Mahabharata · Chapter 3.154
sa gatvānalinīṃ ramyāṃ rākṣasairabhirakṣitām /
kailāsaśire ramye dadarśa śubhakānane //
kuberabhuvanābhyāśe jātāṃ parvatanirjharaiḥ /
suramyāṃ vipulacchāyāṃ nānādrumalatākulām //
haritāmbujasañchannāṃ divyāṃ kanakapuṣkarām /
nānāpakṣijanākīrṇāṃ sūpatīrthāmakardamām //
atīva ramyāṃ sujalāṃ jātāṃ parvatasānuṣu /
vicitrabhūtāṃ lokasya śubhāmadbhutadarśanām //
tatrāmṛtarasaṃ śītaṃ laghu kuntīsutaḥ śubham /
dadarśavimalaṃ toyaṃ pibaṃśca bahu pāṇḍavaḥ //
tāṃ tu kapuṣkariṇīṃ ramyāṃ divyasaugandhikāvṛtām /
jātarūpamayaiḥ padmaiśchannāṃ paramagandhibhiḥ //
vaiḍūryavaranālaiśca bahucitrairmanoramaiḥ /
haṃsakāraṇḍavoddhūtaiḥ sṛjadbhiramalaṃ rajaḥ //
ākrīḍaṃ rājarājas kuberasya mahātmanaḥ /
gandharvairapsarobhiśca devaiśca paramārcitām //
sevitāmṛṣibhirdivyairyakṣaiḥ kimpuruṣaistathā /
rākṣasaiḥ kinnaraiścāpi guptāṃ vaiśravaṇena ca //
tāṃ ca dṛṣṭvaiva kaunteyo bhīmaseno mahāhalaḥ /
babhūva paramaprīto divyamprekṣya saro mahat //
tacca krovaśā nāma rākṣasā rājaśāsanāt /
rakṣanti śatasāhasrāścitrāyudhaparicchadāḥ //
te tu dṛṣṭvaiva kaunteyamajinaiḥ parivāritam /
rukmāṅgadadharaṃ vīraṃ bhīmaṃ bhīmaparākramam //
sāyudhaṃ baddhanistriṃśamaśaṅkitamarindamam /
puṣkarapsumupāyāntamanyonyamabhicukruśuḥ //
ayaṃ puruṣaśārdūlaḥ sāyudho'jinasaṃvṛtaḥ /
yaccikīrṣuriha prāptastatsampraṣṭumihārhatha //
tataḥ sarve mahābāhuṃ samāsādyavṛkodaram /
tejoyuktamapṛcchanta kastvamākhyātumarhasi //
muniveṣadharaścaiva sāyudhaścaiva lakṣyase / yadarthamābhisamprāptastadācakṣyamahāmate //
Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0