Garuda Purana · Chapter 3.13

iti śrīgāruḍe mahāpurāṇe dvitīyāṃśe dharmakāṇḍe śrīkṛṣṇagaruḍasaṃvāde brahmastutivarṇanaṃ nāma dvādaśo 'dyāyaḥ
śrīgaruḍamahāpurāṇam- 13
śrīkṛṣṇa uvāca /
iti stutaḥ sa bhagavān svapūtreṇa dayānidhiḥ /
medhagaṃbhīrayā vācā provāca madhusūdanaḥ

sṛja brahmannimāndevānmatprasādātkrameṇa ca /
yathā vai prākkṣaṇetadvatsṛja sarvaṃ mahāprabho

nāsti prayojanaṃ tena tava matprītaye sṛja /
evamuktastu hāriṇā brahmā stutvā hariṃ param

sṛṣṭiṃ kartuṃ mano dadhre prīṇayanneva mādhavam /
mahattatvātmako brahmā vāyuṃ jīvabhimāninam

ādau sasarja garuḍa puruṣātmā sa eva ca /
tato dakṣiṇahastāttu brahmāṇīṃ bhārantī tathā
(13.5)
asṛjatte mahābhāge avyaktasya niyāmike /
vāmahastātsatyaputro mahattatvātmako 'nalaḥ

brahmaṇo dakṣiṇāddhastādahaṅkārātmako haraḥ /
ādau śeṣastato jajñe garuḍatadanantaram

tadanantarajo rudraḥ sa evaṃ sṛṣṭavānprabhuḥ /
svotpattyanantaraṃ brahmā daśavarṣānmahāprabhuḥ

vāyumuttpādrayāmāsa vatsarānantare prabhuḥ /
gāyatrīṃ janayāmāsa vāyorutpattyanantaram

saṃvatsarānantare tu bhāratīmasṛjatprabhuḥ /
bhāratyanantaraṃ śeṃ divyasāhasravatsarāt

anantaraṃ saṃbabhūva garuḍastu tataḥ param /
divyasāhasravarṣāttu tathā rudrañca sṛṣṭavān

śeṣasyānantaraṃ devīṃ vāruṇīṃ ca mahāprabhuḥ /
daśavarṣānantaraṃ tu hyasṛjatkamalāsanaḥ

garuḍānantaraṃ devīṃ sauparṇīmasṛjatprabhuḥ /
daśavarṣānantaraṃ ca pārvatīṃ ca tathaiva saḥ

pārvatyanantaraṃ candraṃ manastattvaniyāmakam /
daśavarṣānantaraṃ tu vāsavaṃ hyasṛjattataḥ

abhimānī dakṣiṇasya bāhośca parameṣṭhinaḥ /
daśavarṣānantaraṃ tu śacī tāmasṛjatprabhuḥ

indrasyānantaraṃ kāmaṃ triṃśadvarṣādanantaram /
asṛjadvāmabāhoścamanastatvābhimāninam

tadanantarajāṃ devīṃ daśavarṣādanantaram /
ratiṃ sa janayāmāsa kāmabhāryāṃ mahāprabhuḥ

kāmasyāpyabhimānī tu sa eva parikīrtitaḥ /
brahmāhaṅkārikaṃ prāṇaṃ kāryotpatteranantaram

daśavarṣānantaraṃ tu nirmame nāsika tataḥ /
tasya bhāryāṃ nāsikasyaḥ pañcavarṣādanantaram

nirmame nāsikāṃ vāmāṃ brahmā lokapitāmahaḥ /
ahaṅkārādanu brahmā sajñānaṃ ca bṛhaspatim

nirmame ca varṣayugmapañcavarṣādanantaram /
pañcavarṣānantaraṃ tu tārāṃ bhāryāṃ vinirmame

guroranantaraṃ brahmā pañcaviṃśādanantaram /
svāyaṃbhuvaṃ manuṃ caiva nirmame manasā vibhuḥ

pañcavarṣānantaraṃ tu śatarūpāṃ vinirmame /
śatarūpānantaraṃ tu viṃśadvarṣadināntaram

dakṣaḥ śiṣyātmako jajñe dakṣiṇāṅguṣṭhataḥ prabhoḥ /
pañcavarṣānantaraṃ tu vāmāṅguṣṭhāccaturmukhaḥ

prasūtimasṛjadbrahmā sṛṣṭyarthaṃ paramādarāt /
dakṣasyānantaraṃ brahmā pañcaviṃśādanantaram

