Kāvyālaṃkārasūtra (another edition) · Chapter 3.1

samāotaṃ cedaṃ doṣadarśanam dvitīyamadhikaraṇam /
guṇavivecanaṃ nāma tṛtīyamadhikaraṇam /
prathamo 'dhyāyaḥ /
kāvyaśobhāyāḥ kartāro dharmā guṇāḥ

tadatiśayahetavastvalaṅkārāḥ

pūrve nityāḥ

ojaḥprasādaśleṣasamatāsamādhimādhuryasaukumāryodāratārthavyaktikāntayo bandhaguṇāḥ

gāḍhabandhatvamojaḥ

śaithilyaṃ prasādaḥ

guṇaḥ saṃplavāt

sa tvanubhavasiddhaḥ

sāmyotkarṣau ca

masṛṇatvaṃ śleṣaḥ

mārgāvhedaḥ samatā

ārohāvarohakramaḥ samādhiḥ

na pṛthak, ārohāvarohayorojaḥprasādarūpatvāt // VKal_3,1.13* //
na, asaṃpṛktatvāt // VKal_3,1.14* //
anaikāntyācca

ojaḥprasādayoḥ tīvrāvasthā, tāviti cedabhyupagamaḥ // VKal_3,1.16* //
viśeṣāpekṣitvāttayoḥ

ārohāvarohanimittaṃ samādhirākhyāyate

kramavidhānārthaṃ vā

pṛthakpadatvaṃ mādhuryam

ajaraṭhatvaṃ saukumāryam

vikaṭatvamudāratā

arthavyaktihetutvamarthavyaktiḥ

aujjvalyaṃ kāntiḥ