Mahabharata · Chapter 12.337

etasminnantare bhūte nāradaḥ punarāgamat /
śukaṃ svādhyāyanirataṃ vedārthānpraṣṭumīpsavā //

devarṣi tu śuko dṛṣṭvā nāradaṃ samupasyitam /
ardhyapūrveṇa vidhivā vedoktenābhyapūjayat //

nārado'yājavītprīto brūhi brahmavidāṃ vara /
kena tvāṃ śreyasā vatsa yojayāmīti hṛṣṭavat //

nāradasya vacaḥ śrutvā śukaḥ provāca bhārata /
asmim̐lloke hitaṃ yatsvāttena māṃ yoktumarhasi //
nārada uvāca /

tattvaṃ jijñāsatāṃ pūrvanṛṣīṇāṃ bhāvitātmanām /
sanatkumāro bhagavānidaṃ vatanamabravīt //

nāsti vidyāsagaṃ cakṣurnāsti satyasamaṃ tapaḥ /
nāsti rāgasamaṃ duḥkhaṃ nāsti tyāgasamaṃ sukham //

nivṛttiḥ karmaṇā pāpātsatataṃ puṇyaśīlatā /
sadvṛttiḥ sadvadācāraḥ śreya evadanuttamam //

nānuvayasukhaṃ prāpya yaḥ sajjati na mucyate /
nālaṃ sa duḥkhamokṣāya saṃyogo duḥkhalakṣaṇam //

saktasya buddhiścalati mohajālavivardhanī /
mohavālāvṛto duḥkhamiha cāmutra so'śnute //

sarvopāgāttu kāmasva krodhasya ca vinigrahaḥ /
kāryaḥ śreyorthinā tau hi śreyoghātārthamudyatau //

nityaṃ krodhāttapo rakṣecchriyaṃ rakṣecca matsarāt /
vidyāṃ mānāvamānābhyāmātmānaṃ tu pramādataḥ //

ānṛśaṃsyaṃ paro dharmaḥ kṣamā ca paramaṃ balam /
ātmajñānaṃ paraṃ jñānaṃ na satyādvidyate param //

satyasya vacanaṃ śreyaḥ satyādapi hitaṃ vadet /
yadbhūtahitamatyantametatsatyaṃ mataṃ mama //

sarvārambhaparityāgī nirāśīrniṣparigrahaḥ /
yena sarvaṃ parityaktaṃ sa vidvānsa ca paṇḍitaḥ //

indriyairindriyārthānyaścaratyātmavaśairiha /
āsajjamānaḥ śāntātmā nirvikāraḥ samāhitaḥ //

atmabhūtairatadbhūtaḥ saha caiva vinaiva ca /
sa vimuktaḥ paraṃ śreyo nacireṇādhigacchati //

adarśanamasaṃsparśastathā'sambhāṣaṇaṃ tadā /
yasya bhūtaiḥ saha mune sa śreyo vindate param //

na hiṃsyātsarvabhūtāni maitrāyagaṇataścaret /
nedaṃ janma samāsādya vairaṃ kurvīta kenacit //

ākiñcanyaṃ susantoṣo nirāśīstvamacāpalam /
etadāhuḥ paraṃ śreya ātmajñasya jitātmanaḥ //

parigrahaṃ parityajya bhava tāta jitendriyaḥ /
aśokaṃ sthānamātiṣṭha iha cāmutra cābhayam //

nirāmiṣā na śocanti tyajedāmiṣamātmanaḥ /
parityajyāmiṣaṃ saubhya duḥkhatāpādvimokṣyase //

taponityena dāntena muninā saṃyatātmanā /
ajitaṃ jetukāmena bhāvyaṃ saṅgeṣvasaṅginā //

guṇasaṅgeṣvanāsakta ekacaryārataḥ sadā /
brāhmaṇo nacirādeva sukhamāyātyanuttamam //

dvandvārāmeṣu bhūteṣu ya eko ramate muniḥ /
viddhi prajñānatṛptaṃ taṃ jñānatṛpto na śocati //

śubhairlabhati devatvaṃ vyāmiśrerjanma mānuṣam /
aśubhaiścāpyadhojanma karmabhirlabhate'vaśaḥ //

tatra mṛtyuvaśo duḥkhaiḥ satataṃ samabhidrutaḥ /
saṃsāre pacyate jantustatkathaṃ nāvabudhyase //

ahite hitasañjñastvamadhruve dhruvasañjñakaḥ /
anarthe cārthasañjñastvaṃ kimarthaṃ nāvabudhyase //

saṃveṣṭyamānaṃ bahubhirmohāttantubhirātmajaiḥ /
kośakāra ivātmānaṃ veṣṭayannāvabudhyase //

alaṃ parigraheṇeha doṣavānhi parigrahaḥ /
kṛmirhi kośakārastu badhyate sa parigrahāt //

putradārakuṭumbeṣu saktāḥ sīdanti jantavaḥ /
saraḥpaṅkārṇave magnā jīrṇā vanagajā iva //

mahājālasamākṛṣṭānsthale matsyānivoddhṛtān /
mohajālasamākṛṣṭānpaśya jantūnsuduḥkhitān //

