Kiraṇatantra, 1-6 with the commentary · Chapter 3

bhoktṛtvaṃ malataḥ proktam abhilāṣānna kiṃ bhavet
sa ca rāgādyato rāgo vaktavyo 'tra malena kim //

bhoktṛtvaṃ nāma yatproktam anādi malakāraṇam

abhilāṣastanau satyāṃ sā tanuḥ kena hetunā //

rāgo 'pi tannimittatvāt pravṛttaḥ

puruṣasya tu
cauryaṃ hi bījamāpekṣya yathā nigaḍabandhanam //

evaṃ paśutvamāpekṣya rāgatattvaṃ pravartate

etasmādasya bhoktṛtvaṃ tanurbhogo 'nyahetujaḥ //

paśutvena hi bhoktṛtvaṃ māyābandhastanau sthitaḥ
sukhaduḥkhādiko bhogaḥ karmataḥ saṃsthitaḥ paśoḥ
nānyathāsya vinirdiṣṭaṃ bhogabhoktṛtvabandhanam //

yadetatkarma deveśa proktaṃ bhoganibandhanam
karmārjanaṃ tanau satyāṃ sṛṣṭikāle tanuḥ kutaḥ //

yathānādirmalastasya karmāpyevamanādikam
yadyanādi na saṃsiddhaṃ vaicitryaṃ kena hetunā //

tasmādanādikaṃ karma māyāpyevaṃ bhavastathā
tathānādiḥ śivaḥ kartā sarvasya jagataḥ sthitaḥ //

śivaḥ kartā tvayā proktaḥ sa kathaṃ gamyate prabho

vaikaraṇyādamūrtatvāt kartṛtvaṃ yujyate katham //

yathā kālo hyamūrto 'pi dṛśyate phalasādhakaḥ
evaṃ śivo hyamūrto 'pi kurute kāryamicchayā //

icchaiva karaṇaṃ tasya yathā sadyogino matā

vyāpāro na ca dṛśyeta kāryamicchā pratīyate //

sthūlaṃ vicitrakaṃ kāryaṃ nānyathā ghaṭavadbhavet
asti heturataḥ kaścit %//

na hyacetanam //

proktaḥ sa niṣkalaḥ sthūlas tathā sakalaniṣkalaḥ
īśaḥ sadāśivaḥ śāntaḥ kṛtyabhedādvibhidyate //

niṣkalaḥ sa kathaṃ jñeyaḥ sakalo 'pi pumāṃstadā
dvisvabhāvastathā yo 'nyo viruddhaḥ sa parasparam //

paśoḥ śaktinipātena mantraśaktyā ca sarvadā
niṣkalaṃ lakṣyate śaktyā sūkṣmaṃ viṣavikāravat //

sakalo 'pi pumānnaiva māyāvayavavarjanāt

nirmalatvācchivasyātra na kalpyāstvasitāḥ kalāḥ //

mantrātmikāḥ kalāstasya te ca mantrāḥ śivātmikāḥ

taiḥ prakalpya śarīraṃ svaṃ śuddhākṣādhyāsitaṃ mahat //

yāvadevaṃ na kurute tāvanno gurupaddhatiḥ

kurute 'nugrahaṃ dehī sarveṣāmeva dehinām //

yathaiva yoginaḥ śaktir grahaṇe mocane 'pi hi
tadvadevātra boddhavyaṃ grahaṇaṃ mocanaṃ vibhoḥ //

mudrāmaṇḍalamantraiśca tridhāsiddhiviceṣṭitaiḥ
lakṣyate sakalaṃ dhyānāt sarvajñānapravṛttitaḥ //

dvisvabhāvagato yo 'nyo devaḥ prokto na niṣkalaḥ
bṛhaccharīramāpekṣya kalāhīna iti smṛtaḥ //

evamīśaḥ sthitaḥ sākṣād yogināṃ yogakāraṇam

yogo na lakṣyahīnatvān na nāḍī na ca dhāraṇā //

puṃsāmanugrahārthaṃ tu paro 'pyaparatāṃ gataḥ

nādabindukhamantrāṇu śaktibījakalāntagaḥ //

yogī yathopakārajñaḥ sarvajñatvātphalapradaḥ

icchānugrahakartṛtvāl layabhogādhikāravān //

trividhaḥ kṛtyabhedena darśito nāmabhedataḥ

īśvaro 'dhaḥsthavidyānāṃ patīnsaṃprerayatyasau //

tena preritamātrāste kurvate 'dhastanaṃ jagat

śuddhe 'dhvani śivaḥ kartā prokto 'nanto 'site prabhuḥ //

yathā bhūmaṇḍaleśena niyuktaḥ svasamaprabhuḥ
tathāsau kurute sarvaṃ tacchaktipratibodhitaḥ

sarvajñaḥ śuddhadehaśca sarvajñānaprakāśakaḥ //