Mahabharata · Chapter 12.136

atra gāthā brahmagītāḥ kīrtayanti purāvidaḥ /
yena mārgeṇa rājānaḥ kośaṃ sañjanayantyuta //

na dhanaṃ yajñaśīlānāṃ hāryaṃ devasvameva ca /
dasyūnāṃ niṣkriyāṇāṃ ca kṣatriyo hartumarhati //

imāḥ prajāḥ kṣatriyāṇāṃ rakṣyā hanyāśca bhārata /
thanaṃ hi kṣatriyasyeha dvitīyasya na vidyate //

tadasya syādbalārthaṃ vā dhanaṃ yajñārthameva vā /
abhojyāścauṣadhīśchittvā bhojyā eva pacantyuta //

yo vai na devānna pitṛnna martyānhaviṣā'rcati /
anarthakaṃ dhanaṃ tatra prāhurdhamevido janāḥ //

harettaddraviṇaṃ rājandhārmikaḥ pṛthivītiḥ /
na hi na prīṇayellokānna loke garhate nṛpam //

asādhubhyo'rthamādāya sādhubhyo yaḥ prayacchati /
ātmānaṃ sankramaṃ kṛtvā manye dharmavideva saḥ //

[tathātathā jayellokāñśaktyā caiva yathāyathā.] audbhidā jantavo yadvacchrutvā vājo yathātathā //

animittātsambhavanti tathā yajñaḥ prajāyate /
yathaiva daṃśamaśakaṃ yathā kīṭapipīlikam //

saiva vṛttirhi yajñeṣu yathā dharmo vidhīyate //

yathā hyakasmādbhavati bhūmau pāṃsustṛṇolapam /
tathaiveha bhaveddharmaḥ sūkṣmaḥ sūkṣmataraḥ smṛtaḥ //