Laghusiddhāntakaumudī · Verses 383-402

ātmanepada nimitta hīnāddhātoḥ kartari parasmaipadaṃ syāt //
tiṅastrīṇi trīṇi prathamamadhyamottamāḥ

tiṅa ubhayoḥ padayostrikāḥ kramādetatsaṃjñāḥ syuḥ //
tānyekavacanadvivacanabahuvacanānyekaśaḥ

labdha prathamādi saṃjñāni tiṅastrīṇi trīṇi pratyekamekavacanādi saṃjñāni syuḥ //
yuṣmadyupapade samānādhikaraṇe sthāninyapi madhyamaḥ

tiṅvācyakārakavācini yuṣmadi prayujyamāne 'prayujyamāne ca madhyamaḥ //
asmadyuttamaḥ

tathābhūte 'smadyuttamaḥ //
śeṣe prathamaḥ

madhyamottamayoraviṣaye prathamaḥ syāt / bhū ti iti jāte //
tiṅ śitsārvadhātukam

tiṅaḥ śitaśca dhātvadhikāroktā etatsaṃjñāḥ syuḥ //
kartari śap

kartrarthe sārvadhātuke pare dhātoḥ śap //
sārvadhātukārdhadhātukayoḥ

anayoḥ parayorigantāṅgasya guṇaḥ / avādeśaḥ / bhavati / bhavataḥ //
jho 'ntaḥ

pratyayāvayavasya jhasyāntādeśaḥ / ato guṇe / bhavanti / bhavasi / bhavathaḥ / bhavatha //
ato dīrgho yañi

ato 'ṅgasya dīrgho yañādau sārvadhātuke / bhavāmi / bhavāvaḥ / bhavāmaḥ / sa bhavati / tau bhavataḥ / te bhavanti / tvaṃ bhavasi / yuvāṃ bhavathaḥ / yūyaṃ bhavatha / ahaṃ bhavāmi / āvāṃ bhavāvaḥ / vayaṃ bhavāmaḥ //
parokṣe liṭ

bhūtānadyatana parokṣārthavṛtter dhātorliṭ syāt / lasya tibādayaḥ /
parasmaipadānāṃ ṇalatususthalathusaṇalvamāḥ

liṭastibādīnāṃ navānāṃ ṇalādayaḥ syuḥ / bhū a iti sthite -- .
bhuvo vugluṅliṭoḥ

bhuvo vugāgamaḥ syāt luṅliṭoraci //
liṭi dhātoranabhyāsasya

liṭi pare 'nabhyāsadhātvavayasyaikācaḥ prathamasya dve sta ādibhūtādacaḥ parasya tu dvitīyasya / bhūv bhūv a iti sthite -- .
pūrvo 'bhyāsaḥ

atra ye dve vihite tayoḥ pūrvo 'bhyāsasaṃjñaḥ syāt //
halādiḥ śeṣaḥ

abhyāsasyādirhal śiṣyate anye halo lupyante / iti valopaḥ //
hrasvaḥ

abhyāsatyāco hrasvaḥ syāt //
bhavateraḥ

bhavaterabhyāsokārasya aḥ syālliṭi //
abhyāse carca

abhyāse jhalāṃ caraḥ syurjaśaśca / jhaśāṃ jaśaḥ khayāṃ cara iti vivekaḥ / babhūva / babhuvatuḥ / babhūvuḥ //
liṭ ca