કાવ્યાલંકારસૂત્ર (અન્ય આવૃત્તિ) · અધ્યાય 2.2

દ્વિતીયો ઽધ્યાયઃ ।
ભિન્નવૃત્તયતિભ્રષ્ટવિસંધીનિ વાક્યાનિ

સ્વલક્ષણચ્યુતવૃત્તં ભિન્નવૃત્તમ્

વિરસવિરામં યતિભ્રષ્ટમ્

તદ્ધાતુનામભાગભેદે સ્વરસંધ્યકૃતે પ્રાયેણ

ન વૃત્તદોષાત્પૃથગ્યતિદ્પ્ષઃ, વૃત્તસ્ય યત્યાત્મકત્વાત્ ॥ વ્કલ્_2,2.5* ॥
ન, લક્ષણઃ પૃથક્ત્વાત્ ॥ વ્કલ્_2,2.6* ॥
વિરૂપપદસંધિ વિસંધિઃ

પદસંધેર્વૈરૂપ્યં વિશ્લેષો ઽશ્લીલત્વં કષ્ટત્વં ચ

વ્યર્થૈકાર્થસંદિગ્ધાયુક્તાપક્રમલોકવિદ્યા વિરુદ્ધાનિ ચ

વ્યાહતપૂર્વોત્તરાર્થં વ્યર્થમ્

ઉક્તાર્થપદમેકાર્થમ્

ન, વિશેષશ્ચેદેકાર્થં દુષ્ટમ્ ॥ વ્કલ્_2,2.12* ॥
ધનુર્જ્યાધ્વનૌ ધનુઃશ્રુતિરારૂઢેઃ પ્રતિપત્ત્યૈ

કર્ણાવતંસશ્રવણકુણ્ડલશિરઃશેખરેષુ કર્ણાદિનિર્દેશઃ સંનિધેઃ

મુક્તાહારશબ્દે મુક્તાશબ્દઃ શુદ્ધેઃ

પુષ્પમાલાશબ્દે પુષ્પપદમુત્કર્ષસ્ય

કરિકલભશબ્દે કરિશબ્દસ્તાદ્રૂપ્યસ્ય

વિશેષણસ્ય ચ

તદિદં પ્રયુક્તેષુ

સંશયકૃત્સંદિગ્ધમ્

માયાદિવિકલ્પિતાર્થમ્પ્રયુક્તમ્

ક્રમહીનાર્થમપક્રમમ્

દેશકાલસ્વભાવવિરુદ્ધાર્થાનિ લોકવિરુદ્ધાનિ

કલાચતુર્વર્ગશાસ્ત્રવિરુદ્ધાર્થાનિ વિદ્યાવિરુદ્ધાનિ