Mahabharata · Chapter 2.57

tāṃ purī dvārakīṃ dṛṣṭvā vibhurnārāyaṇo hariḥ /
hṛṣṭaḥ sarvārthasampannaḥ ------- //

so'paśyadvṛkṣaṣaṇḍāṃśca ramyānnānājanānvahūn /
samantato dvāravatyāṃ nānāpuṣpaphalānvitān //

arkacandrapratīkāśairmerukūṭanibhairgṛhaiḥ /
dvārakāmāvṛtāṃ ramyāṃ sukṛtāṃ viśvakarmaṇā //

padmaṣaṇḍākulābhiśca haṃsasevitavāribhiḥ /
gaṅgāsindhuprakāśābhiḥ parighābhiralaṅkṛtām //

prākāreṇārkavarṇena pāṇḍareṇa virājitām /
viyanmūrdhni niviṣṭena dyāmivābhraparicchadām //

nandanapratimaiśvāpi miśrakapratimairvanaiḥ /
tatra sā vihitā sākṣānnagarī viśvakarmaṇā //

------------ janaharṣiṇī /
------------ prasādapravaraiḥ śubhā //

tasminpuravāraśreṣṭhe dāśārhāṇāṃ yaśasvinām /
neśmāni jahṛṣe dṛṣṭvā bhagavānpākaśāsanaḥ //

samucchritapatākāni pāriplavanibhāni ca /
------------ merukūṭanibhāni ca //

----- ---

---- sadhātubhirivādribhiḥ // 2-57-12a----- ----------- jāmbūnadamayadvārairvaiḍūryavikṛtārgalaiḥ //

sarvartusukhasaṃsyarśairmahādhanaparicchadaiḥ /
ramyasānugṛhaiḥ śṛṅgairvicitrairiva parvataiḥ //

pañcavarṇasavarṇaiśca puṣpavṛṣṭisamaprabhaiḥ /
tulyaiḥ parjanyanirghoṣairhrādairbhogavatī yathā //

kṛṣṇadhvajopavāhyaiśca dāśārhāyudharohitaiḥ /
vṛṣṇivīramayūraiśca strīsahasraprajākulaiḥ //

vāsudevaindraparjanyairgṛhameghairalaṅkṛtā /
dadṛśe dvārakā'tīva meghairdyairiva saṃvṛtā //

sākṣādbhagavato veśma vihitaṃ viśvakarmaṇā /
dadṛśurvāsudevasya caturyojanamāyatam //

tāvadeva suvistīrṇaṃ susampūrṇaṃ mahādhanaiḥ /
prāsādavarasampannaṃ yuktaṃ jagati parvataiḥ //

yaṃ cakāra mahābhāgastvaṣṭā vāsavacoditaḥ /
prāsādaṃ hemanābhasya sarvato yojanāyatam //

meroriva gireḥ śṛṅgamucchritaṃ kāñcanālayam /
rukmiṇyāḥ pravaro vāso nirmitaḥ sumahātmanā //

satyabhāmā punarveśma sadā vasati pāṇḍaram /
vicitramaṇisopānaṃ yaṃ viduḥ śītavāniti //

vimalādityavarṇābhiḥ patākābhiralaṅkṛtam /
vyaktabaddhaṃ yathoddeśe caturdaśamahādhvajam //

sarvaprāsādamukhyo'tra jāmbavatyā vibhūṣitaḥ /
prabhāyā jṛmbhaṇaiścitraistrailokyamiva bhāsayan //

yastu pāṇḍaravarṇābhastayorantaramāśritaḥ /
viśvakarmākarodenaṃ kailāsaśikharopamam //

jāmbūnadapradīptāgraḥ pradīptajvalanopamaḥ /
sāgarapratimo'tiṣṭhanmerurityabhiviśrutaḥ //

tasmingāndhārarājasya duhitā kulaśālinī /
sukeśī nāma vikhyātā keśavena niveśitā //

padmakūṭa iti khyātaḥ padmavarṇo mahāprabhaḥ /
suprabhāyā mahābāho vāsaḥ sa paramocchritaḥ //

yastu sūryaprabho nāma prāsādavara ucyate /
lakṣaṇāyāḥ kuruśreṣṭha sa dattaḥ śārṅgadhanvanā //

vaiḍūryavaravarṇābhaḥ prāsādo haritaprabhaḥ /
śvetajālā hi yatraiva yatraiva ca niveśitā //

yaṃ viduḥ sarvabhūtāni harirityeva bhārata /
sumitravijayāvāso devarṣigaṇapūjitaḥ //

mahiṣyā vāsudevasya bhūṣaṇaṃ sarvaveśmanām /
yastu prāsādamukhyo'tra vihitaḥ sarvaśilpibhiḥ //

mahiṣyā vāsudevasya ketumāniti viśrutaḥ /
prasādo virajo nāma virajasko mahātmanaḥ //

upasthānagṛhaṃ tāta keśavasya mahātmanaḥ /
yastu prāsādamukhyo'tra yaṃ tvaṣṭā vyadadhātsvayam //

yojanāyataviṣkambhaṃ sarvaratnamayaṃ vibhoḥ /
teṣāṃ tu vihitāḥ sarve rukmadaṇḍāḥ patākinaḥ //

sadane vāsudevasya mārgasañjananā dhvajāḥ /
ghaṇṭājālāni tatraiva sarveṣāṃ niveśane //

