Laghusiddhāntakaumudī · Verses 423-442

upasargasithānnimittātparasya loḍādeśasyānītyasya nasya ṇaḥ syāt / prabhavāṇi / (duraḥ ṣatvaṇatvayorupasargatvapratiṣedho vaktavya ḥ)/ duḥsthitiḥ / durbhavāni/ ( antaśśabdasyāṅki vidhiṇatveṣūpasargatvaṃ vācyam )/ antarbhavāṇi //
nityaṃ ṅitaḥ

sakārāntasya ṅiduttamasya nityaṃ lopaḥ / alo 'ntyasyeti salopaḥ / bhavāva / bhavāma /
anadyatane laṅ

anadyatana bhūtārtha vṛtter dhātor laṅ syāt //
luṅlaṅḷṅkṣvaḍudāttaḥ

eṣvaṅgasyāṭ //
itaśca

ṅito lasya parasmaipadamikārāntaṃ yattadantasya lopaḥ / abhavat / abhavatām / abhavan / abhavaḥ / abhavatam / abhavata / abhavam / abhavāva / abhavāma //
vidhinimantraṇāmantraṇādhīṣṭasaṃpraśnaprārthaneṣu liṅ

eṣvartheṣu dhātorliṅ //
yāsuṭ parasmaipadeṣūdātto ṅicca

liṅaḥ parasmaipadānāṃ yāsuḍāgamo ṅicca //
liṅaḥ salopo 'nantyasya

sārvadhātukaliṅo'nantyasya sasya lopaḥ / iti prāpte -- .
ato yeyaḥ

ataḥ parasya sārvadhātukāvayavasya yās ityasya iy / guṇaḥ //
lopo vyorvali

bhavet / bhavetām /
jherjus

liṅo jherjus syāt / bhaveyuḥ / bhaveḥ / bhavetam / bhaveta / bhaveyam / bhaveva / bhavema //
liṅāśiṣi

āśiṣi liṅastiṅārdhadhātukasaṃjñaḥ syāt //
kidāśiṣi

āśiṣi liṅo yāsuṭ kit / skoḥ saṃyogādyoriti salopaḥ //
kṅiti ca

gitkinṅinnimitte iglakṣaṇe guṇavṛddhī na staḥ / bhūyāt / bhūyāstām / bhūyāsuḥ / bhūyāḥ / bhūyāstam / bhūyāsta / bhūyāsam / bhūyāsva / bhūyāsma /
luṅ

bhūtārthe dhātorluṅ syāt //
māṅi luṅ

sarvalakārāpavādaḥ //
smottare laṅ ca

smottare māṅi laṅ syāccālluṅ //
cli luṅi

śabādyapavādaḥ //
cleḥ sic

icāvitau //
gātisthāpābhūbhyaḥ sicaḥ parasmaipadeṣu

ebhyaḥ sico luk syāt / gāpāviheṇādeśapibatī gṛhyate //
bhūsuvostiṅi