મહાભારત · અધ્યાય 3.246

તતો દિવ્યાસ્ત્રસમ્પન્ના ગન્ધર્વા હેમમાલિનઃ ।
વિસૃજન્તઃ શરાન્દીપ્તાન્સમન્તાત્પર્યવારયન્ ॥

ચતુરઃ પાણ્ડવાન્વીરાન્ગન્ધર્વાશ્ચ સહસ્રશઃ ।
રણે સન્ન્યપતન્રાજંસ્તદદ્ભુતમિવાભવત્ ॥

યથા કર્ણસ્ય ચ રથો ધાર્તરાષ્ટ્રસ્ ચોભયોઃ ।
ગન્ધર્વૈઃ શતશશ્છિન્નૌ તથા તેષાં પ્રચક્રિતરે ॥

તાન્સમાપતતો રાજન્ગધર્વાઞ્છતશો રણે ।
પ્રત્યગૃહ્ણન્નરવ્યાઘ્રાઃ શરવર્ષૈરનેકશઃ ॥

તે કીર્યમાણાઃ ખગમાઃ શરવર્ષૈઃ સમન્તતઃ ।
ન શેકુઃ પાણ્ડુપુત્રાણાં સમીપે પરિવર્તિતુમ્ ॥

અભિક્રુદ્ધાનભિક્રુદ્ધો ગન્ધર્વાનર્જુનસ્તદા ।
લક્ષયિત્વાઽથ દિવ્યાનિ મહાસ્ત્રાણ્યુપચક્રમે ॥

સહસ્રાણાં સહસ્રાણિ પ્રાહિણોદ્યમસાદનમ્ ।
અજેયાનર્જુનઃ સઙ્ખ્યે ગન્ધર્વાણાં બલોત્કટઃ ॥

તથા ભીમો મહેષ્વાસઃ સંયુગે બલિનાંવરઃ ।
ગન્ધર્વાઞ્શતશો રાજઞ્ચઘાન નિશિતૈઃ શરૈઃ ॥

માદ્રીપુત્રાવપિ તથા યુધ્માનૌ બલોત્કટૌ ।
પરિગૃહ્યાગ્રતો રાજઞ્જઘ્નતુઃ શતશઃ પરાન્ ॥

તેવધ્યમાના ગન્ધર્વા દિવ્યૈરસ્ત્રૈર્મહારથૈઃ ।
ઉત્પેતુઃ ખમુપાદાય ધૃતરાષ્ટ્રસુતાંસ્તતઃ ॥

સતાનુત્પતિતાનદૃષ્ટ્વા કુન્તીપુત્રો ધનઞ્જયઃ ।
મહતા શરજાલેન સમન્તાત્પર્યવારયત્ ॥

તે બ્રદ્ધાઃ શરજાલેન શકુન્તા ઇવ પઞ્જરે વવર્પુરર્જુનં ક્રોધાદ્ગદાશક્ત્યૃષ્ટિવૃષ્ટિભિઃ ॥

ગદાશક્ત્યૃષ્ટિવૃષ્ટીસ્તા નિહત્ય પરમાસ્ત્રવિત્ ।
ગાત્રાણિ ચાહનદ્ભલ્લૈર્ગન્ધર્વાણાં ધનઞ્જયઃ ॥

શિરોભિઃ પ્રપતદ્ભિશ્ચ ચરણૈર્બાહુભિસ્તથા ।
અશ્મવૃષ્ટિરિવાભાતિ પરેષામભવદ્ભયમ્ ॥

તે વધ્યમાના ગન્ધર્વાઃ પાણ્ડવેન મહાત્મના ।
ભૂમિષ્ઠમન્તરિક્ષસ્થાઃ શરવર્ષૈરવાકિરન્ ॥

તેષાં તુ શરવર્ષાણિ સવ્યસાચી પરન્તપઃ ।
અસ્ત્રૈઃ સંવાર્ય તેજસ્વી ગન્ધર્વાન્પ્રત્યવિધ્યત ॥

સ્થૂણાકર્ણેન્દ્રજાલં ચ સૌરં ચાપિ તથાઽર્જુનઃ ।
આગ્નેયં ચાપિ સૌમ્યં ચ સસર્જ કુરુનનદનઃ ॥

તે દહ્યમાના ગન્ધર્વાઃ કુન્તીપુત્રસ્ય સાયકૈઃ ।
દૈતેયા ઇવ શક્રેણ વિષાદમગમન્પરમ્ ॥

ઊર્ધ્વમાક્રમમાણાશ્ચ શરજાલેન વારિતાઃ ।
વિસર્પમાણા ભલ્લૈશ્ચ વાર્યન્તે સવ્યસાચિના ॥

ગન્ધર્વાંસ્ત્રાસિતાન્દૃષ્ટ્વા કુન્તીપુત્રેણ ભારત ।
ચિત્રસેનો ગદાં ગૃહ્ય સવ્યસાચિનમનાદ્રવત્ ॥

તસ્યાભિપતતસ્તૂર્ણં ગદાહસ્તસ્ય સંયુગે ।
ગદાં સર્વાયસીં પાર્થઃ શરૈશ્ચિચ્છેદ સપ્તધા ॥

સ ગદાં બહુધા દૃષ્ટ્વા કૃત્તાં બાણૈસ્તરસ્વિના ।
સંવૃત્ય વિદ્યયાઽત્માનં યોધયામાસ પાણ્ડવં ॥

અસ્ત્રાણૈ તસ્ય દિવ્યાનિ સમ્પ્રયુક્તાનિ સર્વશઃ ।
દિવ્યૈરસ્ત્રૈસ્તદા વીરઃ પર્યવારયદર્જુનઃ ॥

સ વાર્યમાણસ્તૈરસ્ત્રૈરર્જુનેન મહાત્મના ।
ગન્ધર્વરાજો બલવાન્માયયાઽન્તર્હિતસ્તદા ॥

અન્તર્હિતં તમાલક્ષ્ય પ્રહરન્તમથાર્જુનઃ ।
તાડયામાસ ખચરૈર્દિવ્યાસ્ત્રપ્રતિમન્ત્રિતૈઃ ॥

અન્તર્ધાનવધં ચાસ્ય ચક્રે ક્રુદ્ધોઽર્જુનસ્તદા ।
શબ્દવેષં સમાશ્રિત્ય બહુરૂપો ધનઞ્જયઃ ॥

રસ વધ્યમાનસ્તૈરસ્ત્રૈરર્જુનેન મહાત્મના ।
તતોઽસ્ય દર્શયામાસ તદાઽત્માનં પ્રિયઃ સખા ॥

ચિત્રસેનસ્તથોવાચ સખાયં યુધિ વિદ્ધિ મામ્ ।
ચિત્રસેનમથાલક્ષ્ય સખાયમિતિ વિસ્મિતઃ ॥

સઞ્જહારાસ્ત્રમથં તત્પ્રસૃષ્ટં પાણ્ડવર્ષભઃ ॥

દૃષ્ટ્વા તુ પાણ્ડવાઃ સર્વે સંહૃતાસ્ત્રં ધનઞ્જયમ્ ।
સઞ્જહ્રુઃ પ્રદ્રુતાનશ્વાઞ્શરવેગાન્ધનૂંષિ ચ ॥

ચિત્રસેનશ્ચ ભીમશ્ચ સવ્યસાચી યમાવપિ । પૃષ્ટ્વા કૌશલમન્યોન્યં રથેષ્વેવાવતસ્થિરે ॥