Mahabharata · Chapter 12.162

ānṛśaṃsyaṃ vijānāmi darśanena satāṃ sadā /
nṛśaṃsānna vijānāmi teṣāṃ karma ca bhārata //

kaṇṭakānkūpamagniṃ ca varjayanti yathā narāḥ /
tathā nṛśaṃsakarmāṇaṃ varjayanti narā naram //

nṛśaṃso dahyate vyaktaṃ pretya ceha ca bhārata /
tasmāttvaṃ brūhi kauravya tasya dharmaviniścayam //
bhīṣma uvāca /

spṛhā'syāntargatā caiva viditārthā ca karmaṇām ākroṣṭā kruśyate caiva bandhitā badhyate sa ca //

dattānukīrtirviṣamaḥ kṣudro naikṛtikaḥ śaṭhaḥ /
asambhogī ca mānī ca tathā saṅgī vikatthanaḥ //

sarvātiśaṅkī puruṣo balīśaḥ kṛpaṇo'thavā /
vargapraśaṃsīṃ satatamāśramadvepasankarī //

hiṃsāvikārī satatamaviśeṣaguṇāguṇaḥ /
bahvalīko manasvī ca lubdho'tyarthaṃ nṛśaṃsakṛt //

dharmaśīlaṃ guṇopetaṃ pāpa ityavagacchati /
ātmaśīlopamānena na viśvasiti kasyacit //

pareṣāṃ yatra dopaḥ syāttadguhyaṃ samprakāśayet /
samāneṣveva dopeṣu vṛttyarthamupaghātayet //

tathopakāriṇaṃ caiva manyate vañcitaṃ param /
dattvā'pi ca dhanaṃ kāle santapatyupakāriṇe //

bhakṣyaṃ peyamathālehyaṃ yaccānyatsādhu bhojanam /
prekṣamāṇeṣu yo'śnīyānnṛśaṃsamiti taṃ vadet //

brāhmaṇebhyaḥ pradāyāgraṃ yaḥ suhṛdbhiḥ sahāśnute /
sa pretya labhate svargamiha cānantyamaśnute //

eṣa te bharataśreṣṭha nṛśaṃsaḥ parikīrtitaḥ /
sadā vivarjanīyo hi puruṣeṇa bubhūṣatā //