Mahabharata · Chapter 14.16

vijite pāṇḍaveyaistu praśānte ca dvijottama /
rāṣṭre te catraturvīrau vāsudevadhanañjayau //
vaiśampāyana uvāca /

vijite pāṇḍavai rājanpraśānte ca viśāmpatau /
rāṣṭre babhūvaturhṛṣṭau vāsudevadhanañjayau //

vijahrāte mudā yuktau divi devaśvarāviva /
tau vaneṣu vicitreṣu parvateṣu sasānuṣuḥ //

tīrtheṣu caiva puṇyeṣu palvaleṣu nadīṣu ca /
cankramyamāṇau saṃhṛṣṭāvaśvināviva nandane //

indraprasthe mahātmānau remāte kṛṣṇapāṇḍavau /
praviśya tāṃ sabhāṃ ramyāṃ vijahrāte ca bhārata //

tatra yuddhakathāścitrāḥ parikleśāṃśca pārthiva /
kathāyoge kathāyoge kathayāmāsatuḥ sadā //

ṛṣīṇāṃ devatānāṃ ca vaṃśāṃstāvāhatuḥ sadā /
prīyamāṇau mahātmānau purāṇāvṛṣisattamau //

madhurāstu kathāścitrāścitrārthapadaniścayāḥ /
niścayajñaḥ sa pārthāya kathayāmāsa keśavaḥ //

putraśokābhisantaptaṃ jñātīnāṃ ca sahasraśaḥ /
kathābhiḥ śamayāmāsa pārtaṃ śaurirjanārdanaḥ //

sa tamāśvāsya vidhivadvidhānajño mahātapāḥ /
apahṛtyātmano bhāraṃ viśaśrāmeva sātvataḥ //

tataḥ kathānte govindo guḍākheśamuvāca ha /
sāntvayañślakṣṇayā vācā hetuyuktamidaṃ vacaḥ //

vijiteyaṃ dharā kṛtsnā savyasācinparantapa /
tvadbāhubalāmāśritya rājñā dharmasutena ha //

asapatnāṃ mahīṃ bhuṅkte dharmarājo yudhiṣṭhiraḥ /
bhīmasenānubhāvena yamayośca narottama //

dharmeṇi rājñā dharmajña prāptaṃ rājyamakaṇṭakam /
dharmeṇa nihataḥ saṅkhye sa ca rājā suyodhanaḥ //

adharmarucayo lubdhāḥ sadā cāpriyavādinaḥ /
dhārtarāṣṭrā durātmānaḥ sānubandhā nipātitāḥ //

praśāntāmakhilāṃ pārtha pṛthivīṃ pṛthivīpatiḥ /
bhuṅkte dharmasuto rājā tvayā guptaḥ kurūdvaha //

rame cāhaṃ tvayā sārdhamaraṇyeṣvapi pāṇḍava /
kimu yatra jano'yaṃ vai pṛthā cāmitrakarmana //

yatra dharmasuto rājā yatra yatra bhīmo mahābalaḥ /
yatra mādravatīputrau ratistatra parā mama //

tathaiva svargalokeṣu sabhoddeśeṣu kaurava /
ramaṇīyeṣu puṣṇeṣu sahitasya tvayā'nadha //

kālo mahāṃstvatīto me śūrasūnumapaśyataḥ /
baladevaṃ ca kauravyaṃ tathā'nyānvṛṣṇipuṅgavān //

sohaṃ gantumabhīpsāmi purīṃ dvārāvatīṃ prati /
rocatāṃ gamanaṃ tubhyaṃ mamāpi puruṣarṣabha //

ukto bahuvidhaṃ rājā tatratatra yudhiṣṭhiraḥ /
saha bhīṣmeṇa yadyuktamasmābhiḥ śokarśitaḥ //

śiṣṭo yudhiṣṭiro'smābhiḥ śāstā sannapi pāṇḍavaḥ /
tena tattu vacaḥ samyaggṛhītaṃ sumahātmanā //

dharmaputre hi dharmajñe kṛtajñe satyavādini /
satyaṃ dharmo matiścāgryā sthitiśca satataṃ sthirā //

tatra gatvā mahātmānaṃ yadi te rocate'rjuna /
asmadgamanasaṃyuktaṃ vaco brūhi janādhipam //

na hi tasyāpriyaṃ kuryāṃ prāṇatyoge'pyupasthite /
kuto gantuṃ mahābāho purīṃ dvārāvatīṃ prati //

sarvaṃ tvidamahaṃ pārta tvatprītihitakāmyayā /
bravīmi satyaṃ kauravya na mithyaitatkathañcana //

prayojanaṃ ca nirvṛttamiha vāsena me'rjuna /
dhārtarāṣṭro hato rājā sabalaḥ sapadānugaḥ //

pṛthivī ca vaśe tāta dharmaputrasya dhīmataḥ /
sthitā samudravasanā saśailavanakānanā //

citā ratnairbahuvidhaiḥ kururājasya pāṇḍava /
dharmeṇa rājā dharmajñaḥ pātu sarvāṃ vasundharām //

upāsyamāno munibhiḥ siddhaiścāpi mahātmabhiḥ /
stūyamānaśca satataṃ bandibhirbharatarṣabha //

taṃ mayā saha gatvā'dya rājānaṃ kuruvardhanam /
āpṛccha kuruśārdūla gamanaṃ dvārakāṃ prati //

idaṃ śarīraṃ vasu yacca me gṛhe niveditaṃ pārtha sadā yudhiṣṭhire /
priyaśca mānyaśca hi me yudhiṣṭhiraḥ sadā kurūṇāmadhipo mahāmatiḥ //

prayojanaṃ cāpi nivāsakāraṇe na vidyate me tvadṛte nṛpātmaja /
sthitā hi pṛthvī tava pārtha śāsane guroḥ suvṛttasya yudhiṣṭhirasya ca //

itīdamuktaḥ sa tadā mahātmanā janārdanenāmitavikramo'rjunaḥ /
tatheti duḥkhādiva vākyamairaya- jjanārdanaṃ sampratipūjya pārthiva //