Mahabharata · Chapter 3.171

tato'haṃ stūyamānastu tatratatra surapibhiḥ /
apaśyamudadhiṃ bhīmamapāmpatimathāvyayam //

phenavatyaḥ prakīrṇāśca saṃhatāśca samucchitāḥ /
ūrmayaścātra dṛśyante calantaiva parvatāḥ //

nāvaḥ sahasraśastatra ratnapūrṇāḥ samantataḥ /
nabhasīva vimānāni vicarantyo virejire //

timiṅgilāḥ kacchapāś tathā timitibhiṅgilāḥ /
makarāścātra dṛśyante jale maprā ivādrayaḥ //

śaṅkhānāṃ ca mahabāṇi magrānyapsu mamantataḥ /
dṛśyante sma yathā rātrau tārāstanvabhramaṃvṛtāḥ //

tathā sahasraśastatraratnasaṅghāḥ plavantyuta /
vāyuś ghṛrṇate bhīmastadadbhutamivābhavat //

tamatītya mahāvegaṃ sarvāmbhonidhimuttamam /
apaśyaṃ dānavākīrṇaṃ taddaityapuramantikāt //

tatraiva mātalistṛṇaṃ nipātya pṛthivītale /
dānavānrathaghopeṇa tanpuraṃ samupādravat //

rathaghoṣaṃ tu taṃ śrutvā stanayitnogvimbare /
manvānā devarājaṃ māmāvignā dānavā'bhavan //

sarve sambhrāntamanasaḥ śagcāpadharāḥ sthitāḥ /
tathā'siśūlaparaśugadāmusalapāṇayaḥ //

tato dvārāṇi pidadhurdānavāstrastacetasaḥ /
saṃvidhāya pure rakṣāṃ na sma kaścana dṛśyate //

tataḥ śaṅkhamupādāya devadattaṃ mahāsvanam /
paramāṃ mudamāśritya prādhamaṃ taṃ śanairaham //

sa tu śabdo divaṃ stabdhvā pratiśabdamajījanat /
vitresuśca nililyuśca bhūtāni sumahāntyapi //

tato nivātakavacāḥ sarva eva samantataḥ /
daṃśitā vividhaistrāṇairvicitrāyupāṇayaḥ //

āyasaiśra mahāśūlairgadābhirmusalairapi /
paṭṭasaiḥ karavālaiśca rathacakraiśca bhārata //

śataghnībhirbhuśuṇḍībhiḥ khaṅgaiścitraiḥ svalankṛtaiḥ /
pragṛhītairditeḥ putrāḥ prādurāsansahasraśaḥ //

tato vicārya bahuśo rathamārgeṣu tānhayān /
prācodayatsame deśe mātalirbharatarṣabha //

tena teṣāṃ praṇunnānāsāśutvācchīghragāminām /
nānvapaśyattadā kaśrittanme'dbhutamivābhavat //

tataste dānavāstatrayodhavātānyanekaśaḥ /
vikṛtasvararūpāṇi bhṛśaṃ sarvāṇyacodayan //

tena śabdena sahasā samudre parvatopamāḥ /
āplavanta gataiḥ satvairmatsyāḥ śatasahasraśaḥ //