Mahabharata · Chapter 12.137
anāgatavidhātā ca pratyutpannamatiśca yaḥ /
dvāvetau sukhamedhete dīrghasūtrī vinaśyati //
atraiva cedamavyagraṃ śṛṇvākhyānamanuttamam /
drīrghasūtramupāśritya kāryākāryaviniścaye //
nātigādhe jalasthāne suhṛdaḥ kuśalāstrayaḥ /
prabhūtamatsye kaunteya babhūvuḥ sahacāriṇaḥ //
tatraikaḥ prāptakālajño dīrghadarśī tathā'paraḥ /
dīrghasūtraśca tatraikastrayāṇāṃ jalacāriṇām //
kradācittajjalasthānaṃ matsyabandhāḥ samantataḥ /
srāvayāmāsuratho nimneṣu vividhairmukhaiḥ //
kṣīyamāṇaṃ tadbuddhvā jalasthānaṃ bhayāgame /
abravīddīrghadarśī tu tāvubhau suhṛdau tadā //
jñayamāpatsamutpannā sarveṣāṃ salilaukasām /
śīghramanyatra gacchāmaḥ panthā yāvanna śuṣyati //
anāgatamanarthaṃ hi sunayairyaḥ prabādhate /
sa na saṃśayamāpnoti tathā'nyatra vrajāmahe //
śīrghasūtrastu yastatra so'bravītsamyaguṣyatām /
na tu kāryā tvarā tāvaditi me niścitā matiḥ //
atha sampratipattijñastvabravīddīrghadarśinam /
prāpte kāle na me kiñcinnyāyataḥ parihāsyate //
evapnukto nirākrāmaddīrghadarśī mahāmatiḥ /
agāma srotasaikena gambhīraṃ salilāśayam //
tataḥ prasṛtatoyaṃ taṃ prasamīkṣya jalāśayam /
babandhurvividhairyogairmatsyānmatsyopajīvinaḥ //
viloḍyamāne tasmiṃstu srutatoye jalāśaye /
agacchadgrahaṇaṃ tatra dīrghasūtraḥ sahāparai---- //
uddānaṃ kriyamāṇaṃ tu matsyānāṃ ------ /
praviśyāntaramanyeṣāmagrasatprati------- //
grastameva taduddānaṃ gṛhītvā----saḥ /
sarvāneva ca tāṃstatra te vi--- iti //
tataḥ prakṣālyamāneṣu matsyeṣu vipule jale /
tvaktvā rajjuṃ pramuktosau śīghraṃ sampratipattimān //
dīrghasūtrastu mandātmā hīneyuddhiracetanaḥ /
maraṇaṃ prāptavānmūḍho yathaivopahatendriyaḥ //
evaṃ prāptatamaṃ kālaṃ yo mohānnāvabudhyate /
sa vinaśyati vai kṣipraṃ dīrghasūtro yathā jhaṣaḥ //
ādau na kurute śreyaḥ kuśalo'smīti yaḥ pumān /
sa hi saṃśayamāpnoti yathā sampratipattimān //
anāgatavidhātā ca pratyutpannamatiśca yaḥ /
dvāvetau sukhamedhete dīrghasūtrī vinaśyati //
kāṣṭhā kalā muhūrtāśca dinarātryaḥ kṣaṇā lavāḥ /
māsāḥ pakṣāḥ ṣaḍṛtavaḥ kālaḥ saṃvatsarāṇi ca //
pṛthivī deśa ityuktaḥ sa ca kālo na dṛśyate /
abhipretārthasiddhyarthaṃ dūrato nyāyatastathā //
etau dharmārthaśāstreṣu mokṣaśāstreṣu carṣibhiḥ /
pradhānāviti nirdiṣṭau kāme cābhimatau nṛṇām //
parīkṣyakārī yuktaśca sa samyagupapādayet /
deśakālāvabhipretau tobhyāṃ phalamavāpnuyāt //
Original text: Mahābhārata (southern recension) · Edition: Śrīman Mahābhāratam, ed. T. R. Krishnacharya and T. R. Vyasacharya, Nirnaya Sagar Press, Bombay 1906–1910; e-text by SARIT (Shrinivasa Varakhedi and others) · SARIT: Search and Retrieval of Indic Texts · SARIT (e-text) via Internet Archive · CC BY-SA 3.0