લઘુસિદ્ધાન્તકૌમુદી · શ્લોક 403-422

લિડાદેશસ્તિઙ્ઙાર્ધધાતુકસંજ્ઞઃ ॥
આર્ધધાતુકસ્યેડ્વલાદેઃ

વલાદેરાર્ધધાતુરસ્યેડાગમઃ સ્યાત્ । બભૂવિથ । બભૂવથુઃ । બભૂવ । બભૂવ । બભૂવિવ । બભૂવિમ ।
અનદ્યતને લુટ્

ભવિષ્યત્યનદ્યતનેર્ઽથે ધાતોર્લુટ્ સ્યાત્ ॥
સ્યતાસી ઌલુટોઃ

ધાતોઃ સ્ય તાસિ એતૌ પ્રત્યયૌ સ્તો ઌલુટોઃ પરતઃ । શબાદ્યપવાદઃ । ઌ ઇતિ ઌઙૢટોર્ગ્રહણમ્ ।
આર્ધધાતુકં શેષઃ

તિઙ્શિદ્ભ્યો ઽન્યો ધાતોરિતિ વિહિતઃ પ્રત્યય એતત્સંજ્ઞઃ સ્યાત્ । ઇટ્ ॥
લુટઃ પ્રથમસ્ય ડારૌરસઃ

ડા રૌ રસ્ એતે ક્રમાત્સ્યુઃ । ડિત્વસામર્થ્યાદભસ્યાપિ ટેર્લોપઃ । ભવિતા ॥
તાસસ્ત્યોર્લોપઃ

તાસેરસ્તેશ્ચ સસ્ય લોપસ્સ્યાત્ સાદૌ પ્રત્યયે પરે ।
રિ ચ

રાદૌ પ્રત્યયે તથા । ભવિતારૌ । ભવિતારઃ । ભવિતાસિ । ભવિતાસ્થઃ । ભવિતાસ્થ । ભવિતાસ્મિ । ભવિતાસ્વઃ । ભવિતાસ્મઃ।
ઌટ્ શેષે ચ

ભવિષ્યદર્થાદ્ધાતોરૢટ્ ક્રિયાર્થાયાં ક્રિયાયાં સત્યામસત્યાં વા । સ્ ય ઇટ્ । ભવિષ્યતિ । ભવિષ્યતઃ । ભવિષ્યન્તિ । ભવિષ્યસિ । ભવિષ્યથઃ । ભવિષ્યથ । ભવિષ્યામિ । ભવિષ્યાવઃ । ભવિષ્યામઃ।
લોટ્ ચ

વિધ્યાદ્યર્થેષુ ધાતોર્લોટ્ ॥
આશિષિ લિઙ્લોટૌ

એરુઃ

લોટ ઇકારસ્ય ઉઃ । ભવતુ ॥
તુહ્યોસ્તાતઙ્ઙાશિષ્યન્યતરસ્યામ્

આશિષિ તુહ્યોસ્તાતઙ્ વા । પરત્વાત્સર્વાદેશઃ । ભવતાત્ ॥
લોટો લઙ્વત્

લોટસ્તામાદયસ્સલોપશ્ચ ॥
તસ્થસ્થમિપાં તાંતંતામઃ

ઙિતશ્ચતુર્ણાં તામાદયઃ ક્રમાત્સ્યુઃ । ભવતામ્ । ભવન્તુ ॥
સેર્હ્યપિચ્ચ

લોટઃ સેર્હિઃ સો ઽપિચ્ચ ॥
અતો હેઃ

અતઃ પરસ્ય હેર્લુક્ । ભવ । ભવતાત્ । ભવતમ્ । ભવત ।
મેર્નિઃ

લોટો મેર્નિઃ સ્યાત્ ॥
આડુત્તમસ્ય પિચ્ચ

લોડુત્તમસ્યાટ્ સ્યાત્ પિચ્ચ । હિન્યોરુત્વં ન, ઇકારોચ્ચારણ સામર્થ્યાત્ ॥
તે પ્રાગ્ધાતોઃ

તે ગત્યુપસર્ગસંજ્ઞા ધાતોઃ પ્રાગેવ પ્રયોક્તવ્યાઃ ॥
આનિ લોટ્