મહાભારત · અધ્યાય 3.154

સ ગત્વાનલિનીં રમ્યાં રાક્ષસૈરભિરક્ષિતામ્ ।
કૈલાસશિરે રમ્યે દદર્શ શુભકાનને ॥

કુબેરભુવનાભ્યાશે જાતાં પર્વતનિર્ઝરૈઃ ।
સુરમ્યાં વિપુલચ્છાયાં નાનાદ્રુમલતાકુલામ્ ॥

હરિતામ્બુજસઞ્છન્નાં દિવ્યાં કનકપુષ્કરામ્ ।
નાનાપક્ષિજનાકીર્ણાં સૂપતીર્થામકર્દમામ્ ॥

અતીવ રમ્યાં સુજલાં જાતાં પર્વતસાનુષુ ।
વિચિત્રભૂતાં લોકસ્ય શુભામદ્ભુતદર્શનામ્ ॥

તત્રામૃતરસં શીતં લઘુ કુન્તીસુતઃ શુભમ્ ।
દદર્શવિમલં તોયં પિબંશ્ચ બહુ પાણ્ડવઃ ॥

તાં તુ કપુષ્કરિણીં રમ્યાં દિવ્યસૌગન્ધિકાવૃતામ્ ।
જાતરૂપમયૈઃ પદ્મૈશ્છન્નાં પરમગન્ધિભિઃ ॥

વૈડૂર્યવરનાલૈશ્ચ બહુચિત્રૈર્મનોરમૈઃ ।
હંસકારણ્ડવોદ્ધૂતૈઃ સૃજદ્ભિરમલં રજઃ ॥

આક્રીડં રાજરાજસ્ કુબેરસ્ય મહાત્મનઃ ।
ગન્ધર્વૈરપ્સરોભિશ્ચ દેવૈશ્ચ પરમાર્ચિતામ્ ॥

સેવિતામૃષિભિર્દિવ્યૈર્યક્ષૈઃ કિમ્પુરુષૈસ્તથા ।
રાક્ષસૈઃ કિન્નરૈશ્ચાપિ ગુપ્તાં વૈશ્રવણેન ચ ॥

તાં ચ દૃષ્ટ્વૈવ કૌન્તેયો ભીમસેનો મહાહલઃ ।
બભૂવ પરમપ્રીતો દિવ્યમ્પ્રેક્ષ્ય સરો મહત્ ॥

તચ્ચ ક્રોવશા નામ રાક્ષસા રાજશાસનાત્ ।
રક્ષન્તિ શતસાહસ્રાશ્ચિત્રાયુધપરિચ્છદાઃ ॥

તે તુ દૃષ્ટ્વૈવ કૌન્તેયમજિનૈઃ પરિવારિતમ્ ।
રુક્માઙ્ગદધરં વીરં ભીમં ભીમપરાક્રમમ્ ॥

સાયુધં બદ્ધનિસ્ત્રિંશમશઙ્કિતમરિન્દમમ્ ।
પુષ્કરપ્સુમુપાયાન્તમન્યોન્યમભિચુક્રુશુઃ ॥

અયં પુરુષશાર્દૂલઃ સાયુધોઽજિનસંવૃતઃ ।
યચ્ચિકીર્ષુરિહ પ્રાપ્તસ્તત્સમ્પ્રષ્ટુમિહાર્હથ ॥

તતઃ સર્વે મહાબાહું સમાસાદ્યવૃકોદરમ્ ।
તેજોયુક્તમપૃચ્છન્ત કસ્ત્વમાખ્યાતુમર્હસિ ॥

મુનિવેષધરશ્ચૈવ સાયુધશ્ચૈવ લક્ષ્યસે । યદર્થમાભિસમ્પ્રાપ્તસ્તદાચક્ષ્યમહામતે ॥