Mahabharata · Chapter 3.192

kāmaṃ devā'pi māṃ vipra na hi jānanti tattvataḥ /
tvatprītyā tu pravakṣyāmi yathedaṃ vimṛjāmyaham //

pitṛbhaktosi viprarṣe māṃ caiva śaraṇaṃ gataḥ /
tato dṛṣṭosmi te sākṣādbrahyacaryaṃ ca te mahat //

āpo nārā iti proktāstāsāṃ nāma kṛtaṃ mayā /
tena nārāyaṇapyukto mama tattvayanaṃ sadā //

ahannārāyaṇo nāma prabhavaḥ śāśvato'vyayaḥ /
vidhātā sarvabhūtānāṃ saṃhartā ca dvijottam //

ahaṃ viṣṇurahaṃ brahmā śakraścāhaṃ surādhipaḥ /
ahaṃ vaiśravaṇo rājā yamaḥ pretādhipastathā //

ahaṃ śivaśca somaśca kaśyapo'tha prajāpatiḥ /
ahaṃ dhātā vidhātā ca yajñaścāhaṃ dvijottama //

agnirāsyaṃ kṣiti pādau candrādityau ca locane / dyaurmūrdhā me diśaḥ śrotre tathā'paḥ svedasambhavāḥ /
sakalaṃ ca nabhaḥ kāyo vāyurmanasi me sthitaḥ //

mayā kratuśatairiṣṭaṃ bahubhistvāptadakṣiṇaiḥ /
yajante vedaviduṣo māṃ devasadane sthitam //

pṛthivyāṃ kṣatriyendrāś pārtivāḥ svargakāṅkṣiṇaḥ /
yajante māṃ tathā vaiśyāḥ svargalokajigīṣayā //

catuḥsamudraparyantāṃ merumandarabhūṣaṇām /
śeṣo bhūtvā'hamevaitāṃ dhārayāmi vasundharām //

vārāhaṃ rūpamāsthāya mayeyaṃ jagatī purā /
majjamānā jale vipra vīryeṇāsītsamuddhṛtā //

agniśca baḍabāvakre bhūtvā'haṃ dvijasattama /
pibāmyāpaḥ sadā vidvaṃstāścaiva visṛjāmyaham //

brahma vakraṃ bhujau kṣatramūrū me saṃsthitā viśaḥ /
pādau śūdrā bhavantīme vikrameṇa krameṇa ca //

ṛgvedaḥ sāmavedaśca yajurvedo'pyatharvaṇaḥ /
mattaḥ prādurbhavantyete māmeva praviśanti ca //

yatayaḥ śāntiparamā yatātmāno mumukṣavaḥ /
kāmakrodhadveṣamuktā niḥsañjñā vītakalmaṣāḥ //

satvasthā nirahankārā nityamadhyātmakovidāḥ /
māmeva satataṃ viprāścintayanta upāsate //

ahaṃ saṃvartako vahnirahaṃ saṃvartako yamaḥ /
ahaṃ saṃvartakaḥ sūryastvahaṃ saṃvartako'nilaḥ //

tārārūpāṇi dṛśyante yānyetāni nabhastale /
mama rūpāṇyathaitāni viddhi tvaṃ dvijasattama //

ratnākarāḥ samudrāśca sarva eva caturdiśaḥ /
vasanaṃ śayanaṃ caiva vilayaṃ caiva viddhi me //

mayaiva suvibhaktāste devakāryārthasiddhaye / kāmaṃ krodhaṃ ca harṣaṃ ca bhayaṃ mohaṃ tathaiva ca /
mamaiva viddhi romāṇi sarvāṇyetāni sattama //

prāpnuvanti narā vipra yatkṛtvā karma śobhanam /
satyaṃ dānaṃ tapaścogramahiṃsā caiva jantuṣu //

madvidhānena vihitā mama dehavihāriṇaḥ /
mayā'bhibhūtavijñānā viceṣṭante na kāmataḥ //

samyagvedamadhīyānā yajante vividhairmakhaiḥ /
śāntātmāno jitakrodhāḥ prāpnuvanti dvijātayaḥ //

---na śakyo yo vidvannarairduṣkṛtakarmabhiḥ /
---bhābhibhūtaiḥ kṛpaṇairanāryairakṛtātmabhiḥ //

tasmānmahāphalaṃviddhi padaṃ sukṛtakarmaṇaḥ /
suduṣprāpaṃ vimūḍhānāṃ mārgaṃ yogairniṣevitam //

yadā yadā ca dharmasya glānirbhavati sattama /
abhyutthānamadharmasya tadā'tmānaṃ sṛjāmyaham //

daityā hiṃsānuraktāśca avadhyāḥ surasattamaiḥ /
rākṣasāścāpi loke'sminyadotpatsyanti dāruṇāḥ //

tadā'haṃsamprasūyāmi gṛheṣu śubhakarmaṇām /
praviṣṭo mānuṣaṃ dehaṃ sarvaṃ praśamayāmyaham //

sṛṣṭvā devamanuṣyāṃstu gandharvoragarākṣasān /
sthāvarāṇi ca bhūtāni saṃharāmyātmamāyayā //

karmakāle punardehamanucintya sṛjāmyaham /
āviśya mānaṣaṃ dehaṃ maryādābandhakāraṇāt //

