Mahabharata · Chapter 12.171

atha tatra mahārciṣmānanalo vātasārathiḥ /
tasyāvidūre rakṣārthaṃ khagendreṇa kṛto'bhavat //

sa cāpi pārśve suṣvāpa viśvasto bakarāṭ tadā /
kṛtaghnastu sa duṣṭātmā taṃ jighāṃsurajāgarīt //

tato'lātena dīptena sa suptaṃ nijaghāna tam /
nihatya ca mudā yuktaḥ so'nubandhaṃ na dṛṣṭavān //

sa taṃ vipakṣaromāṇaṃ kṛtvā'gnāvapacattadā /
taṃ gṛhītvā suvarṇaṃ ca yayau drutataraṃ dvijaḥ //

tato dākṣāyaṇīputraṃ nāgataṃ taṃ tu bhārata / virūpākṣaścintayanvai hṛdayena vidūyatā //

tato'nyasmingate cāhni virūpākṣo'bravītsutam / na prekṣe rājadharmāṇamadya putra khagottamam /

sa pūrvasandhyāṃ brahmāṇaṃ vandituṃ yāti sarvadā /
māṃ cādṛṣṭvā kadācitsa na gacchati gṛhaṃ khagaḥ //

dvirātramubhayoḥ sandhyornābhyagacchanmamālayam /
tasmānna śuddhyate bhāvo mama sa jñāyatāṃ suhṛt //

svādhyāyena viyukto hi brahmavarcasavarjitaḥ /
sa gatastatra me śaṅkā hanyāttaṃ sa dvijādhamaḥ //

durācāraḥ sa durbuddhiriṅgitairlakṣito mayā / niṣkṛpo dāruṇākāro duṣṭo dasyurivādhamaḥ /
gautamaḥ sa gatastatra tenodvignaṃ mano mama //

putra śīghramito gatvā rājadharmaniveśanam /
jñāyatāṃ sa viśuddhātmā yadi jīvati vā ciram //

sa evamuktastvarito rakṣobhiḥ sahito yayau /
* nyagrodhe rājadharmāṇamapaśyannihataṃ tataḥ //

ruditvā bahuśastasmai vilapya ca sa rākṣasaḥ /
gato roṣasamāviṣṭo gautamagrahaṇāya vai //

gṛhīto gautamaḥ pāpo rakṣobhiḥ krodhamūrcchitaiḥ /
rājadharmaśarīrasya kaṅkālaścāpyatho dhṛtaḥ //

manuvrajaṃ tu nagaraṃ yātudhānāstato gatāḥ /
krodharaktekṣaṇā ghorā gautamasya vadhe dhṛtāḥ //

pārthivasvāgrato nyastaḥ kaṅkālo rājadharmaṇaḥ /
taṃ dṛṣṭvā vimanā rājā sāmātyaḥ sagaṇo'bhavat //

ārtarāvo mahānāsīdgṛhe tasya mahātmanaḥ /
samutthitaḥ srīsaṅghasya nihate kāśyapātmaje //

rājā caivābravītputraṃ pāpo'yaṃ vadhyatāmiti //
rākṣamā ūcuḥ /

asya māṃsaṃ vayaṃ sarve khādiṣyāmaḥ samāgatāḥ / pāpakṛtpāpakarmā ca pāpātmā pāpamāsthitaḥ /
hantavya eva pāpātmā kṛtaghno nātra saṃśayaḥ //
virūpākṣa uvāca /

kṛtaghnaṃ pāpakarmāṇāṃ na bhakṣayitumutsahe /
dāsebhyo dīyatāmepa mitradhrukpurupādhamaḥ //
bhīṣma uvāca /

dāsāḥ sarve samāhūtā yātudhānāstathā pare /
necchanti sma kṛtaghnaṃ taṃ khādituṃ puruṣottama //

śirobhiścāgatā bhūmiṃ mahārāja tato balāt /
mānārthaṃ jātu nirbandhaṃ kilviṣaṃ dātumarhasi //

yātudhānā nṛpeṇoktāḥ pāpakarmā viśasyatām /
dahyatāṃ tyajyatāṃ vā'yaṃ darśanādapanīyatām //

tataste rupitā dāsāḥ śūlapaṭṭasapāṇayaḥ /
khaṇḍaśo vikṛtaṃ hatvā kravyādbhyo hyadadustadā //

kravyādāstvapi rājendra necchanti piśitāśanāḥ /
mṛtānapi hi kravyādāḥ kṛtaghnānnopabhuñjate //

brahmasvaharaṇe core brahmaghne gurutalpage /
niṣkṛtirvihitā sadbhiḥ kṛtaghne nāsti niṣkṛtiḥ //

mitradruhaṃ kṛtaghnaṃ ca nṛśaṃsaṃ ca narādhamam /
kravyādāḥ kimayaścaiva nopabhuñjanti vai sadā //