Mahabharata · Chapter 3.193

yudhiṣṭhirastu kaunteyo mārkaṇḍeyaṃ mahāmunim /
puna- papraccha sāmātyo bhaviṣyāṃ jagato gatim //
yudhiṣṭhira uvāca /

āścaryabhūtaṃ bhavataḥ śrutaṃ no vadatāṃvara /
mune bhārgava yadvṛttaṃ yugādau prabhavāpyayau //

asminkaliyuge tvasti punaḥ kautūhalaṃ mama /
samākuleṣu dharmeṣu kinnu śeṣaṃ bhaviṣyati //

kiṃvīryā mānavāstatrakimāhāravihāriṇaḥ /
kimāyuṣaḥ kiṃvasanā bhaviṣyanti yugakṣaye //

kāṃ ca kāṣṭhāṃ samāsādya punaḥ sampatsyate kṛtam /
vistareṇa mune brūhi vicitrāṇīha bhāṣase //

ityuktaḥ sa muniśreṣṭhaḥ punarevābhyabhāṣata /
ramayanvṛṣṇiśārdūlaṃ pāṇḍavāṃsca mahānṛṣiḥ //

śṛṇu rājanmayā dṛṣṭaṃ yatpurā śrutameva ca /
anubhūtaṃ ca rājenad्radevadevaprasādajam //

bhaviṣyaṃ sarvalokasya vṛttāntaṃ bharatarṣabha /
kaluṣaṃ kālamāsādya kathyamānaṃ nibodha me //

kṛte catuṣpātsakalo nirvyājoprādhivarjitaḥ /
vṛṣaḥ pratiṣṭhito dharmo manuṣye bharatarṣabha //

adharmapādaviddhastu tribhiraṃśaiḥ pratiṣṭhitaḥ /
tretāyāṃ dvāpare'rdhena vyāmiśro dharma ucyate //

tribhiraṃśairadharmastu lokānākramya tiṣṭhati /
tāmasaṃ yugamāsādya tadā bharatasattama //

caturthāṃśena dharmastu manuṣyānupatiṣṭhati /
āyurvīryaṃ mano buddhirbalaṃ tejaśca pāṇḍava //

manuṣyāṇaāmanuyugaṃ hraptantīti nibodha me /
brāhmaṇāḥ kṣatriyā vaiśyāḥ śūdrāścaiva yudhiṣṭhira //

vyājairdharmaṃ cariṣyanti dharmavaitaṃsikā narāḥ /
satyaṃ sankṣepsyate loke naraiḥ paṇḍitamānibhiḥ //

satyahānyā tatasteṣāmāyuralpaṃ bhaviṣyati /
āyuṣaḥ prakṣayādvidyāṃ na śakṣyantyupaśikṣitum //

vidyāhīnānavijñānāllobhopyabhibhaviṣyati /
lobhamohaparā mūḍhāḥ kāmāsaktāś mānavāḥ //

vairabaddhā bhaviṣyanti parasparavadhaiṣiṇaḥ /
brāhmaṇāḥ kṣatriyā vaiśyāḥ sankīryante parasparam //

śūdratulyā bhaviṣyanti tapaḥsatyavivarjitāḥ /
antyā madhyā bhaviṣyanti madhyāścāntyā na saṃśayaḥ //

īdṛśo bhavitā loko yugānte paryupasthite /
vastrāṇāṃ pravarā śāṇī dhānyānāṃ koradūpakaḥ //

bhāryāmitrāśca puruṣā bhaviṣyanti yugakṣaye /
matsyāmiṣeṇa jīvanto duhantaścāpyajaiḍakam //

goṣu naṣṭāsu puruṣā ye'pi nityaṃ dhṛtavratāḥ /
te'pilobhasamāyuktā bhaviṣyanti yugakṣaye //

anyonyaṃ parimuṣṇanto hiṃsayantaśca mānavāḥ /
ajapā nāstikāḥ stenā bhaviṣyanti yugakṣaye //

sarittīreṣu kuddālairvāpayiṣyanati caupadhīḥ /
tāścāpyalpaphalāsteṣāṃ bhaviṣyanti yugakṣaye //

