काव्यालंकारसूत्र (अन्य संस्करण) · अध्याय 2.2

द्वितीयो ऽध्यायः ।
भिन्नवृत्तयतिभ्रष्टविसंधीनि वाक्यानि

स्वलक्षणच्युतवृत्तं भिन्नवृत्तम्

विरसविरामं यतिभ्रष्टम्

तद्धातुनामभागभेदे स्वरसंध्यकृते प्रायेण

न वृत्तदोषात्पृथग्यतिद्प्षः, वृत्तस्य यत्यात्मकत्वात् ॥ व्कल्_2,2.5* ॥
न, लक्षणः पृथक्त्वात् ॥ व्कल्_2,2.6* ॥
विरूपपदसंधि विसंधिः

पदसंधेर्वैरूप्यं विश्लेषो ऽश्लीलत्वं कष्टत्वं च

व्यर्थैकार्थसंदिग्धायुक्तापक्रमलोकविद्या विरुद्धानि च

व्याहतपूर्वोत्तरार्थं व्यर्थम्

उक्तार्थपदमेकार्थम्

न, विशेषश्चेदेकार्थं दुष्टम् ॥ व्कल्_2,2.12* ॥
धनुर्ज्याध्वनौ धनुःश्रुतिरारूढेः प्रतिपत्त्यै

कर्णावतंसश्रवणकुण्डलशिरःशेखरेषु कर्णादिनिर्देशः संनिधेः

मुक्ताहारशब्दे मुक्ताशब्दः शुद्धेः

पुष्पमालाशब्दे पुष्पपदमुत्कर्षस्य

करिकलभशब्दे करिशब्दस्ताद्रूप्यस्य

विशेषणस्य च

तदिदं प्रयुक्तेषु

संशयकृत्संदिग्धम्

मायादिविकल्पितार्थम्प्रयुक्तम्

क्रमहीनार्थमपक्रमम्

देशकालस्वभावविरुद्धार्थानि लोकविरुद्धानि

कलाचतुर्वर्गशास्त्रविरुद्धार्थानि विद्याविरुद्धानि