Mahabharata · Chapter 13.26

kathaṃ tau bhagavañśakyau mayā vāraṇakacchapau //
yugapadgṛhītaṃ taṃ me tvamupāyaṃ vaktumarhasi //
kaśyaya uvāca /

yoddhukāme gaje tasminmuhūrtaṃ sa jalecaraḥ /
uttiṣṭhati jalāttūrṇaṃ yoddhukāmaḥ punaḥpunaḥ //

jalajaṃ nirgataṃ tāta pramattaṃ caiva vāraṇam /
grahīṣyasi pataṅgeśa nānyo yogo'tra vidyate //
bhīṣma uvāca /

ityemukto vihagastadgatvā vanamuttamam /
dadarśa vāraṇendraṃ taṃ meghācalasamaprabham //

tāṃ sa nāgo girervīthiṃ samprāpta iva bhārataḥ /
sa taṃ dṛṣṭvā mahābhāgaḥ samprahṛṣṭatanūruhaḥ //

bibhakṣayiṣato rājandāruṇasya mahātmanaḥ //
mātaṅgaṃ kacchapaṃ caiva praharṣaḥ sumahānabhūt //

atha vegena mahatā khecaraḥ sa mahābalaḥ /
saṅkucya sarvagātrāṇi kṛcchreṇaivānvapadyata //

tathā gatvā tamadhvānaṃ vāraṇapravaro balī /
niśaśvāsa mahāśvāsaḥ śramādviśramaṇāya ca //

tasya niśvāsavātena madagandhena caiva ha /
udatiṣṭhanmahākūrmo vāraṇapratiṣedhakaḥ //

tayoḥ sutumulaṃ yuddhaṃ dadarśa patageśvaraḥ /
kacchapendradviradayorindraprahvādayoriva //

spṛśantamagrahastena toyaṃ vāraṇayūthapam /
dantairnastaiśca jalajo vārayāmāsa bhārata //

jalajaṃ vāraṇo'pyevaṃ caraṇaiḥ puṣkareṇa ca /
pratyaṣedhannimajjantamunmajjantaṃ tathaiva ca //

muhūrtamabhavadyuddhaṃ tayorbhīmapradarśanam /
atha tasmājjalādrājankacchapaḥ sthalamāsthitaḥ //

sa tu nāgaḥ prabhagro'pi pipāsurna nyavartata /
toyagṛdhnuḥ śanaistarṣādapāsarpata pṛṣṭhataḥ //

taṃ dṛṣṭvā jalajastūrṇamapasarpantamāhavāt /
abhidudrāva vegena vajrayāṇirivāsuram //

taṃ roṣātsthalamuttīrṇamasamprāptaṃ gajottamam /
ubhāveva samastau tu jagrāha vinatāsutaḥ //

caraṇena tu savyena jagrāha sa gajottamam /
praspandamānaṃ balavāndakṣiṇena tu kacchapam //

utpapāta tatastūrṇaṃ pannagendraniṣūdataḥ /
divaṃ khaṃ ca samutpatya pakṣābhyāmaparājitaḥ //

tena cotpatatā tūrṇaṃ saṅgṛhītau nakhairbhṛśam /
vajragarbhaiḥ suniśitaiḥ prāṇāṃstūrṇaṃ mumocatuḥ //

tau gṛhya balavāṃstūrṇaṃ srastapādaśirodharau /
vivalganniva khe krīḍankhecaro'bhijagāma ha //

attukāmastato vīraḥ pṛthivyāṃ pṛthivīpate /
niraikṣata na cāpaśyaddrumaṃ paryāptamāsitum //

naimiṣaṃ tvatha samprāpya devāraṇyaṃ mahādyutiḥ /
apaśyata drumaṃ kañcicchākhāskandhasamāvṛtam //

himavacchikharaprakhyaṃ yojanadvayamucchritam /
pariṇāhena rājendra nalvamātraṃ samantataḥ //

tasya śākhā'bhavatkācidāyatā pañcayojanam /
dṛḍhamūlā dṛḍhaskandhā vajrapatrasamācitā //

tatropaviṣṭaḥ sahasā vainateyo nigṛhya tau /
attukāmastataḥ śākhā tasya vegādavāpatat //

tāṃ patantīmabhiprekṣya prekṣya carṣigaṇānadhaḥ /
āsīnānvasubhiḥ sārdhaṃ satreṇa jagatīpate //

vaikhānasānnāma yatīnvālakhilyagaṇānapi /
tatra bhīrāviśattasya patagendrasya bhārata //

tāndṛṣṭvā sa yatīṃstatra samāsīnānsuraiḥ saha / tuṇḍena gṛhya tāṃ śākhāmutpapāta khageśvaraḥ /
tauca pakṣī bhujaṅgāśo vyomni krīḍannivāvrajat //

taṃ dṛṣṭvā gurusambhāraṃ pragṛhyotpatitaṃ khagam / ṛṣayaste'bruvansarve garuḍo'yamiti sma ha /
na tvanyaḥ kṣamate kaścidyathā'yaṃ vīryavānkhagaḥ //

asau yacchati dharmātmā gurubhārasamanvitaḥ /
ayaṃ krīḍannivākāśe tasmādgaruḍa eva saḥ //

evaṃ te samayaṃ sarve vasavaśca divaukasaḥ /
akārṣuḥ pakṣirājasya garuḍetyeva nāma ha //

sa pakṣī pṛthivīṃ sarvāṃ paridhāvaṃstatastataḥ /
mumukṣaḥ śākhinaḥ śākhāṃ na sma deśamapaśyata //

sa vācamaśṛṇoddivyāmuparyupari jalpataḥ /
devadūtasya vispaṣṭamābhāṣya garuḍeti ca //

vainateya kuvindeṣu samudrānte mahābala /
pātyatāṃ śākhinaḥ śākhā na hi te dharmaniścayāḥ //

tacchrutvā garuḍastūrṇaṃ jagāma lavaṇāmbhasaḥ /
uddeśaṃ yatra te mandāḥ kuvindāḥ pāpakarmiṇaḥ //

tato gatvā tataḥ śākhāṃ mumoca patatāṃvaraḥ /
tayā hatā ********* dāstadā ṣaḍviṃśato nṛpa //

sa deśo rājaśārdūla khyātaḥ paramadāruṇaḥ / śākhāpataga ityeva kuvindānāṃ mahātmanām //