Mahabharata · Chapter 12.271

śarīramāpadaścaiva na vidantyavihiṃsakāḥ /
kathaṃ yātrā śarīrasya nirārambhasya setsyate //
bhīṣma uvāca /

yathā śarīraṃ na mlāyennaiva mṛtyuvaśaṃ bhavet / tathā karmasu varteta samartho dharmamācaret //

atrāpyudāharantīmamitihāsaṃ purātanam /
prajānāmanukampārthaṃ gītaṃ rājñā vicakhyunā //

chinnasthūṇaṃ vṛpaṃ dṛṣṭvā virāvaṃ ca gavāṃ bhṛśam /
gogṛhe yajñavāṭe ca prekṣamāṇaḥ sa pārthivaḥ //

svasti gobhyo'stu lokeṣu tato nirvacanaṃ kṛtam /
hiṃsāyāṃ hi pravṛttāyāmāśīreṣā tu kalpitā //

avyavasthitamaryādairvimūḍhairnāstikairnaraiḥ /
saṃśayātmabhiravyaktairhiṃsā samanudarśitā //

sarvakarmagvahiṃsāṃ hi dharmātmā manurabravīt /
kāmakārādvihiṃsanti bahirvedyāṃ paśūnnarāḥ //

tasmātpramāṇataḥ kāryo dharmaḥ sūkṣmo vijānatā /
ahiṃsā hyeva sarvebhyo dharmebhyo jyāyasī matā //

upoṣya saṃśito bhūtvā hitvā vedakṛtāṃ śuciḥ /
ācāra ityanācāraḥ kṛpaṇāḥ phalahetavaḥ //

yadi cchindanti vṛkṣāṃśca yūpāṃścoddiśya mānavāḥ /
vṛthā māṃsāni khādanti naipa dharmaḥ praśasyate //

surāṃ matsyānmadhu māṃsamāsavaṃ kṛsaraudanam / dhūrtaiḥ pravartitaṃ hyetannaitadvedeṣu kalpitam /
kāmānmohācca lobhācca laulyametatpravartitam //

viṣṇumevābhijānanti sarvayajñeṣu brāhmaṇāḥ /
pāyasaiḥ sumanobhiśca tasyaiva yajanaṃ smṛtam //

yajñiyāścaiva ye vṛkṣā vedeṣu parikalpitāḥ / yaccāpi kiñcitkartavyamanyaccokṣaiḥ susaṃskṛtam /
mahāsatvaiḥ śuddhabhāvaiḥ sarvaṃ devārhameva tat //
yudhiṣṭhira uvāca /

śarīramāpadaścāpi vivadantyavihaṃsataḥ /
kathaṃ yātrā śarīrasya nirārambhasya setsyate //
bhīṣma uvāca /

yathā śarīraṃ na glāyenneyānmṛtyuvaśaṃ yathā /
tathā karmasu varteta samartho dharmamācaret //