Mahabharata · Chapter 12.132

hīne paramake dharme sarvalokātilaṅghane /
sarvasmindasyusādbhūte pṛthivyāmupajīvane //

kena svidbrāhmaṇo jīvejjaghanye kāla āgate /
asantyajanputrapautrānanukrośātpitāmaha //
bhīṣma uvāca /

vijñānabalamāsthāya jīvitavyaṃ tathā gate /
sarvaṃ sādhvarthamevedamasādhvarthaṃ na kiñcana //

asādhubhyo'rthamādāya sādhubhyo yaḥ prayacchati /
ātmānaṃ sankramaṃ kṛtvā kṛcchradharmakṛdeva saḥ //

aroṣeṇātmano rājanrājye sthitimakopayan /
adattamapyādadīt bhrāturvittaṃ mameti vā //

vijñānabalapūto yo vartate ninditeṣvapi /
vṛttivijñānavāndhīraḥ kastaṃ vaktumihārhati //

yeṣāṃ bahukṛtā buddhisteṣāmanyā na rocate /
yajasā te pravartante balavanto yudhiṣṭhira //

yadaiva prakṛtaṃ śāstraṃ janastadanuvartate /
yadaivamadhyāsevante medhrāvī vā'pyathottaram //

ṛtvikpurohitācāryānsatkṛtānabhisatkṛtān /
na brāhmaṇānghātayīta doṣānprāpnoti ghātayan //

etatpramāṇaṃ lokasya cakṣuretatsātanam /
tatpramāṇo'vagāheta tena tatsādhvasādhu vā //

havo grāmavāstavyā doṣānbrūyuḥ parasparam /
na teṣāṃ vacanādrājā satkuryāddhātayīta vā //

na vācyaḥ parivādo vai na śrotavyaḥ kathañcana /
karṇau tatra pidhātavyau gantavyaṃ vā tato'nyataḥ //

na satāṃ śīlametadvai parivādo na paiśunam /
guṇānāmeva vaktāraḥ santo nityaṃ yudhiṣṭhira //

yathā samadhurau damyau sudāntau sādhuvāhinau /
dhuramudyamya vahatastathā varteta vai nṛpaḥ //

yathāyathā'sya bahavaḥ sahāyāḥ syustathā caret /
ācārameva manyante garīyo dharmalakṣaṇam //

apare naivamicchanti ye śaṅkhalikhintapriyāḥ /
arthe kṣīṇe'thavā lubdhāste brūyurvākyamīdṛśam //

ārṣamaṣyatra paśyanti vikarmasthasya pātanam /
na cārṣātsadṛśaṃ kiñcitpramāṇaṃ dṛśyate kvacit //

devā hyapi vikarmasthaṃ ghātayanti narādhamam /
vyājena vindanvittaṃ hi dharmataḥ parihīyate //

sarvataḥ satkṛtaḥ sadbhirbhūtipravarakāraṇaiḥ /
hṛdayenābhyanujñāto yo dharmastaṃ vyavasyati //

yaścaturguṇasampannaṃ dharmaṃ veda sa dharmavit /
aheriva hi dharmasya padaṃ duḥkhaṃ gaveṣitum //

yathā mṛgasya viddhasya mṛgavyādhaḥ padaṃ nayet /
lakṣedrudhirapātena tathā dharmapadaṃ nayet //

yathā samyagvitena pathā gantavyamapyuta /
rājarṣīṇāṃ vṛttametadevaṃ gaccha yudhiṣṭhira //