Laghusiddhāntakaumudī · Verses 41-60

omi āṅi cātpare pararūpamekādeśaḥ syāt / śivāyoṃṃ namaḥ / śiva ehi //
antādivacca

yo 'yamekādeśaḥ sa pūrvasyāntavatparasyādivat / śivehi //
akaḥ savarṇe dīrghaḥ

akaḥ savarṇe 'ci pare pūrvaparayordīrgha ekādeśaḥ syāt / daityāraḥ / śrīśiḥ / viṣṇūdayaḥ / hotṝkāraḥ //
eṅaḥ padāntādati

padāntādeṅo'ti pare pūrvarūpamekādeśaḥ syāt / hare'va / viṣṇo 'va //
sarvatra vibhāṣāḥ goḥ

loke vede caiṅantasya gorati vā prakṛtibhāvaḥ padānte / goagram, go 'gram / eṅantasya kim ? citragvagram / padānte kim? goḥ //
anekāl śitsarvasya

iti prāpte //
ṅicca

ṅidanekālapyantyasyayaiva syāt //
avaṅ sphoṭāyanasya

padānte eṅantasya goravaṅ vāci / gavāgram, go 'gram / padānte kim ? gavi //
indre ca

goravaṅ syādindre / gavendraḥ //
dūrāddhūte ca

dūrātsambodhane vākyasya ṭeḥ pluto vā //
plutapragṛhyā aci nityam

ete 'ci prakṛtyā syuḥ / āgaccha kṛṣṇa 3 atra gauścarati //
īdūded dvivacanaṃ pragṛhyam

īdūdedantaṃ dvivacanaṃ pragṛhyaṃ syāt / harī etau / viṣṇū imau / gaṅge amū //
adaso māt

asmātparāvīdūtau pragṛhyau staḥ / amī īśāḥ / rāmakṛṣṇāvamū āsāte / mātkim ? amuke 'tra //
cādayo 'satve

adravyārthāścādayo nipātāḥ syuḥ //
prādayaḥ

ete 'pi tathā //
nipāta ekājanāṅ

eko 'j nipāta āṅvarjaḥ pragṛhyaḥ syāt / i indraḥ / u umeśaḥ / 'vākyasmaraṇayoraṅit; ā evaṃ nu manyase / ā evaṃ kila tat / anyatra ṅit ; ā īṣaduṣṇam oṣṇam //
ot

odanto nipātaḥ pragṛhyaḥ syāt / aho īśāḥ //
sambuddhau śākalyasyetāvanārṣe

sambuddhinimittaka okāro vā pragṛhyo 'vaidike itau pare / viṣṇo iti, viṣṇa iti, viṣṇaviti //
maya uño vo vā

mayaḥ parasya uño vo vāci / kimvuktam, kimu uktam //
iko 'savarṇe śākalyasya hrasvaśca

padāntā iko hrasvā vā syurasavarṇe 'ci / hrasvavidhisāmarthyānna svarasandhiḥ / cakri atra, cakraytra / padāntā iti kim ? gauryau -.
aco rahābhyāṃ dve