kuṭumbaṃ putradārāṃśca śarīraṃ sañcayāśca ye /
pārakyamadhruvaṃ sarvaṃ kiṃ svaṃ sukṛtaduṣkṛtam //

yadā sarvānparityajya gantavyamavaśena te /
anarthe kiṃ prasaktastvaṃ samarthaṃ nānutiṣṭhasi //

aviśrāntamanālambamapātheyamadaiśikam /
tamaḥ kāntāramadhvānaṃ kathameko gamiṣyasi //

na hi tvāṃ prasthitaṃ kaścitpṛṣṭhato'nugamiṣyati /
sukṛtaṃ duṣkṛtaṃ ca tvāṃ yāsyantamanuyāsyataḥ //

vidyā karma ca śaucaṃ ca jñānaṃ ca bahuvistaram /
arthārthamanusāryante siddhārthasya vimucyate //

nibandhanī rajjureṣā yā grāme vasato ratiḥ /
chittvaitāṃ sukṛto yānti naināṃ chindanti duṣkṛtaḥ //

rūpakūlāṃ manaḥsrotāṃ sparśadvīpāṃ rasāvahām /
gandhapaṅkāṃ śabdajalāṃ svargamārgadurāvahām //

kṣamāritrāṃ satyamayīṃ dharmasthairyapadāṅkurām /
tyāgavātādhvagāṃ śīghrāṃ nautāryāṃ tāṃ nadīṃ taret //

tyaja dharmamadharmaṃ ca ubhe satyānṛte tyaja /
ubhe satyānṛte tyaktvā yena tyajasi taṃ tyaja //

tyaja dharmamasankalpādadharmaṃ cāpyalipsayā /
ubhe satyānṛte buddhyā buddhiṃ paramaniścayāt //

asthisthūṇaṃ snāyuyutaṃ māṃsaśoṇitalepanam /
carmāvanaddhaṃ durgandhiṃ pūrṇaṃ mūtrapurīṣayoḥ //

jarāśokasamāviṣṭaṃ rogāyatanamāturam /
rajasvalamanityaṃ ca bhūtāvāsamimaṃ tyaja //

idaṃ viśvaṃ jagatsarvamajagaccāpi yadbhavet /
mahābhūtātmakaṃ sarvaṃ mahadyatparamāṇu ca //

mahābhūtāni khaṃ vāyuragnirāpastathā mahī / ṣaṣṭhaṃ tu cetanā yā tu ātmā saptamamucyate /
aṣṭamaṃ tu mano jñeyaṃ buddhistu navamī smṛtā //

indriyāṇi ca pañcaiva tamaḥ satvaṃ rajastathā /
ityeṣa saptadaśako rāśiravyaktasañjñakaḥ //

sarvairihendriyārthaiśca vyaktāvyaktairhi saṃhitaḥ /
caturviśaka ityeṣa vyaktāvyaktamayo gaṇaḥ //

etaiḥ sarvaiḥ samāyuktaḥ pumānityabhidhīyate /
trivargaṃ tu sukhaṃ duḥkhaṃ jīvitaṃ maraṇaṃ tathā //

ya idaṃ veda tattvena sa veda prabhavāpyayau /
pāramparyeha boddhavyaṃ jñānānāṃ yacca kiñcana //

indriyairgṛhyate yadyattattadvyaktamiti sthitiḥ /
avyaktamiti vijñeyaṃ liṅgagrāhyamatīndriyam //

indriyairniyatairdehī dhārābhiriva tarpyate /
loke vitatamātmānaṃ lokāṃścātmani paśyati //

parāvaradṛśaḥ śaktirjñānamūlā na naśyati /
paśyataḥ sarvabhūtāni sarvāvasthāsu sarvadā //

brahmabhūtasya saṃyogo nāśubhenopapadyate /
jñānena vividhānkleśānativṛttasya mohajān //

loke buddhiprakāśena lokamārgo na riṣyate /
anādinidhanajñaṃ tamātmani sthitamavyayam //

akartāramamūrtaṃ ca bhagavānāha tīrthavit /
yo jantuḥ svakṛtaistaistaiḥ karmabhirnityaduḥkhitaḥ //

sa duḥkhapratighātārthaṃ hanti jantūnanekadhā /
tataḥ karma samādatte punaranyannavaṃ bahu //

tapyate'tha punastena bhuktvā pathyamivāturaḥ /
ajasrameva mohāndho duḥkheṣu sukhasañjñitaḥ //

badhyate mathyate caiva karmabhirmanthavatsadā /
tato nibaddhaḥ svāṃ yoniṃ karmaṇāmudayādiha //

paribhramati saṃsāraṃ cakravadbahuvedanaḥ /
satvaṃ nirvṛttabandhastu nivṛttaścāpi karmataḥ //

sarvavitsarvajitsiddhau bhava bhāvavivarjitaḥ / saṃyamena navaṃ bandhaṃ nivartya tapaso balāt /
samprāptā bahavaḥ siddhimapyabādhāṃ sukhodayām //