Kāvyālaṃkārasūtra (another edition) · Chapter 2.1
samāptaṃ cedaṃ śārīraṃ prathamamadhikaraṇam /
doṣadarśanaṃ nāma dvitīyamadhikaraṇam /
prathamo 'dhyāyaḥ /
guṇaviparyayātmāno doṣāḥ
arthatastadavagamaḥ
saukaryāya prapañcaḥ
duṣṭaṃ padamasādhu kaṣṭaṃ grāmyamapratītamanarthakaṃ ca
śabdasmṛtiviruddhamasādhu
śrutivirasaṃ kaṣṭam
lokamātraprayuktaṃ grāmyam
śāstramātraprayuktamapratītam
pūraṇārthamanarthakam
na vākyālaṅkārārtham
anyārthaneyagūḍhārthāślīlakliṣṭāni ca
rūḍhicyutamanyārtham
kalpitārthaṃ neyārtham
aprasiddhārthaprayuktaṃ gūḍhārtham
asamyārthāntaramasamyasmṛtihetuścāślīlam
na guptalakṣitasaṃvṛtāni
aprasiddhāsabhyaṃ guptam
lākṣaṇikāsabhyānvitaṃ lakṣitam
lokasaṃvītaṃ saṃvṛtam
tantraividhyam, vrīḍājugupsāmaṅgalātaṅkadāyibhedāt // VKal_2,1.20* //
vyavahitārthapratyayaṃ kliṣṭam
antyābhyāṃ vākyaṃ vyākhyātam
Original text: Kāvyālaṃkārasūtra · Edition: Narayanarama, Delhi : Motilal Banarsidas, 1983. śrīVāmanācāryaviracitāni Kāvyālaṅkārasūtrāni Svavṛttisamalaṅkṛtāni śrīNārāyaṇarāma ācārya Kāvyatīrtha ityetaiṣ ṭippaṇyādibhiḥ samalaṅkṛtya saṃśodhitāni Delhi : Motilal Banarsidasa, 1983 · Data entry Masahiro Takano · GRETIL (Göttingen) · CC BY-NC-SA 4.0