Mahabharata · Chapter 12.125

śīlaṃ pradhānaṃ puruṣe kathitaṃ te pitāmaha /
kathamāśā samutpannā kā ca sā tadvadasva me //

saṃśayo me mahāneṣa samutpannaḥ pitāmaha /
chettā ca tasya nānyo'sti tvattaḥ parapurañjaya //

pitāmahāśā mahatī mamāsīddhi suyodhane /
prāpte yuddhe tu tadyuktaṃ tatkartā'yamiti prabho //

sarvasyāśā sumahatī puruṣasyopajāyate /
syāṃ vihanyamānāyāṃ duḥkho mṛtyurna saṃśayaḥ //

'haṃ hatāśo durbuddhiḥ kṛtastena durātmanā /
rtarāṣṭreṇa rājendra paśya mandātmatāṃ mama //

āśāṃ bṛhattarīṃ manye parvatādapi sadrumāt /
ākāśādapi vā rājannaprameyā'thavā punaḥ //

eṣā caiva kuruśreṣṭha durvicintyā sudurlabhā /
durlabhatvācca paśyāmi kimanyaddurlabhaṃ tataḥ //
bhīṣma uvāca /

atra te vartayiṣyāmi yudhiṣṭhira nibodha me /
itihāsaṃ sumitrasya nirvṛttamṛṣabhasya ca //

sumitro nāma rājarṣirhaihayo mṛgayāṃ gataḥ /
sasāra ca mṛgaṃ viddhvā bāṇenānataparvaṇā //

sa mṛgo bāṇamādāya yayāvatiparākramaḥ /
sa ca rājā balī tūrṇaṃ sasāra mṛgamantikāt //

tato nimnaṃ sthalaṃ caiva samṛgo'dravadāśugaḥ /
muhūrtamiva rājendra samena sa pathā'gamat //

tataḥ sa rājā tāruṇyādaurasana balena ca /
cacāra bāṇāsanabhṛtsakhaṅgo haṃsavattadā //

tato nadānnadīścaiva palvalāni vanāni ca /
atikramyābhyatikramya sasāraiko vanecaraḥ //

sa tu tāvanmṛgo rājannāsādyāsādya pārthivam /
punarabhyeti javano javena mahatā tataḥ //

sa tasya bāṇairbahubhiḥ samabhyasto vanecaraḥ /
prakrīḍanniva rājendra punarabhyeti cāntikam //

punaśca javamāsthāya javano mṛgayūthapaḥ / [atītyātītya rājendra punarabhyeti cāntikam // ]

tasya marmacchidaṃ ghoraṃ sumitro'mitrakarśanaḥ /
samādāya śaraṃ śreṣṭhaṃ kārmukānniravāsayat //

[tato gavyūtimātreṇa mṛgayūthapayūthapaḥ.] tasya bāṇapathaṃ muktvā tasthivānprahasanniva //

tasminnipatite bāṇe bhūmau jvalitatejasi /
praviveśa mṛgo'raṇyaṃ mṛgaṃ rājā'pyabhidravat //