śvetaḥ kṛtayuge varṇaḥ pītastretāyuge mama /
śyāmo dvāparamāsādya kṛṣṇaḥ kaliyuge tathā //

trayo bhāgā hyadharmas tasminkāle bhavanati ca /
yadā bhavati me varṇaḥ kṛṣṇo vai dvijasattam //

antakāle ca samprāpte kālo bhūtvā'tidāruṇaḥ /
trailokyaṃ nāśayāmyekaḥ kṛtsnaṃ sthāvarajaṅgamam //

ahaṃ trivartmā viśvātmā sarvalokasukhāvahaḥ / ajitaḥ sarvago'nanto hṛṣīkeśa urukramaḥ /
kālacakraṃ nayāmyeko brahmannahamarūpakam //

śamanaṃ sarvabhūtānāṃ sarvakālakṛtodyamam / evaṃ praṇihitaḥ samyaṅmāyayā munisattama /
sarvabhūteṣu viprendra na ca māṃ vetti kaścana //

sarvaloke ca māṃ bhaktāḥ pūjayanti ca sarvaśaḥ //

yacca kiñcittvayā prāptaṃ mayi kleśātmakaṃ dvija /
sukhodayāya tatsarvaṃ śreyase ca tavānagha //

yacca kiñcittvayā loke dṛṣṭaṃ sthāvarajaṅgamam /
vihita sarvathaivāsau mamātmā bhūtabhāvanaḥ //

ardhaṃ mama śarīrasya sarvalokapitāmahaḥ /
ahaṃ nārāyaṇo nāma śaṅkhacakragadādharaḥ //

yāvadyugānāṃ viprarṣe sahasraparivartanam /
tāvatsvapimi viśvātmā sarvalokapitāmahaḥ //

evaṃ sarvamahaṃ kālamihāse munisattama /
aśiśuḥ śiśurūpeṇa yāvadbrahmā na budhyate //

mayā ca datto viprāgrya varaste brahmarūpiṇā /
asakṛtparitaṣṭena viprarṣigaṇapūjita //

sarvamekārṇavaṃ dṛṣṭvā naṣṭaṃ sthāvarajaṅgamam /
viklabosi mayā jñātastataste darśitaṃ jagat //

abhyantaraṃ śarīrasya praviṣṭosi yadā mama /
dṛṣṭvā lokaṃ samastaṃ ca vismito nāvabudhyase //

tatosi vakrādviprarṣe drutaṃ niḥsārito mayā /
ākhyātaste mayā cātmā durjñe yopi surāsuraiḥ //

yāvatsa bhagavānbrahmā na budhyeta mahātapāḥ /
tāvattvamiha viprarṣe visrabdhaścara vai sukham //

tato vibuddhe tasmiṃstu sarvalokapitāmahe /
ekībhūtaḥ pravekṣyāmi śarīrāṇi dvijottama //

ākāśaṃ pṛthivīṃ jyotirvāyuṃ salilameva ca /
loke yacca bhaveccheṣamiha sthāvarajaṅgamam //
mārkaṇḍeya uvāca /

ityuktvāntarhitastāta sa devaḥ paramādbhutaḥ /
prajāścemāḥ prapaśyāmi vicitrā vividhāḥ kṛtāḥ //

evaṃ dṛṣṭaṃ mayā rājaṃstasminprāpte yugakṣaye /
āścaryaṃ bharataśreṣṭha sarvadharmabhṛtāṃvaraḥ //

yaḥ sa devo mayā dṛṣṭaḥ purā padmāyatekṣaṇaḥ /
sa eṣa puruṣavyāghra sambandhī te janārdanaḥ //

asyaiva varadānāddhi smṛtirna prajahāti mām /
dīrgamāyuśca kaunteya svacchandamaraṇaṃ mama //

sa eṣa kṛṣṇo vārṣṇeya purāṇapuruṣo vibhuḥ /
āste hariracintyātmā krīḍanniva mahābhujaḥ //

eṣa dhātā vidhātā ca saṃhartā caiva śāśvataḥ /
śrīvatsavakṣā govindaḥ prajāpatipatiḥ prabhuḥ //

dṛṣṭvemaṃ vṛṣṇipravaraṃ smṛtirmāmiyamāgatā /
ādidevamayaṃ jiṣṇuṃ puruṣaṃ pītavāsasam //

sarveṣāmeva bhūtānāṃ pitā mātā ca mādhavaḥ /
gacchadhvamenaṃ śaraṇaṃ śaraṇyaṃ kauravarṣabhāḥ //
vaiśampāyana uvāca /

evamuktāsca te pārtā yamau ca puruṣarṣabhau /
draupadyā sahitāḥ sarve namaścakrurjanārdanam //

sa caitānpuruṣavyāghra sāmnā paramavalgunā / sāntvayāmāsa mānārho manyamāno yathāvidhi //