Laghusiddhāntakaumudī · Verses 262-281

asya num syāt sau pare / anaḍvān //
am saṃbuddhau

he anaḍvan / he anaḍvāhau / he anaḍvāhaḥ / anaḍuhaḥ / anaḍuhā //
vasusraṃsudhvaṃsvanaḍuhāṃ daḥ

sāntavasvantasya sraṃsādeśca daḥ syātpadānte / anaḍudbhyāmityādi // sānteti kim ? vidvān / padānte kim ? srastam /
dhvastam //
saheḥ sāḍaḥ saḥ

sāḍarūpasya saheḥ sasya mūrdhanyādeśaḥ / turāṣāṭ , turāṣāḍ / turāsāhau / turāsāhaḥ / turāṣāḍbhyāmityādi //
diva aut

diviti prātipadikasyautsyātsau / sudyauḥ / sudivau //
diva ut

divo 'ntādeśa ukāraḥ syāt padānte / sudyubhyāmityādi // catvāraḥ / caturaḥ / caturbhiḥ / caturbhyaḥ //
ṣaṭcaturbhyaśca

ebhya āmo nuḍāgamaḥ //
raṣābhyāṃ no ṇaḥ samānapade

aco rahābhyāṃ dve

acaḥ parābhyāṃ rephahakārābhyāṃ parasya yaro dve vā staḥ / caturṇṇām, caturṇām //
roḥ supi

roreva visargaḥ supi / ṣatvam / ṣasya dvitve prāpte //
śaro 'ci

aci pare śaro na dve staḥ / caturṣu //
mo no dhātoḥ

dhātormasya naḥ padānte / praśān //
kimaḥ kaḥ

kimaḥ kaḥ syādvibhaktau / kaḥ / kau / ke ityādi / śeṣaṃ sarvavat //
idamo maḥ

sau / tyadādyatvāpavādaḥ //
ido 'y puṃsi

idama ido 'y sau puṃsi / ayam / tyadādyatve //
ato guṇe

apadāntādato guṇe pararūpamekādeśaḥ //
daśca

idamo dasya maḥ syādvibhaktau / imau / ime / tyadādeḥ sambodhanaṃ nāstītyutsargaḥ //
anāpyakaḥ

akakārasyedama ido 'nāpi vibhaktau / ābiti pratyāhāraḥ / anena //
hali lopaḥ

akakārasyedama ido lopa āpi halādau / nānarthake 'lo 'ntyavidhiranabhyāsavikāre //
ādyantavadekasmin

ekasminkriyamāṇaṃ kāryamādāvivānta iva syāt / supi ceti dīrghaḥ / ābhyām //
nedamadasorakoḥ