Mahabharata · Chapter 12.61

punaḥ śivānmahodarkānahiṃsrāṃllokasammatān /
brūhi dharmānsukhopāyānmadvidhānāṃ sukhāvahān //
bhīṣma uvāca /

brāhmaṇasya tu catvārastvāśramā vihitāḥ prabho /
varṇāstānnānuvartante trayo bhāratasattama //

uktāni karmāṇi bahūni rāja nsvargyāṇi rājanyaparāyaṇāni /
śāstrasya sarvasya vidhau smṛtāni kṣātre hi sarvaṃ vihitaṃ yathāvat //

kṣātrāṇi vaiśyāni ca sevamānaḥ śaudrāṇi karmāṇi ca brāhmaṇaḥ sat /
asmim̐lloke nindito mandacetāḥ / pare ca loke nirayaṃ prayāti //

yā sañjñā vihitā loke dāse śuni vṛke paśau /
vikarmaṇi sthite vipre tāṃ sañjñāṃ kuru pāṇḍava //

ṣaṭ्karmasampravṛttasya āśrameṣu caturṣvapi /
sarvadharmopapannasya tadbhūtasya kṛtātmanaḥ //

brāhmaṇasya viśuddhasya tapasyabhiratasya ca /
nirāśiṣo vadānyasya lokā hyakṣarasañjñitāḥ //

yo yasminkurute karma yādṛśaṃ yena yatra ca /
tādṛśaṃ tādṛśenaiva saguṇaṃ pratipadyate //

vṛddhyā kṛṣivaṇiktvena jīvasañjīvanena ca /
vettumarhasi rājendra svādhyātmaguṇitena ca //

kālasañcoditaḥ kāle kālaparyāyaniścitaḥ /
uttamādhamamadhyāni karmāṇi kurute'vaśaḥ //

antavanti pradānāni paraṃ śreyaskarāṇi ca /
svakarmavihito loko hyakṣaraḥ sarvatomukhaḥ //