Laghusiddhāntakaumudī · Verses 823-842

aṅgāvayavāddhalaḥ paraṃ yatsaṃprasāraṇaṃ tadantasya dīrghaḥ / jīnaḥ //
oditaśca

bhujo bhugnaḥ / ṭuośvi , ucchūnaḥ //
śuṣaḥ kaḥ

niṣṭhātasya kaḥ // śuṣkaḥ //
paco vaḥ

pakvaḥ // kṣai kṣaye //
kṣāyo maḥ

kṣāmaḥ //
niṣṭhāyāṃ seṭi

ṇerlopaḥ / bhāvitaḥ / bhāvitavān / dṛha hiṃsāyām //
dṛḍhaḥ sthūlabalayoḥ

sthūle balavati ca nipātyate //
dadhāterhiḥ

tādau kiti / hitam //
do dad ghoḥ

ghusaṃjñakasya dā ityasya dath syāt tādau kiti / cartvaṃm / dattaḥ //
liṭaḥ kānajvā

kvasuśca

liṭaḥ kānac kvasuśca vā staḥ / taṅānāvātmanepadam / cakrāṇaḥ //
mvośca

māntasya dhātornatvaṃ mvoḥ parataḥ / jaganvān //
laṭaḥ śatṛśānacāvaprathamāsamānādhikaraṇe

aprathamāntena samānādhikaraṇe laṭa etau vā staḥ / śabādi / pacantaṃ caitraṃ paśya //
āne muk

adantāṅgasya mugāgamaḥ syādāne pare / pacamānaṃ caitraṃ paśya / laḍityanuvartamāne punarlaḍgrahaṇāt prathamāsāmānādhikaraṇye 'pi kvacit / san dvijaḥ //
videḥ śaturvasuḥ

vetteḥ parasya śaturvasurādeśo vā / vidan / vidvān //
tau sat

tau śatṛśānacau satsaṃjñau staḥ //
ḷṭaḥ sadvā

vyavasthitavibhāṣeyam / tenāprathamāsāmānādhikaraṇye pratyottarapadayoḥ saṃbodhane lakṣaṇahetvośca nityam / kariṣyantaṃ kariṣyamāṇaṃ paśya //
ākvestacchīlataddharmatatsādhukāriṣu

kvipamabhivyāpya vakṣyamāṇāḥ pratyayāstacchīlādiṣu kartṛṣu bodhyāḥ //
tṛn

kartā kaṭān //
jalpabhikṣakuṭṭaluṇṭavṛṅaḥ ṣākan

ṣaḥ pratyayasya