kauraveye kuntīputro yudhiṣṭhiraḥ /
bhrātṛbhiḥ sahito vīraḥ pūjyamāno dvijātibhiḥ //

tapodhanaiśca taiḥ sarvairvṛtaḥ śakra ivāmaraiḥ / tathā dvaitavane tasminvijahāra mudā yutaḥ //