Laghusiddhāntakaumudī · Verses 182-201

sakhyuraṅgātparaṃ saṃbuddhivarjaṃ sarvanāmasthānaṃ ṇidvatsyāt //
aco ñṇiti

ajantāṅgasya vṛddhirñiti ṇiti ca pare / sakhāyau / sakhāyaḥ / he sakhe / sakhāyam / sakhāyau / sakhīn / sakhyā / sakhye //
khyatyātparasya

khitiśabdābhyāṃ khītīśabdābhyāṃ kṛtayaṇādeśābhyāṃ parasya ṅasiṅasorata uḥ / sakhyuḥ //
aut

itaḥ parasya ṅeraut / sakhyau / śeṣaṃ harivat //
patiḥ samāsa eva

ghisaṃjñaḥ / patyuḥ 2 / patyau / śeṣaṃ harivat / samāse tu bhūpataye / kati śabdo nityaṃ bahuvacanāntaḥ //
bahugaṇavatuḍati saṃkhyā

ḍati ca

ḍatyantā saṃkhyā ṣaṭsaṃjñā syāt //
ṣaḍbhyo luk

jaśśasoḥ //
pratyayasya lukślulupaḥ

lukślulupśabdaiḥ kṛtaṃ pratyayādarśanaṃ kramāttattatsaṃjñaṃ syāt //
pratyayalope pratyayalakṣaṇam

pratyaye lupte tadāśritaṃ kāryaṃ syāt / iti jasi ceti guṇe prāpte //
na lumatāṅgasya

lumatā śabdena lupte tannimittamaṅgakāryaṃ na syāt / kati 2 / katibhiḥ / katibhyaḥ 2 / katīnām / katiṣu / yuṣmadasmatṣaṭsaṃjñakāstriṣu sarūpāḥ // tri śabdo nityaṃ bahuvacanāntaḥ / trayaḥ / trīn / tribhiḥ / tribhyaḥ 2 //
trestrayaḥ

triśabdasya trayādeśaḥ syādāmi / trayāṇām / triṣu / gauṇatve 'pi priyatrayāṇām //
tyadādīnāmaḥ

eṣāmakāro vibhaktau / ( dviparyyantānāmeveṣṭiḥ ) / dvau 2 / dvābhyām 3 / dvayoḥ 2 // pāti lokamiti papīḥ sūryaḥ //
dīrghājjasi ca

papyau 2 / papyaḥ / he papīḥ / papīm / papīn / papyā / papībhyām 3 / papībhiḥ / papye / papībhyaḥ 2 / papyaḥ 2 / papyoḥ / dīrghatvānna nuṭ, papyām / ṅau tu savarṇadīrghaḥ, papī / papyoḥ / papīṣu / evaṃ vātapramyādayaḥ // bahvyaḥ śreyasyo yasya sa bahuśreyasī //
yū stryākhyau nadī

īdūdantau nityastrīliṅgau nadīsaṃjñau staḥ / ( prathamaliṅgagrahaṇaṃ ca ) / pūrvaṃ stryākhyasyopasarjanatve 'pi nadītvaṃ vaktavyamityarthaḥ //
ambārthanadyorhrasvaḥ

sambuddhau / he bahuśreyasi //
āṇnadyāḥ

nadyantātpareṣāṃ ṅitāmāḍāgamaḥ //
āṭaśca

āṭo 'ci pare vṛddhirekādeśaḥ / bahuśreyasyai / bahuśreyasyāḥ / bahuśreyasīnām //
ṅerāmnadyāmnībhyaḥ

nadyantādābantānnīśabdācca parasya ṅerām / bahuśreyasyām / śeṣaṃ papīvat // aṅyantatvānna sulopaḥ / atilakṣmīḥ / śeṣaṃ bahuśreyasīvat // pradhīḥ //
aci śnudhātubhruvāṃ yvoriyaṅuvaṅau

śnu pratyayāntasyevarṇovarṇāntasya dhātorbhrū ityasya cāṅgasya ceyaṅuvaṅau sto 'jādau pratyaye pare / iti prāpte //
eranekāco 'saṃyogapūrvasya