Laghusiddhāntakaumudī · Verses 403-422

liḍādeśastiṅṅārdhadhātukasaṃjñaḥ //
ārdhadhātukasyeḍvalādeḥ

valāderārdhadhāturasyeḍāgamaḥ syāt / babhūvitha / babhūvathuḥ / babhūva / babhūva / babhūviva / babhūvima /
anadyatane luṭ

bhaviṣyatyanadyataner'the dhātorluṭ syāt //
syatāsī ḷluṭoḥ

dhātoḥ sya tāsi etau pratyayau sto ḷluṭoḥ parataḥ / śabādyapavādaḥ / ḷ iti ḷṅḷṭorgrahaṇam /
ārdhadhātukaṃ śeṣaḥ

tiṅśidbhyo 'nyo dhātoriti vihitaḥ pratyaya etatsaṃjñaḥ syāt / iṭ //
luṭaḥ prathamasya ḍāraurasaḥ

ḍā rau ras ete kramātsyuḥ / ḍitvasāmarthyādabhasyāpi ṭerlopaḥ / bhavitā //
tāsastyorlopaḥ

tāserasteśca sasya lopassyāt sādau pratyaye pare /
ri ca

rādau pratyaye tathā / bhavitārau / bhavitāraḥ / bhavitāsi / bhavitāsthaḥ / bhavitāstha / bhavitāsmi / bhavitāsvaḥ / bhavitāsmaḥ/
ḷṭ śeṣe ca

bhaviṣyadarthāddhātorḷṭ kriyārthāyāṃ kriyāyāṃ satyāmasatyāṃ vā / s ya iṭ / bhaviṣyati / bhaviṣyataḥ / bhaviṣyanti / bhaviṣyasi / bhaviṣyathaḥ / bhaviṣyatha / bhaviṣyāmi / bhaviṣyāvaḥ / bhaviṣyāmaḥ/
loṭ ca

vidhyādyartheṣu dhātorloṭ //
āśiṣi liṅloṭau

eruḥ

loṭa ikārasya uḥ / bhavatu //
tuhyostātaṅṅāśiṣyanyatarasyām

āśiṣi tuhyostātaṅ vā / paratvātsarvādeśaḥ / bhavatāt //
loṭo laṅvat

loṭastāmādayassalopaśca //
tasthasthamipāṃ tāṃtaṃtāmaḥ

ṅitaścaturṇāṃ tāmādayaḥ kramātsyuḥ / bhavatām / bhavantu //
serhyapicca

loṭaḥ serhiḥ so 'picca //
ato heḥ

ataḥ parasya herluk / bhava / bhavatāt / bhavatam / bhavata /
merniḥ

loṭo merniḥ syāt //
āḍuttamasya picca

loḍuttamasyāṭ syāt picca / hinyorutvaṃ na, ikāroccāraṇa sāmarthyāt //
te prāgdhātoḥ

te gatyupasargasaṃjñā dhātoḥ prāgeva prayoktavyāḥ //
āni loṭ