Mahabharata · Chapter 12.159

sarvametattapomūlaṃ kavayaḥ paricakṣate /
na hyataptatapā mūḍhaḥ kriyāphalamavāpnute //

prajāpatiridaṃ sarvaṃ tapasaivāsṛjatprabhuḥ /
tathaiva vedānṛpayastapasā pratipedire //

tapasaiva sasarjānnaṃ phalamūlāni yāni ca /
trīm̐llokāṃstapasā siddhāḥ paśyanti susamāhitāḥ //

auṣadhānyagadādīni tistro vidyāśca saṃskṛtāḥ /
taṣasaiva hi siddhyanti tapomūlaṃ hi sādhanam //

yaddurāpaṃ durārādhyaṃ durādharṣaṃ durutsaham / tatsarvaṃ tapasā śakyaṃ tapo hi duratikramam /
aiśvaryamṛṣayaḥ prāptāstapasaiva na saṃśayaḥ //

surāpo'sammatādāyī bhrūṇahā gurutalpagaḥ /
tapasaiva sutaptena naraḥ pāpātpramucyate //

tapaso bahurūpasya taistairdvāraiḥ pravartataḥ /
nivṛttyā vartamānasya tapo nānaśanātparam //

ahiṃsā satyavacanaṃ dānamindriyanigrahaḥ /
etebhyo hi mahārāja tapo nānaśanātparam //

na duṣkarataraṃ dānānnāti mātaramāśramaḥ /
traividyebhyaḥ paraṃ nāsti sannyāsānnāparaṃ tapaḥ //

indriyāṇīha rakṣanti viprarṣipitṛdevatāḥ /
tasmādarthe ca dharme ca tapo nānaśanātparam //

ṛṣayaḥ pitaro devā manuṣyā mṛgapakṣiṇaḥ /
yāni cānyāni bhūtāni syāvarāṇi carāṇi ca //

tapaḥ parāyaṇāḥ sarve sidhyanti tapasā ca te /
ityevaṃ tapasā devā mahattvaṃ pratipedire //

imānīṣṭavibhāgāni phalāni tapasaḥ sadā /
tapasā śakyate prāpnuṃ devatvamapi niścayaḥ //