Mahabharata · Chapter 10.10

tasyāṃ rātryāṃ vyatītāyāṃ dhṛṣṭadyumnasya sārathiḥ /
gatvā śaśaṃsa pāṇḍubhyaḥ sauptike kadanaṃ kṛtam //
sūta uvāca /

draupadeyā hatā rājandrupadasvātmajaiḥ saha /
pramattā niśi viśvastāḥ svapantaḥ śibire svake //

gautamena nṛśaṃsena bhojena kṛtavarmaṇā /
aśvatthānnā ca pāpena hataṃ vaḥ śibiraṃ niśi //

etairnaragajāśvānāṃ prāsaśaktiparaśvayaiḥ /
sahasrāmi vikṛndbhirniḥ śeṣaṃ śibiraṃ kṛtam //

xxxxxxvihagaphalabhāranatasya ha / xxxxxxxmahato vanasyeva paraśvathaiḥ /
xxxxxxxx sumahāñśabdo balasya tava bhārata //

mahameko'baśiṣṭastu tasmātsainyāmahīpate /
muktaḥ kathañciddharmātmanvyagrācca kṛtavarmaṇaḥ //

tacchrutvā vākyamaśivaṃ kuntīputro yudhiṣṭhiraḥ /
papāta mahyāṃ dharmātmā putraśokasamanvitaḥ //

patantaṃ tamatikramya parijagrāha sātyakiḥ /
bhīmaseno'rjunaścaiva mādrīputrau ca pāṇḍavau //

labdhacetāstu kaunteyaḥ śokavihvalayā girā /
jitvā śatrūñjitaḥ paścātparyadevayadārtavat //

agamyā gatirarthānāṃ karmaṇāmīśvarasya ca / durvidā gatirarthānāmapi ye divyacakṣuṣaḥ /
jīyamānā jayantyanye jayamānā vayaṃ jitāḥ //

hatvā bhrātṝnvayasyāṃśca pitṝnputrānsuhṛdgaṇān /
bandhūnamātyānpautrāṃśca jitvā sarvāñjitā vayam //

anartho hyarthasaṅkāśastathā'nartho'rthadarśanaḥ /
jayo'yamajayākāro jayastasmātparājayaḥ //

yajjitvā tapyate paścādāpanna iva durmatiḥ /
kathaṃ manyeta vijayaṃ tato jitataraḥ paraiḥ //

yeṣāmarthāya pāpaṃ syādvijayasya suhṛdvadhaiḥ /
nirjitairapramattairhi vijitā jitakāśinaḥ //

karṇinālīkadaṃṣṭrasya svaṅgajihvasya saṃyuge /
cāpavyāttāsyaraudrasya jyātalasvananādinaḥ //

kruddhasya narasiṃhasya saṅgrāmeṣvapalāyinaḥ /
ye vyamuñcanta karṇasya pramādātta ime hatāḥ //

rathahadaṃ śaravarṣormimantaṃ ratnācitaṃ vāhanayodhabṛndam /
śaktyṛṣṭimīnadhvajanāganakraṃ śarāsanāvartamaheṣuphenam //

saṅgrāmacandrodayavegavelaṃ droṇārṇavaṃ jyātalanemighoṣam /
ye teruruccāvacaśastranaubhi-- ste rājaputrā nihatāḥ pramādāt //

na hi pramādātparamasti kaśca-- dvadho narāṇāmiha jīvaloke /
pramattamarthā hi naraṃ samantā-- ttyajantyanarthāśca samāviśanti //

dhvajottamāgrocchritadhūmaketuṃ śarārciṣaṃ dīptamahāpatākam /
mahādhanurjyātalanemighoṣaṃ tanutranānāvidhaśastrahomam //

mahācamūkakṣadavābhipannaṃ mahāhave bhīṣmamahādavāgnim /
ye teruruccāvacaśastravegai-- ste rājaputrā nihatāḥ pramādāt //

na hi pramattena nareṇa śakya-- māptuṃ vasu śrīrvipulaṃ yaśo vā /
paśyāpramādena nihatya śatrū-- nsarvānmahendraṃ sukhamedhamānam //

indropamānpārthivaputrapautrā-- npaśyāviśeṣeṇa hatānpramādāt /
tīrtvā samudraṃ jaṇijaḥ samṛdvā / magnāḥ kunadyāmiva sīdamānāḥ //

amarṣitairye nihatā narendrā niḥsaṃśayaṃ te tridivaṃ prapannāḥ /
kṛṣṇāṃ tu śocāmi kathaṃ nu sādhvī śokārṇavaṃ sā viṣahiṣyatīti //

bhātṛṃśca putrāṃśca hatānniśamya pāñcālasarājaṃ pitaraṃ ca vṛdvam /
dhruvaṃ visañjñā patitā pṛthivyāṃ sā śoṣyate śokakṛśāṅgayaṣṭiḥ //

tacchokajaṃ duḥkhamapārayantī kathaṃ bhaviṣyatyucitā sukhānām /
rorūyate jñātivadhābhitaptā pradahvamāneva hutāśanena //

ityevamārtaḥ paridevayansa rājāja kurūṇāṃ nakulaṃ babhāṣe /
gacchānyaināmiha mandabhāgyāṃ samātṛpakṣāmiti rājaputrīm //

mādrīsutastatparigṛhya vākyaṃ dharmeṇa dharmaprathamasya rājñaḥ /
yayau rathenālayamāśudevyāḥ pāñcālarājasya ca yatra dārāḥ //

prasthāpya mādrīsutamājamīḍhaḥ śokārditastaiḥ sahitaḥ suhṛdbhiḥ /
rorūyamāṇaḥ prayayau sutānā-- māyodhanaṃ bhūtagaṇānukīrṇam //

sa tatpraviśyāśivamugrarūpaṃ dadarśa putrānsuhṛdaḥ sakhīṃśca /
bhūmau śayānānrudhirārdragātrā-- nvibhinnadehānprahṛtottamāṅgān //

sa tāṃstu dṛṣṭvā bhṛśamārtarūpo yudhiṣṭhiro dharmabhṛtāṃ variṣṭhaḥ /
uccaiḥ pracukrośa ca kauravāgryaḥ papāta corvyāṃ sagaṇo visañjñaḥ //