Mahabharata · Chapter 12.102

jayinyāḥ kāni rūpāṇi bhavanti bharatarṣabha /
pṛtanāyāḥ praśastāni tāni cecchāmi veditum //
bhīṣma uvāca /

jayinyā yāni rūpāṇi bhavanti bharatarṣabha /
pṛtanāyāḥ praśastāni tāni vakṣyāmi sarvaśaḥ //

daive pūrvaṃ prakupite mānuṣe kālacodite /
tadvidva a'nupasyanti jñānadīrgheṇa cakṣuṣā //

prāyaścittavidhiṃ cātra japahomāṃśca tadvidaḥ /
maṅgala ni ca kurvanti śamayantyahitāni ca //

udīṇānaso yodhā vāhanāni ca bhārata /
yasyāṃ bhavanti senāyāṃ dhruvaṃ tasyā jayo bhavet //

anveva vāyavo yānti tathaivendradhanūṃṣi ca /
anuplavante meghāśca tathā'dityasya raśmayaḥ //

gomāyavaścātulomabalā gṛdhrāśca sarvaśaḥ /
arhayeyuryadā senāṃ tadā siddhiranuttamā //

prasannabhāḥ pāvakaścordhvaraśmiḥ pradakṣiṇāvartaśikho vidhūmaḥ /
puṇyā gandhāścāhutīnāṃ bhavanti jayasyaitadbhāvino rūpamāhuḥ //

gambhīraśabdāśca mahāsvanāśca śaṅkhyāśca bheryaśca nadanti yatra /
yuyutsavaścāpratīpā bhavanti jayasyaitadbhāvino rūpamāhuḥ //

iṣṭā mṛgāḥ pṛṣṭhato vāmataśca samprasthitānāṃ ca gamiṣyatāṃ ca /
jighāṃsatāṃ dakṣiṇāḥ siddhimāhu rye tvagrataste pratiṣedhayanti //

māṅgalyaśabdāñśakunā vadanti haṃsāḥ krauñcāḥ śatapatrāśca cāṣāḥ /
hṛṣṭā yodhāḥ satvavanto bhavanti jayasyaitadbhāvino rūpamāhuḥ //

śastrairyantraiḥ kavacaiḥ ketubhiśca subhānubhirmukhavarṇaiśca yūnām /
bhrājiṣmatī duṣprativīkṣaṇīyā yeṣāṃ camūste'bhibhavanti śatrūn //

śuśrūṣavaścānabhimāninaśca parasparaṃ sauhṛdamāsthitāśca /
yeṣāṃ yodhāḥ śauryamanuṣṭhitāśca jayasyaitadbhāvino rupamāhuḥ //

śabdāḥ sparśāstathā gandhā vicaranti manaḥ priyāḥ /
dhairyaṃ cāviśate yodhānvijayasya mukhaṃ ca tat //

śabdo vāmaḥ prasthitasya dakṣiṇaḥ pravivikṣataḥ /
paścātsaṃsādhayatyarthaṃ purastācca niṣedhati //

saṃhatya mahatīṃ senāṃ caturaṅgāṃ yudhiṣṭhira /
sāmnaiva vartayeḥ pūrvaṃ prasatethāstato yudhi //

jaghanya eṣa vijayo yadyuddhe sāmabhāṣaṇam /
yādṛcchiko yudhi jayo daiveneti vicāraṇam //

āpageva mahāvegā trastā iva mahāmṛgāḥ /
durnivāryatamā caiva prabhagnā mahatī camūḥ //

bhagnā ityeva bhajyante vidvāṃso'pi na kāraṇam /
udārasārā mahatī rurusanghopamā camūḥ //

parasparajñāḥ saṃhṛṣṭāstyaktaprāṇāḥ suniścitāḥ /
api pañcatratai śūrā nighnanti paravāhinīm //

api vā pañcaṣaṭ्saptasaṃhitāḥ kṛtaniścayāḥ /
klalīnāḥ pūjitāḥ samyagvijayantīha śātravān //

sannipāto na mantavyaḥ śakye sati kathañcana /
sāntvabhedapradānānāṃ yuddhamuttaramucyate //

saṃsarpeṇa hi senāyā bhayaṃ bhīrūnprabādhate /
vajrādiya prajvalitādiyaṃ svitkṣapayiṣyati //

amiprayātāṃ samitiṃ jñātvā ye pratiyāntyatha /
teṣāṃ sandanti gātrāṇi yodhānāṃ vivayasya ca //

viṣayo vyathate rājansarvaḥ sasthāṇujaṅgamaḥ /
astrapratāpataptānāṃ majjāḥ sīdanti dehinām //

teṣāṃ sāntvaṃ krūramiśraṃ praṇetavyaṃ punaḥ punaḥ /
sampīḍyamānā hi parairyogamāyānti sarvataḥ //

āntarāṇāṃ ca bhedārthaṃ carānabhyavacārayet /
yaśca tasmātparo rājā tena sandhiḥ praśasyate //

na hi tasyānyathā pīḍā śakyā kartuṃ tathāvidhā /
yathā sārdhamamitreṇa sarvataḥ pratibādhanam //

kṣamā vai sādhumāyāti na hyasādhūnkṣamā sadā /
kṣamāyāścākṣamāyāśca pārtha viddhi prayojanam //

vijitya kṣamamāṇasya yaśo rājño vivardhate /
mahāparādhe hyapyasminviśvasantyapi śatravaḥ //

manyante karṣayitvā tu kṣamā sādhvīti śāmbarāḥ /
asantaptaṃ tu yaddāru pratyeti prakṛtiṃ punaḥ //

naitatpraśaṃsantyācāryā na caitatsādhu darśanam /
akrodhenāvināśena niyantavyāḥ svaputravat //

dveṣyo bhavati bhūtānāmugro rājā yudhiṣṭhira /
mṛdumapyavamanyante tasmādubhayabhāgbhavet //

prahariṣyanpriyaṃ brūyātpraharannapi bhārata /
prahṛtya ca priyaṃ brūyācchocanniva rudanniva //

na me priyā ye sma hatāḥ samprahṛṣṭāḥ pare'pi ca /
na ca katthanamevāgryamucyamānaṃ punaḥ punaḥ //

aho jīvitamākāṅkṣennedṛśo vadhamarhati /
sudurlabhāḥ supuruṣāḥ sangrāmeṣvapalāyinaḥ //

kṛtaṃ mamāpriyaṃ tena yenāyaṃ nihato mṛdhe /
iti vācā vadanhantṛnpūjayeta rahogataḥ //

hantṝṇāṃ ca hatānāṃ ca pūjāṃ kuryādyathārthataḥ /
krośedbāhuṃ pragṛhyāpi cikīrṣañjanasangraham //

evaṃ sarvāsvavasthāsu sāntvapūrvaṃ samācaret /
priyo bhavati bhūtānāṃ dharmajño vītabhīrnṛpaḥ //

viśvāsaṃ cātra gacchanti sarvabhūtāni bhārata /
viśvastaḥ śakyate bhoktuṃ yathākālaṃ samutthitaḥ //

tasmādviśvāsayedrājā sarvabhūtānyamāyayā /
sarvataḥ parirakṣecca yo mahīṃ bhoktumicchati //