āhṛtya yadusiṃhena vaijayantacchalo mahāt /
haṃsakūṭasya yacchraṅgamindradyumnasaro mahat //

ṣaṣṭitālasamutsedhamardhayojanavistṛtam /
sakinnaramahānādaṃ tadapyamitatejasaḥ //

paśyatāṃ sarvabhūtānāṃ triṣu lokeṣu viśrutam /
ādityapathagaṃ yattanmeroḥ śikharamuttamam //

jāmbūnadamayaṃ divyaṃ triṣu lokeṣu viśrutam /
tadapyutpāṭya kucchreṇa svaṃ niveśanamāhṛtam //

bhrājamānaṃ purā tatra sarvauṣadhividīpitam /
yamindrabhavanācchaurirājahāra parantapaḥ //

pārijātaḥ sa tatraiva keśavena niveśitaḥ /
lepahastaśatairjuṣṭo vimānaiśca hiraṇmayaiḥ //

vihitā vāsudevena tatraiva ca mahādrumāḥ /
padmākulajalopetā raktasaugandhikotpalāḥ //

maṇimauktikavālūkāḥ puṣkariṇyaḥ sarāṃsi ca /
tāsāṃ paramakūli śobhayanti mahādrumāḥ //

sālatālāśvakarṇāśca śataśākhāśca rohiṇaḥ /
bhallātakakapitthāśca indravṛkṣāśca campakāḥ //

khādirā mṛtakāścaiva samantātpariropitāḥ /
ye ca haimavatā vṛkṣā ye ca nandanajāstathā //

āhṛtya yadusiṃhena te'pi tatra niveśitāḥ /
ratnapītāruṇaprakhyāḥ sitapuṣpāśca pādapāḥ //

sarvartuphalapūrṇoste te ca kānanasindhuṣu /
sahasrapatrapadmāśca mandarāśca sahasraśaḥ //

aśokāḥ karṇikārāśca tilakā nāga mallikāḥ /
kurakā nāgapuṣpāśca campakāstṛṇapullikāḥ //

saptavarṇāḥ kabandhāśca nīpāḥ kuravakāstathā /
ketakāḥ kesarāścaiva hinatālatalatāṭakāḥ //

tālāḥ pralambā vakulāḥ piṇḍikā bījapūrakāḥ /
drutāmalakakharjūrā mahitā jambukāstathā //

āmrāḥ panasavṛkṣāśca campakāstilatindukāḥ /
likucāmṛtāścaiva kṣīrikā karṇikā tathā //

nālikereṅgudāścaiva utkrośakavanāni ca /
kadalī jātamallī ca pāṭalī kumudotpalāḥ //

nīlotpalakapūrṇāśca vāpyaḥ kūpāḥ sahasraśaḥ /
phullāśākakapitthāśca taistīrtvā bandhujīvakāḥ //

priyālāśokavādiryāḥ prācīnāścāpi sarvaśaḥ /
priyaṅgubadarībhiśca yavaiḥ syandanacandanaiḥ //

śacīpīlupalāścaiśca palāśavadhapiplaiḥ /
udumbaraiśca bilvaiśca pālāśaiḥ pāribhadrakaiḥ //

indravṛkṣārjunaiścaiva aśvatthaiścirabilvakaiḥ /
bhaumagañjanavṛkṣaiśca bhallābhairaśvasāhvayaiḥ //

sajjaistāmbūlavallībhirlavaṅgaiḥ kramukaistathā /
vaṃśaiśca vividhaistatra samantātpariropitaiḥ //

ye ca nandanajā vṛkṣā ye ca caitrarathe vane /
sarve te yadunāthena samantātpariropitāḥ //

samāhitā mahānadyaḥ pītalohitavālukāḥ /
tasmingṛhavare ramye maṇiśakrasavālukāḥ //

mattabarhiṇanādāśca kokilāśca madāvahāḥ /
babhūvuḥ paramopetāḥ sarve jagati parvatāḥ //

tatraiva gajayūthāni tatra gomahiṣāstathā /
nivāsāśca kṛtāstatra varāhā mṛgapakṣiṇām //

viśvakarmakṛtaḥ śailaḥ prākārastatra veśmani /
vyaktakiṣkuśatodyāmaḥ sudhārasasamaprabhaḥ //

tena te ca mahāśailāḥ saritaśca sarāṃsi ca /
parikṣiptāni vai tasya vanānyupavanāni ca //