nirmame hyaniruddhaṃ ca madhyamāṅguliparvataḥ /
pañcavarṣānantaraṃ tu sasarja bhagavānajaḥ

virājasaṃjñakāṃ bhāryāṃ madhyamāṅguliparvataḥ /
aniruddhānantara tu śatavarṣādanantaram

nirmame pravahaṃ vāyuṃ kaniṣṭhāṅguliparvataḥ /
daśavarṣānantaraṃ tu pravāhīṃ nirmame prabhuḥ

kaniṣṭhāṅguliparvācca vāmadevaṃ na saṃśayaḥ /
pravahānantaraṃ tabrahmā śatavarṣādanantaram

yamaṃ vinirmame pṛṣṭhādaṣṭavarṣādanantaram /
tadbhāryāṃ śāmalāṃ devīṃ tasmādeva mahāprabhuḥ

yamasyānantaraṃ candraṃ triṃśadvarṣādanantaram /
asṛjaddakṣiṇācchotrācchotratattvaniyāmakam

navavarṣānantaraṃ tu rohiṇīsamṛjatprabhuḥ /
vāmaśrotrācca garuḍaṃ vāmaśrotrābhimāninam

candrasyānantaraṃ sūryaṃ viṃśadvarṣādanantaram /
samyagvinirmame brahmā dakṣiṇākṣṇaśca devatām

vāmākṣṇo nirmame saṃjñāṃ ṣaḍvarṣānantaraṃ prabhuḥ /
sūryasyānantaraṃ brahmā śatavarṣādanantaram

rasanendriyācca varuṇaṃ nirmame tasya māninam /
viṃśadvarṣānantaraṃ tu tasmādevedriyātprabhuḥ

gaṅgāṃ vinirmame brahmā rasanendriyadevatām /
varuṇasyānantaraṃ tu daśavarṣādanantaram

utsaṃgānnirmame brahmā nāradaṃ bhagavatpriyam /
nāradasyānantaraṃ tu ṣaṣṭivarṣādanantaram

agniṃ vinirmame brahmātvagindriyataḥ prabhuḥ /
ato vāgabhimānī saṃ pañcavarṣādanantaram

svāhāṃ vinirmame brahmā tāmāhurmantradevatām /
agneranantaraṃ vīndra bhṛguṃ brahmarṣisattamam

daśavarṣānantaraṃ tu bhruvormadhyādvinirmame /
saṃvatsarānantaraṃ tu bhṛgubhāryāṃ vinirmame

bhṛgoranantaraṃ brahmā śatavarṣādanantaram /
kaśyapañjanayāmāsa manasā ca svayaṃ prabhuḥ

saṃvatsarānantaraṃ tu aditiṃ nirmame prabhuḥ /
kaśyapānantaraṃ cātriṃ daśavarṣādanantaram

atreranantaraṃ brahmā daśavarṣādanantaram /
ajījanadbharadvājaṃ vasiṣṭha tadanataram

daśavarṣānantaraṃ tu teṣāṃ bhāryāḥ krameṇa tu /
saṃvatsarānantareṇa asṛjatkamalāsanaḥ

vasiṣṭhasyānantaraṃ tu gautamaṃ hyasṛjatprabhuḥ /
daśavarṣānantareṇa jamadagniṃ tato 'sṛjat

daśavarṣānantareṇa manurvaivasvato 'bhavat /
manoranantaraṃ jajñe śatavarṣādanantaram

viṣvakseno mahābhāgo vāyuputro mahābalaḥ /
tasmāccaturdaśe varṣe gaṇapo hyabhavadvibhoḥ

tadanantarajo vīndra aṣṭavarṣādanantaram /
dhanapo hyabhavattatra tadbhāryā vatsare pare

viṣvaksenānantaraṃ tu daśavarṣādanantaram /
jayādīnbha gavadbhaktānsṛṣṭavān kamalāsanaḥ

jayādyānantaraṃ brahmā vallādyāḥ karmadevatāḥ /
śatavarṣānantaraṃ tu sṛṣṭavāñchivavāhanam

karmadevānantaraṃ tu triṃśadvarṣādanantaram /
parjanyamasṛjbrahmā mantrayantrābhimāninam

parjanyānantaraṃ brahmā daśavarṣādanantaram /
puṣkaraṃ janayāmāsa karmatattvābhimāninam

evaṃ vinirmame brahmā matprasādātkhageśvara /
evaṃ jñātvā mokṣameti nānyathā tu kathañcana