Mahabharata · Chapter 12.221

janako naradevastu jñāpitaḥ paramarṣiṇā /
punarevānupapraccha sāmparāye bhavābhavau //

bhagavanyadidaṃ pretya sañjñā bhavati kasyacit /
evaṃ sati kimajñānaṃ jñānaṃ vā kiṃ kariṣyati //

vivādādeva siddho'sau kāraṇasyeva vedanā /
cetano vidyate hyatra haitukaṃ ca manogatam //

āgamādeva siddho'sau svatāḥ siddhā iti śrutiḥ /
vartate pṛthaganyonyaṃ na hyapaḥśritya karmasu //

cetano hyaṃśavastatra svamūrtaṃ dhārayantyataḥ / svabhāvaṃ pauruṣaṃ karma hyātmānaṃ tamupāśritam /
tamāśritya pravartante dehino dehabandhanāḥ //

guṇajñānamabhijñānaṃ tasya liṅgānuśabdayat /
pṛthivyādiṣu bhūteṣu tattadāhurnidarśanam //

ātmā'sau vartate bhinnastatratatra samanvitaḥ /
paramātmā tathīvaiko deve'sminniti vai śrutiḥ //

ākāśaṃ vāyurūṣbhā ca sneho yaccāpi pārthivam /
yathā tridhā pravartante tathā'sau puruṣaḥ smṛtaḥ //

papasyantarhitaṃ yadvattadvadvyāptaṃ mahātmakam /
pūrvaṃ naiścaryayogena tasmādetanna śepavān //

śabdāḥ kālaḥ kriyā deho mamaikasvaiva kalpanā /
svabhāvaṃ tanmayaṃ tvedaṃ māyārūpaṃ tu bhedavat //

nānākhyaṃ paraṃ śuddhaṃ nirvikalpaṃ parātmakam /
liṅgādi devamadhyāste jñānaṃ devasya tattathā //

cinmayo'yaṃ hi nādākhyaḥ śabdaścāsau mano mahān /
gatimānuta sandhatte varṇamattatpadānvitam //

kāyo nāsti ca teṣāṃ vai avakāśastathā param /
etenoḍhā iti cākhyātāḥ sarve te dharmadūṣakāḥ //

avandhanamavijñānājjñānaṃ tadbhuvamavyayam /
nānābhedavikalpane yeṣāmātmā smṛtaḥ sadā //

prakṛteraparasteṣāṃ bahavo'pyātmavādinaḥ / virodho hyātmasanmāyāṃ na teṣāṃ siddha eva hi /
anyadā ca gṛhītai-----vedabāhyāstataḥ smṛtāḥ //

ekānekātmakaṃ teṣāṃ pratiṣedho hi bhedanut /
tasmādvedasya hṛdayamadvaidhyamiti viddhi tat //

vedādṛṣṭerayaṃ lokaḥ sarvārtheṣu pravartate /
tasmācca smṛtayo jātāḥ setihāsāḥ pṛthagvidhāḥ //

na yanna sādhyaṃ tadbrahma nādimadhyaṃ na cāntavat /
indriyāṇi ca bhūrīṇi parā ca prakṛtirmanaḥ //

ātmā ca paramaḥ śuddhaḥ prokto'sau paramaḥ pumān //

utpattilakṣaṇaṃ cedaṃ viparītamathobhayoḥ / yo vetti prakṛtiṃ nityaṃ tathā caivātmanastu tām /
pradahatyeṣa karmākhyaṃ dāvodbhūta ivānalaḥ //

cinmātraparamaḥ śuddhaḥ sarvākṛtiṣu vartate //

ākāśakalpaṃ vimalaṃ nānāśaktisamanvitam / tāpanaṃ sarvabhūtānāṃ jyotiṣāṃ madhyamasthitim /
duḥkhamasti na nirduḥkhaṃ tadvidvānna ca lipyati //

asāvaśnāti yadvattadvamaro'śnāti yanmadhu /
evameva mahānātmā nātmānamavabudhyate //

evambhūtastvamityatra svādhito buddhyate parama / budhasya bodhanaṃ tatra kriyate sadbhirityuta /
na budhasyeti vai kaścinna tathāvacchṛṇuṣva me //

