Laghusiddhāntakaumudī · Verses 803-822

manin kvanip vanip vic ete pratyayā dhātoḥ syuḥ //
neḍvaśi kṛti

vaśādeḥ kṛta iṇ na syāt // śṝ hiṃsāyām // suśarmā prātaritvā //
viḍvanoranunāsikasyā't

anunāsikasyā'tsyāt / vijāyata iti vijāvā // oṇṛ apanayane // avāvā / vic // ruṣa riṣa hiṃsāyām // roṭ / reṭ / sugaṇ //
kvip ca

ayamapi dṛśyate / ukhāsrat / parṇadhvat / bāhabhraṭ //
supyajātau ṇinistācchīlye

ajātyarthe supi dhātorṇinistācchīlye dyotye / uṣṇabhojī //
manaḥ

supi manyaterṇiniḥ syāt / darśanīyamānī //
ātmamāne khaśca

svakarmake manane varttamānānmanyateḥ supi khaś syāt cāṇṇiniḥ / paṇḍitamātmānaṃ manyate paṇḍitaṃmanyaḥ / paṇḍitamānī //
khityanavyayasya

khidante pare pūrvapadasya hrasvaḥ / tato mum / kālimmanyā //
karaṇe yajaḥ

karaṇe upapade bhūtārthe yajerṇiniḥ kartari / someneṣṭavān somayājī / agniṣṭomayājī //
dṛśeḥ kvanip

karmaṇi bhūte / pāraṃ dṛṣṭavān pāradṛśvā //
rājani yudhi kṛña

kvanipsyāt / yudhirantarbhāvitaṇyarthaḥ / rājānaṃ yodhitavān rājayudhvā / rājakṛtvā //
sahe ca

karmaṇīti nivṛttam / saha yodhitavān sahayudhvā / sahakṛtvā //
saptamyāṃ janerḍaḥ

tatpuruṣe kṛti bahulam

ṅeraluk / sarasijam, sarojam //
upasarge ca saṃjñāyām

prajā syātsaṃtatau jane //
ktaktavatū niṣṭhā

etau niṣṭhāsaṃjñau staḥ //
niṣṭhā

bhūtārthavṛtterdhātorniṣṭhā syāt / tatra tayoreveti bhāvakarmaṇoḥ ktaḥ / kartari kṛditi kartari ktavatuḥ / ukāvitau / snātaṃ mayā / stutastvayā viṣṇuḥ / viśvaṃ kṛtavān viṣṇuḥ //
radābhyāṃ niṣṭhāto naḥ pūrvasya ca daḥ

radābhyāṃ parasya niṣṭhātasya naḥ syāt niṣṭhāpekṣayā pūrvasya dhātordasya ca // śṛ hiṃsāyām // ṛta it / raparaḥ / ṇatvam / śīrṇaḥ / bhinnaḥ / chinnaḥ //
saṃyogāderāto dhātoryaṇvataḥ

niṣṭhātasya naḥ syāt / drāṇaḥ / glānaḥ //
lvādibhyaḥ

ekaviṃśaterlūñādibhyaḥ prāgvat / lūnaḥ // jyā dhātuḥ // grahijyeti saṃprasāraṇam //
halaḥ