Laghusiddhāntakaumudī · Verses 443-462

bhū sū etayoḥ sārvadhātuke tiṅi pare guṇo na / abhūt / abhūtām / abhūvan / abhūḥ / abhūtam / abhūta / abhūvam / abhūva / abhūma /
na māṅyoge

aḍāṭau na staḥ / mā bhavān bhūt / mā sma bhavat / mā sma bhūt //
liṅnimitte ḷṅ kriyātipattau

hetuhetumadbhāvādi liṅnimittaṃ tatra bhaviṣyatyarthe ḷṅ syāt kriyāyā aniṣpattau gamyamānāyām / abhaviṣyat / abhaviṣyatām / abhaviṣyan / abhaviṣyaḥ / abhaviṣyatam / abhaviṣyata / abhaviṣyam / abhaviṣyāva / abhaviṣyāma / suvṛṣṭiścedabhaviṣyattadā subhikṣamabhaviṣyat, ityādi jñeyam // ata sātatyagamane // 2 // atati //
ata ādeḥ

abhyāsasyāderato dīrghaḥ syāt / āta / ātatuḥ / ātuḥ / ātitha / ātathuḥ / āta / āta / ātiva / ātima / atitā / atiṣyati / atatu //
āḍajādīnām

ajāderaṅgasyāṭ luṅlaṅḷṅkṣu / ātat / atet / atyāt / atyāstām / luṅi sici iḍāgame kṛte --- .
astisico 'pṛkte

vidyamānāt sico 'steśca parasyāpṛktasya hala īḍāgamaḥ //
iṭa īṭi

iṭaḥ parasya sasya lopaḥ syādīṭi pare / ( sijlopa ekādeśe siddho vācyaḥ) / ātīt / ātiṣṭām //
sijabhyastavidibhyaśca

sico 'bhyastādvideśca parasya ṅitsaṃbandhino jherjus / ātiṣuḥ / ātīḥ / ātiṣṭam / ātiṣṭa / ātiṣam / ātiṣva / ātiṣma / ātiṣyat // ṣidha gatyām // 3 //
hrasvaṃ laghu

saṃyoge garu

saṃyoge pare hrasvaṃ guru syāt //
dīrghaṃ ca

guru syāt //
pugantalaghūpadhasya ca

pugantasya laghūpadhasya cāṅgasyeko guṇaḥ sārvadhātukārdhadhātukayoḥ / dhātvāderiti saḥ / sedhati / ṣatvam / siṣedha //
asaṃyogālliṭ kit

asaṃyogātparo 'pilliṭ kit syāt / siṣidhatuḥ / siṣidhuḥ / siṣedhitha / siṣidhathuḥ / siṣidha / siṣedha / siṣidhiva / siṣidhima / sedhitā / sedhiṣyati / sedhatu / asedhat / sedhet / sidhyāt / asedhīt / asedhiṣyat / evam -- citī saṃjñāne // 4 // śuca śoke // 5 // gada vyaktāyāṃ vāci // 6 // gadati //
nergadanadapatapadaghumāsyatihantiyātivātidrātipsātivapativahatiśāmyati cinotidegdhiṣu ca

upasargasthānnimittātparasya nernasya ṇo gadādiṣu pareṣu / praṇigadati //
kuhoścuḥ

abhyāsakavargahakārayoścavargādeśaḥ //
ata apadhāyāḥ

upadhāyā ato vṛddhiḥ syāt ñiti ṇiti ca pratyaye pare / jagāda / jagadatuḥ / jagaduḥ / jagaditha / jagadathuḥ / jagada //
ṇaluttamo vā

uttamo ṇal vā ṇitsyāt / jagāda, jagada / jagadiva / jagadima / gaditā / gadiṣyati / gadatu / agadat / gadet / gadyāt //
ato halāderlaghoḥ

halāderlaghorakārasya vṛddhirveḍādau parasmaipade sici / agādīt, agadīt / agadiṣyat // ṇada avyakte śabde // 7 //
ṇo naḥ

dhātvāderṇasya naḥ / ṇopadeśāstvanardnāṭināthnādhnandanakkanṝnṛtaḥ //
upasargādasamāse 'pi ṇopadeśasya

upasargasthānnimittātparasya dhātornasya ṇaḥ / praṇadati / praṇinadati / nadati / nanāda //
ata ekahalmadhye 'nādeśāderliṭi