Mahabharata · Chapter 3.246

tato divyāstrasampannā gandharvā hemamālinaḥ /
visṛjantaḥ śarāndīptānsamantātparyavārayan //

caturaḥ pāṇḍavānvīrāngandharvāśca sahasraśaḥ /
raṇe sannyapatanrājaṃstadadbhutamivābhavat //

yathā karṇasya ca ratho dhārtarāṣṭras cobhayoḥ /
gandharvaiḥ śataśaśchinnau tathā teṣāṃ pracakritare //

tānsamāpatato rājangadharvāñchataśo raṇe /
pratyagṛhṇannaravyāghrāḥ śaravarṣairanekaśaḥ //

te kīryamāṇāḥ khagamāḥ śaravarṣaiḥ samantataḥ /
na śekuḥ pāṇḍuputrāṇāṃ samīpe parivartitum //

abhikruddhānabhikruddho gandharvānarjunastadā /
lakṣayitvā'tha divyāni mahāstrāṇyupacakrame //

sahasrāṇāṃ sahasrāṇi prāhiṇodyamasādanam /
ajeyānarjunaḥ saṅkhye gandharvāṇāṃ balotkaṭaḥ //

tathā bhīmo maheṣvāsaḥ saṃyuge balināṃvaraḥ /
gandharvāñśataśo rājañcaghāna niśitaiḥ śaraiḥ //

mādrīputrāvapi tathā yudhmānau balotkaṭau /
parigṛhyāgrato rājañjaghnatuḥ śataśaḥ parān //

tevadhyamānā gandharvā divyairastrairmahārathaiḥ /
utpetuḥ khamupādāya dhṛtarāṣṭrasutāṃstataḥ //

satānutpatitānadṛṣṭvā kuntīputro dhanañjayaḥ /
mahatā śarajālena samantātparyavārayat //

te braddhāḥ śarajālena śakuntā iva pañjare vavarpurarjunaṃ krodhādgadāśaktyṛṣṭivṛṣṭibhiḥ //

gadāśaktyṛṣṭivṛṣṭīstā nihatya paramāstravit /
gātrāṇi cāhanadbhallairgandharvāṇāṃ dhanañjayaḥ //

śirobhiḥ prapatadbhiśca caraṇairbāhubhistathā /
aśmavṛṣṭirivābhāti pareṣāmabhavadbhayam //

te vadhyamānā gandharvāḥ pāṇḍavena mahātmanā /
bhūmiṣṭhamantarikṣasthāḥ śaravarṣairavākiran //

teṣāṃ tu śaravarṣāṇi savyasācī parantapaḥ /
astraiḥ saṃvārya tejasvī gandharvānpratyavidhyata //

sthūṇākarṇendrajālaṃ ca sauraṃ cāpi tathā'rjunaḥ /
āgneyaṃ cāpi saumyaṃ ca sasarja kurunanadanaḥ //

te dahyamānā gandharvāḥ kuntīputrasya sāyakaiḥ /
daiteyā iva śakreṇa viṣādamagamanparam //

ūrdhvamākramamāṇāśca śarajālena vāritāḥ /
visarpamāṇā bhallaiśca vāryante savyasācinā //

gandharvāṃstrāsitāndṛṣṭvā kuntīputreṇa bhārata /
citraseno gadāṃ gṛhya savyasācinamanādravat //

tasyābhipatatastūrṇaṃ gadāhastasya saṃyuge /
gadāṃ sarvāyasīṃ pārthaḥ śaraiściccheda saptadhā //

sa gadāṃ bahudhā dṛṣṭvā kṛttāṃ bāṇaistarasvinā /
saṃvṛtya vidyayā'tmānaṃ yodhayāmāsa pāṇḍavaṃ //

astrāṇai tasya divyāni samprayuktāni sarvaśaḥ /
divyairastraistadā vīraḥ paryavārayadarjunaḥ //

sa vāryamāṇastairastrairarjunena mahātmanā /
gandharvarājo balavānmāyayā'ntarhitastadā //

antarhitaṃ tamālakṣya praharantamathārjunaḥ /
tāḍayāmāsa khacarairdivyāstrapratimantritaiḥ //

antardhānavadhaṃ cāsya cakre kruddho'rjunastadā /
śabdaveṣaṃ samāśritya bahurūpo dhanañjayaḥ //

rasa vadhyamānastairastrairarjunena mahātmanā /
tato'sya darśayāmāsa tadā'tmānaṃ priyaḥ sakhā //

citrasenastathovāca sakhāyaṃ yudhi viddhi mām /
citrasenamathālakṣya sakhāyamiti vismitaḥ //

sañjahārāstramathaṃ tatprasṛṣṭaṃ pāṇḍavarṣabhaḥ //

dṛṣṭvā tu pāṇḍavāḥ sarve saṃhṛtāstraṃ dhanañjayam /
sañjahruḥ pradrutānaśvāñśaravegāndhanūṃṣi ca //

citrasenaśca bhīmaśca savyasācī yamāvapi / pṛṣṭvā kauśalamanyonyaṃ ratheṣvevāvatasthire //