Kāvyālaṃkārasūtra (another edition) · Chapter 2.2
dvitīyo 'dhyāyaḥ /
bhinnavṛttayatibhraṣṭavisaṃdhīni vākyāni
svalakṣaṇacyutavṛttaṃ bhinnavṛttam
virasavirāmaṃ yatibhraṣṭam
taddhātunāmabhāgabhede svarasaṃdhyakṛte prāyeṇa
na vṛttadoṣātpṛthagyatidpṣaḥ, vṛttasya yatyātmakatvāt // VKal_2,2.5* //
na, lakṣaṇaḥ pṛthaktvāt // VKal_2,2.6* //
virūpapadasaṃdhi visaṃdhiḥ
padasaṃdhervairūpyaṃ viśleṣo 'ślīlatvaṃ kaṣṭatvaṃ ca
vyarthaikārthasaṃdigdhāyuktāpakramalokavidyā viruddhāni ca
vyāhatapūrvottarārthaṃ vyartham
uktārthapadamekārtham
na, viśeṣaścedekārthaṃ duṣṭam // VKal_2,2.12* //
dhanurjyādhvanau dhanuḥśrutirārūḍheḥ pratipattyai
karṇāvataṃsaśravaṇakuṇḍalaśiraḥśekhareṣu karṇādinirdeśaḥ saṃnidheḥ
muktāhāraśabde muktāśabdaḥ śuddheḥ
puṣpamālāśabde puṣpapadamutkarṣasya
karikalabhaśabde kariśabdastādrūpyasya
viśeṣaṇasya ca
tadidaṃ prayukteṣu
saṃśayakṛtsaṃdigdham
māyādivikalpitārthamprayuktam
kramahīnārthamapakramam
deśakālasvabhāvaviruddhārthāni lokaviruddhāni
kalācaturvargaśāstraviruddhārthāni vidyāviruddhāni
Original text: Kāvyālaṃkārasūtra · Edition: Narayanarama, Delhi : Motilal Banarsidas, 1983. śrīVāmanācāryaviracitāni Kāvyālaṅkārasūtrāni Svavṛttisamalaṅkṛtāni śrīNārāyaṇarāma ācārya Kāvyatīrtha ityetaiṣ ṭippaṇyādibhiḥ samalaṅkṛtya saṃśodhitāni Delhi : Motilal Banarsidasa, 1983 · Data entry Masahiro Takano · GRETIL (Göttingen) · CC BY-NC-SA 4.0