śokamasya na gatvā te śāstrāṇāṃ śāstradasyavaḥ /
lokaṃ nidhnanti sambhinnā jñātinotra vadantyuta //

evaṃ tasya vibhoḥ kṛtyaṃ dhāturasya mahātmanaḥ /
kṣamanti te mahātmānaḥ sarvadvandvavivarjitāḥ //

ato'nyathā mahātmānamanyathā pratipadyate /
kiṃ tena na kṛtaṃ pāpaṃ coreṇātmāpahāriṇā //

tasya saṃyogayogena śucirapyaśucirbhavet /
aśuciśca śuciścāpi jñānāddehādayo yathā //

dṛśyaṃ na caiva dṛṣṭaṃ syāddṛṣṭaṃ dṛśyaṃ tu naiva ca //

atītatritayāḥ siddhā jñānarūpeṇa sarvadā /
evaṃ na pratipadyante rāgamohamadānvitāḥ //

vedabāhyā durātmānaḥ saṃsāre duḥkhabhāginaḥ /
āgamānugatajñānā buddhiyuktā bhavanti te //

buddhyā bhavati buddhyā tvaṃ yadbuddhaṃ cātmarūpavat /
tamasyandhe na sandehātparaṃ yānti na saṃśayaḥ //

nityanaimittikānkṛtvā pāpahānimavāpya ca /
śuddhasatvā mahātmāno jñānanirdhūtakalmaṣāḥ //

asaktāḥ parivartante saṃsarantyatha vāyuvat /
na yujyante'thavā kleśairahambhāvodbhavaiḥ saha //

itastataḥ samāhṛtya jñānaṃ nirvarṇayantyuta /
jñānānvitastamo hanyādarkavatsa mahāmatiḥ //

evamātmānamanvīkṣya nānāduḥkhasamanvitam /
dehaṃ paṅkamale magnaṃ nirmalaṃ paramārthataḥ //

tamevaṃ sarvaduḥkhāttu mocayetparamātmavān / brahmacaryavratopetaḥ sarvasaṅgabahiṣkṛtaḥ /
laghvāhāro viśuddhātmā paraṃ nirvāṇamṛcchati //

indriyāṇi mano vāyuḥ śoṇitaṃ māṃsamasthi ca /
ānupūrvyādvinaśyanti svaṃ dhātumupayānti ca //

kāraṇānugataṃ kāryaṃ yadi tacca vinaśyati /
aliṅgasya kathaṃ liṅgaṃ yujyate tanmṛṣā dṛḍham //

na tveva hetavaḥ santi ye kecinmūrtisaṃsthitāḥ /
amartyasya ca martyena sāmānyaṃ nopapadyate //

lokadṛṣṭo yathā jāteḥ svedajaḥ puruṣaḥ striyām /
kṛtānusmaraṇātsiddho vedagamyaḥ paraḥ pumān //

pratyakṣānugato vedo nāmahetubhiriṣyate //

yathā śākhā hi vai śākhā taroḥ sambadhyate tadā / śrutyā tathāparopyātmā dṛśyate so'pyaliṅgavān /
aliṅgasādhyaṃ tadbrahma bahavaḥ santi hetavaḥ //

lokayātrāvidhānaṃ ca dānadharmaphalāgamaḥ /
tadarthaṃ vedaśabdāśca vyavahārāśca laukikāḥ //

iti samyaṅbhanasyete bahavaḥ santi hetavaḥ /
etadastīdamastīti na kiñcitpratidṛśyate //

teṣāṃ vimṛśatāmevaṃ tattatsamabhidhāvatām /
kvacinniviśate buddhistatra jīryati vṛkṣavat //

evamarthairanarthaiśca duḥkhitāḥ sarvajantavaḥ /
āgamairapakṛṣyanti hastino hastipairyathā //

na jātu kāmaḥ kāmāmāmupabhogena śāmyati /
haviṣā kṛṣṇavartmeva bhūya evābhirvadhate //

arthāṃstathā'tyantaduḥkhābahāṃśca lipsanta eke bahavo viśuṣkāḥ /
mahattaraṃ duḥkhamabhiprapannā hitvā sukhaṃ mṛtyuvaśaṃ prayānti //

vināśino hyadhruvajīvitasya kiṃ bandhubhirmantraparigrahaiśca /
vihāya yo gacchati sarvameva kṣaṇena gatvā na nivartate ca //

svaṃ bhūmitoyānalavāyavo hi sadā śarīraṃ pratipālayanti /
itīdamālakṣya kuto ratirbhave dvināśino hyasya na karma vidyate //

idamanupadhivākyamacchalaṃ paramanirāmayamātmasākṣikam /
narapatiranuvīkṣya vismitaḥ punaranuyoktumidaṃ pracakrame //