Mahabharata · Chapter 13.27

hatvā taṃ pakṣiśārdūlaḥ kuvindānāṃ janaṃ vratī / upopaviśya śailāgre bhakṣayāmāsa tāvubhau /
vāraṇaṃ kaccharpa caiva saṃhṛṣṭaḥ sa patatrirāṭ //

tayoḥ sa rudhiraṃ pītvā medasī ca parantapa / saṃhṛṣṭaḥ yatatāṃśreṣṭho labdhvā balamanuttamam /
jangāma devarājasya bhavanaṃ pannagāśanaḥ //

taṃ praṇamya mahātmānaṃ pāvakaṃ visphuliṅginam /
rātridivaṃ prajvalitaṃ rakṣārthamamṛtasya ha //

taṃ dṛṣṭvā vihagendrasya bhayaṃ tīvramupāviśat /
natu toyānna rakṣibhyo bhayamasyopapadyate //

pakṣitvamātmano dṛṣṭvā jvalantaṃ ca hutāśanam /
pitāmahamatho gatvā dadarśa bhujagāśanaḥ //

taṃ praṇamya mahātmānaṃ garuḍaḥ prayatāñjaliḥ /
provāca tadasandigdhaṃ vacanaṃ pannageśvaraḥ //

udyataṃ gurukṛtye māṃ bhagavandharmaniścitam /
vimokṣaṇārthaṃ māturhi dāsabhāvādaninditam //

kadrūsakāśamamṛtaṃ mayāhartavyamīśvara /
tadā me jananī deva dāsabhāvātpramokṣyate //

tatrāmṛtaṃ prajvalito nityamīśvara rakṣati /
hiraṇyaretā bhagavānpākaśāsanaśāsanāt //

tatra me devadeveśa bhayaṃ tīvramathāviśat /
jvalantaṃ pāvakaṃ dṛṣṭvā pakṣitvaṃ cātmanaḥ prabho //

samatikramituṃ śakyaḥ kathaṃ syātpāvako mayā /
tasyābhyupāyaṃ varada vaktumīśo'si me prabho //

tamabravīnmahābhāga tapyamānaṃ vihaṅgamam /
agneḥ saṃśamanopāyamutsayanta punaḥpunaḥ //

payasā śāmyate vatsa sarpiṣā ca hutāśanaḥ /
śarīrasthopi bhūtānāṃ kiṃ punaḥ prajvalanbhuvi //

navanītaṃ payo vā'pi pāvake tvaṃ samādadheḥ / tato gaccha yathākāmaṃ na tvā dhakṣyati pāvakaḥ //