Laghusiddhāntakaumudī · Verses 1123-1143

tenetyeva / uḍupena tarati auḍupikaḥ //
carati

tṛtīyāntādgacchati bhakṣayatītyarthayoṣṭhak syāt / hastinā carati hāstikaḥ / dadhnā carati dādhikaḥ //
saṃsṛṣṭe

dadhnā saṃsṛṣṭaṃ dādhikam //
uñchati

badarāṇyuñchati bādarikaḥ //
rakṣati

samājaṃ rakṣati sāmājikaḥ //
śabdadarduraṃ karoti

śabdaṃ karoti śābdikaḥ / darduraṃ karoti dārdurikaḥ //
dharmaṃ carati

dhārmikaḥ ( adharmācceti vaktavyam ) / ādharmikaḥ //
śilpam

mṛdaṅgavādanaṃ śilpamasya mārdaṅgikaḥ //
praharaṇam

tadasyetyeva / asiḥ praharaṇamasya āsikaḥ / dhānuṣkaḥ //
śīlam

apūpabhakṣaṇaṃ śīlamasya āpūpikaḥ //
nikaṭe vasati

naikaṭiko bhikṣukaḥ //
iti ṭhagadhikāraḥ / (prāgvahatīyāḥ) // 7 //
atha yadadhikāraḥ
prāgghitādyat

tasmai hitamityataḥ prāg yadadhikriyate //
tadvahati rathayugaprāsaṅgam

rathaṃ vahati rathyaḥ / yugyaḥ / prāsaṅgyaḥ //
dhuro yaḍḍhakau

hali ceti dīrghe prāpte - .
na bhakurchurām

bhasya kurchuroścopadhāyā iko dīrgho na syāt / dhuryaḥ / dhaureyaḥ //
nauvayodharmaviṣamūlamūlasītātulābhyastāryatulyaprāpyavadhyānāmyasamasamitasaṃmiteṣu
nāvā tāryaṃ nāvyaṃ jalam / vayasā tulyo vayasyaḥ / dharmeṇa prāpyaṃ dharmyam / viṣeṇa vadhyo viṣyaḥ / mūlena ānāmyaṃ mūlyam / mūlena samo mūlyaḥ / sītayā samitaṃ sītyaṃ kṣetram / tulayā saṃmitam tulyam //
tatra sādhuḥ

agre sādhuḥ - agryaḥ / sāmasu sādhuḥ sāmanyaḥ / ye cābhāvakarmaṇoriti prakṛti bhāvaḥ / karmaṇyaḥ / śaraṇyaḥ //
sabhāyā yaḥ

sabhyaḥ //
iti yato 'vadhiḥ / (prāgghitīyāḥ) // 8 //
atha chayatoradhikāraḥ
prāk krītācchaḥ

tena krītamityataḥ prāk cho 'dhikriyate //
ugavādibhyo yat

prāk krītādityeva / uvarṇāntādgavādibhyaśca yat syāt / chasyāpavādaḥ / śaṅkave hitaṃ śaṅkavyaṃ dāru / gavyam / ( nābhi nabhaṃ ca ) / nabhyo 'kṣaḥ / nabhyamañjanam //
tasmai hitam

vatsebhyo hito vatsīyo godhuk //
śarīrāvayavādyat