Mahabharata · Chapter 12.321

sāṅkhyajñānaṃ mayā proktaṃ yogajñānaṃ nibodha me /
yathāśrutaṃ yathādṛṣṭaṃ tattvena nṛpasattama //

nāsti sāṅkhyasamaṃ jñānaṃ nāsti yogasamaṃ balam /
tāvubhāvekacaryau tāvubhāvanidhanau smṛtau //

pṛthakpṛthakprapaśyanti ye'pyabuddhiratā narāḥ /
vayaṃ tu rājanpaśyāma ekameva tu niścayāt //

yadeva yogāḥ paśyanti tatsāṅkhyairapi dṛśyate /
ekaṃ sāṅkhyaṃ ca yogaṃ ca yaḥ paśyati sa tattvavit //

rudrapradhānānaparānviddhi yogānarindam /
tenaiva cātha dehena vicaranti diśo daśa //

yāvaddhi pralayastāta sūkṣmeṇāṣṭaguṇena ha /
yogena lokānvicaransukhaṃ sannyasya cānagha //

tāvadevāṣṭaguṇinaṃ yogaprāhurmanīṣiṇaḥ /
sūkṣmamaṣṭaguṇaṃ prāhurnetaraṃ nṛpasattama //

dviguṇaṃ yogatyaṃ tu yogānāṃ prāhuruttamam /
saguṇaṃ nirguṇaṃ caiva yathāśāstranidarśanam //

dhāraṇaṃ caiva manasaḥ prāṇāyāmaśca pārthiva /
ekāgratā ca manasaḥ prāṇāyāmastathaiva ca //

prāṇāyāmo hi saguṇo nirguṇaṃ dhārayenmanaḥ / yadyadṛśyati muñcanvai prāṇānmaithilasattama /
vātādhikyaṃ bhavatyeva tasmāttaṃ na samācaret //

niśāyāḥ prathame yāme codanā dvādaśa smṛtāḥ /
madhye svapnātpare yāme dvādaśaiva tu codanāḥ //

tadevamupaśāntena dāntenaikāntaśīlinā /
ātmārāmeṇa buddhena yoktavyo'tmā na saṃśayaḥ //

pañcānāmindriyāṇāṃ tu doṣānākṣipya pañcadhā /
śabdaṃ rūpaṃ tathā sparśaṃ rasaṃ gandhaṃ tathaiva ca //

pratibhāmapavargaṃ ca pratisaṃhṛtya maithila /
indriyagrāmamakhilaṃ manasyabhiniveśya ha //

manastathaivāhankāre pratiṣṭhāpya narādhipa /
ahankāraṃ tathā buddhau buddhiṃ ca prakṛtāvapi //

evaṃ hi parisaṃkhyāya tato dhyāyanti kevalam /
virajaskamalaṃ nityamanantaṃ śuddhamavraṇam //

tasthuṣaṃ puruṣaṃ nityamabhedyamajarāmaram /
śāśvataṃ cāvyayaṃ caiva īśānaṃ brahma cākhyam //

yuktasya tu mahārāja lakṣaṇānyupadhāram /
lakṣaṇaṃ tu prasādasya yathā tṛptaḥ sukhaṃ svayet //

nirvāte tu yathā dīpo jvaletsnehasa --dhataḥ /
niścalordhvaśikhastadvadyuktamāhurmanīṣiṇa //

pāṣāṇa iva meghotthairyathā bindubhirāhataḥ /
nālaṃ cālayituṃ śakyastathā yuktasya lakṣaṇam //

śaktadundubhinirghoṣairvidhidhairgītavāditaiḥ /
kriyamāṇairna kampeta yuktasyaitannidarśanam //

tailapātraṃ yathā pūrṇaṃ karābhyāṃ gṛhya pūruṣaḥ /
sopānamāruhedbhītastarjyamāno'siṣaṇibhiḥ //

saṃyatātmā bhayātteṣāṃ na pātrādbindumutsṛjet /
tathaivottaramāgamya ekāgramanasastathā //

sthiratvādindriyāṇāṃ tu niścalastathaiva ca /
evaṃ yuktasya tu munerlakṣaṇānyupala---- //

svayuktaḥ paśyate brahma yattatparama----yam /
mahatastamaso madhye sthitaṃ jva nasā--bham //

etena kevalaṃ yāti tyaktvā dehamasākṣikam /
kālena mahatā rājañśrutireṣā sanātanī //

etaddhi yogaṃ yogānāṃ kimanyadyogalakṣaṇam /
vijñāya taddhi manyante kṛtakṛtyā manīṣiṇaḥ //