śrāddhe daive ca puruṣā ye'pi nityaṃ dhṛvratāḥ /
te'pilobhasamāyuktā bhokṣyantīha parasparam //

pitā putras bhoktā ca pituḥ putrastathaiva ca /
atikrāntāni bhojyāni bhaviṣyanti yugakṣaye //

na vratāni cariṣyanti brāhmaṇā vedanindakāḥ / na yakṣyanti na hoṣyanti hetuvādavimohitāḥ /
nimneṣvīhāṃ kariṣyanati hetuvādavimohitāḥ //

nimne kṛṣiṃ kariṣyanti yokṣyanti dhuri dhenukrāḥ /
ekahāyanavatsāṃśca vāhayiṣyanti mānavāḥ //

putraḥ pitṛvadhaṃ kṛtvā pitā putravadhaṃ tathā / striyo'pi patiputrādīnvadhiṣyanati yugakṣaye /
nirudvego bṛhadbādī na nindāmupalapsyate //

mlecchabhūtaṃ jagatsarvaṃ niṣkriyaṃ dānavarjitam /
bhaviṣyati nirānandamanutsavamatho tathā //

prāyaśaḥ kṛpaṇānāṃ hi tathā bandhumatāmapi /
vidhavānāṃ ca vittāni hariṣyantīha mānavāḥ //

svalpavīryabalāḥ svādhā lobhamohaparāyaṇāḥ /
tatkathādānasantuṣṭa śiṣṭānāmapi bāndhavāḥ //

parigrahankariṣyati māyācāraparigrahāḥ /
sanghātayantaḥ taya rājānaḥ pāpabuddhayaḥ //

parasparavadhoyuktā mūrkhāḥ paṇḍitamāninaḥ /
bhaviṣyanti yugasyānte kṣatriyā lokakaṇṭakāḥ //

arakṣitāro lubdhāś mānāhankāradarpitāḥ /
kevalaṃ daṇḍarucayo bhaviṣyanti yugakṣaye //

ākramyākramya sādhūnāṃ dārāṃścāpi dhanāni ca /
bhokṣyante niranukrosā rudatāmapi bhārata //

na kanyāṃ yāce kaścinnāpi kanyā pradīyate /
svayangrahā bhaviṣyanti yugānte samupasthite //

rājānaścāpyasantuṣṭāḥ parārtānmūḍhacetasaḥ /
sarvopāyairhariṣyanti yugānte paryupasthite //

mlecchībhūtaṃ jagatsarvaṃ bhaviṣyati na saṃśayaḥ /
hasto hastaṃ parimuṣedyugānte samupasthite //

satyaṃ sankṣipyate loke naraiḥ paṇḍitamānibhiḥ /
sthavirā bālamatayo bālāḥ sthavirabuddhayaḥ //

bhīrusthā śūramānī śūrā bhīruviṣādinaḥ /
na viśvasanti cānyonyaṃ yugānte paryupasthite //

naikabhāryaṃ jagatsarvaṃ lobhamohavyavasthitam /
adharmo vardhate tatra na tu dharmaḥ pravartate //

brāhmaṇāḥ kṣatriyā vaiśyā naśiṣyanti janādhipa /
ekavarṇastadā loko bhaviṣyati yugakṣaye //

na kṣaṃsyati pitā putraṃ putraśca pitaraṃ tathā /
bāryāśca patiśuśrūṣāṃ na kariṣyanti sankṣaye //

ye yavānnā janapadā godhūmānnāstathaiva ca /
tāndeśānsaṃśrayiṣyanti yugānte paryupasthite //

svairāhārāśca puruṣā yopitaśca viśāmpate /
anyonyaṃ na sahiṣyanti yugānte paryupasthite //

mlecchabhūtaṃ jagatsarvaṃ bhaviṣyati yudhiṣṭhira /
śrāddhe na devānna pitṝstarpayiṣyanti mānavāḥ //

na kaścitkasyacicchrotā na kaścitkasyacidguruḥ /
tamograstastadā loko bhaviṣyati janādhipa //

paramāyuśca bhavitā tadā varṣāṇi ṣoḍaśa /
tataḥ prāṇānvimokṣyanti yugānte samupasthite //

pañcame vā'tha ṣaṣṭhe vā varṣe kanyā prasūyate /
saptavarṣāṣṭavarṣāśca prajāsyanti narāstadā //

patyau strī tu tadā rājanpuruṣo vā striyaṃ prati /
yugānte rājaśārdūla na toṣamupayāsyati //

alpadravyā vṛthāliṅgā hiṃsā ca prabhaviṣyati /
na kaścitkasyaciddātā bhaviṣyati yugakṣaye //

aṭṭaśūlā janapadāḥ śivaśūlāścatuṣpathāḥ /
keśaśūlāḥ striyaścāpi bhaviṣyanati yugakṣaye //

mlecchācārāḥ sarvamabhakṣā dāruṇā sarvakarmasu /
bhāvina paścime kāle manuṣyā nātra saṃśayaḥ //

krayavikrayakāle ca sarvaḥ sarvasya vañcanam /
yugānte bharataśreṣṭha vittalobhātkariṣyati //

jñānāni cāpyavijñāya kariṣyanti kriyāstathā /
ātmacchandena vartante yugānte samupasthite //

svabhāvātkrūrakarmāṇaścānyonyamabhiśaṃsinaḥ /
bhavitāro janāḥ sarve samprāpte tu yugakṣaye //

ārāmāṃścaiva vṛkṣāṃśca nāśayiṣyanti nirvyathāḥ /
bhavitā saṃśayo loke jīvitasya hi dehinām //

tathā lobhābhibhūtāśca bhaviṣyanti narā nṛpa /
brāhmaṇāṃśca haniṣyanti brāhmaṇasvopabhoginaḥ //

hāhākṛtā dvijāścaiva bhayārtā vṛṣalārditāḥ /
trātāramalābhanto vai bhramiṣyanati mahīmimām //

jīvitāntakarāḥ krūrā raudrāḥ prāṇivihiṃsakāḥ /
yadā bhaviṣyanti narāstadā sankṣepsyate yugam //

āśrayiṣyanti ca nadī parvatānviṣamāṇi ca /
pradhāvamānā vitrastā dvijāḥ kurukulodvaha //

dasyubhiḥ pīḍitā rājankākā iva dvijottamāḥ /
kurājabhiśca satataṃ karabhāraprapīḍitāḥ //

dhairyaṃ tyaktvā mahīpāla dāruṇe yugasankṣaye /
vikarmāṇi kariṣyanti śūdrāṇāṃ paricārakāḥ //

śūdrā dharmaṃ pravakṣyanti brāhmaṇāḥ paryupāsakāḥ /
śrotāraśca bhaviṣyanti prāmāṇyena vyavasthitāḥ //

viparītaśca loko'yaṃ bhaviṣyatyadharottaraḥ / eḍūkānpūjayiṣyanti varjayiṣyanti devatāḥ /
śūdrāśca prabhaviṣyanti na dvijā yugasankṣaye //

āśrameṣumaharṣīṇāṃ brāhmaṇāvasatheṣu ca /
devasthāneṣu caityeṣu nāgānāmālayeṣu ca //

eḍūkacihnā pṛthivī na devagṛhabhūṣitā /
bhaviṣyati yuge kṣīṇe tadyugāntasya lakṣaṇam //

dā raudrā dharmahīnā māṃsādāḥ pānapāstathā /
bhaviṣyanti narā nityaṃ tadā sankṣepsyate yugam //

puṣpaṃ puṣpe yadā rājanphale vā phalamāśritam /
prajāsyati mahārāja tadā sankṣepsyate yugam //

akālavarṣī parjanyo bhaviṣyati gate yuge /
akrameṇa manuṣyāṇāṃ bhaviṣyanati tadā kriyāḥ //

virodhamatha yāsyanati vṛṣalā brāhmaṇaiḥ saha /
mahī mlecchajanākīrṇā bhaviṣyati tato'cirāt //

karabhārabhayādviprā bhajiṣyanti diśo daśa /
anyāyavartinaścāpi bhaviṣyanati narādhipāḥ //

nirviśeṣā janapadāstathā viṣṭikarārditāḥ /
āśramānupalapsyanti phalamūlopajīvinaḥ //

evaṃ paryākule loke maryādā na bhaviṣyati / brāhmaṇaḥkṣatriyāvaiśyāḥ parityakṣyanti satkriyām
na sthāsyantyupadeśe ca śiṣyā vipriyakāriṇaḥ //

ācāryopanidhiścaiva bhartsyate tadanantaram /
arthayuktyā pravātsyanti mitrasambandhibāndhavāḥ //

abhāvaḥ sarvabhūtānāṃ yugānte sambhaviṣyati /
diśaḥ prajvalitā sarvā nakṣatrāṇyaprabhāṇi ca //

pradhūpitāni jyotīṃṣi vātāḥ paryākulāstathā /
ulkāpātāśca bahavo mahābhayanidarśakāḥ //

ṣaṅbhiranyaiśca sahito bhāskaraḥ pratapiṣyati / tumulāścāpi nirhrādā digdāhāścāpi sarvaśaḥ /
kabandhāntarhito bhānurudayāstamane tadā //

akālavarṣī bhagavānbhaviṣyati sahasradṛk /
sasyāni ca na rokṣyanti yugānte paryupasthite //

abhīkṣṇaṃ krūravādinyaḥ paruṣā raditapriyāḥ /
bhartṝṇāṃ vacane caiva na sthāsyanti tataḥ striyaḥ //

putrāśca mātāpitarau haniṣyanti yugakṣaye /
sūdayiṣyanti ca patīnstriyaḥ putrānapāśritāḥ //

aparvaṇi mahārāja sūryaṃ rāhurupaiṣyati /
yugānte hutabhukvāpi sarvataḥ prajvaliṣyati //

pānīyaṃ bhojanaṃ cāpi yācamānāstadā'dhvagāḥ /
na lapsyante nivāsaṃ ca nirastāḥ pathi śerate //

nirghātavāyasā nāgāḥ śakunāḥ samṛgadvijāḥ /
rūkṣā vāco vimokṣyanti yugānte paryupasthite //

mitrasambandhinaścāpi santyakṣyanati narāstadā /
janaṃ parijanaṃ cāpi yāgānte paryupasthite //

atha deśāndiśaścāpi pattanānyāpaṇāni ca /
kramaśaḥ saṃlayiṣyanti yugānte paryupasthite //

hā tāta hā sutetyevaṃ tadā vāca sudāruṇāḥ /
vikrośamānaścānyonyaṃ jano gāṃ paryaṭiṣyati //

movādinastathā śūdrā brāhmaṇāḥ prākṛtapriyāḥ /
pāṣaṇḍajanasankīrṇā bhaviṣyanti yugakṣaye //

tatastumulasanghāte vartamāne yugakṣaye /
dvijātipūrvako lokaḥ krameṇa prabhaviṣyati //

tataḥ kālāntare'nyasminpunarlokavivṛddhaye /
bhaviṣyati punardaivamanukūlaṃ yadṛcchayā //

yadā sūryaśca candraśca tathā tiṣyabṛhaspatī /
ekarāśau sameṣyanti prapatsyati tadā kṛtam //

kālavarṣī ca parjanyo nakṣatrāṇi śubhāni ca / pradakṣiṇā grahāścāpi bhaviṣyantyanulomagāḥ /
kṣemaṃ subhikṣamārogyaṃ bhaviṣyati nirāmayam //

kalkī viṣṇuyaśā nāma dvijaḥ kālapracoditaḥ /
utpatsyate mahāvīryo mahābuddhiparākramaḥ //

sambhūtaḥ sambhalagrāme brāhmaṇāvasathe śubhe /
mahātmā vṛttasampannaḥ prajānāṃ hitakṛnnṛpa //

manasā tasya sarvāṇi vāhanānyāyudhāni ca /
upastāsyanti yodhāśca śastrāṇi kavacāni ca //

sa dharmavijayī rājā cakravartī bhaviṣyati /
sacemaṃ sankulaṃ lokaṃ prasādamupaneṣyati //

utthito brāhmaṇo dīptaḥ kṣayāntakṛdudāradhīḥ /
sankṣepako hi sarvasya yugasya parivartakaḥ //

sa sarvatra gatānkṣudrānbrāhmaṇaiḥ parivāritaḥ / utsādayiṣyati tadā sarvamlecchagaṇāndvijaḥ //